ବଲାଙ୍ଗୀର,୨୨।୮(ସୁନିଲ ମହାନ୍ତି): ସଇଁତଳା ଥାନା ଅନ୍ତର୍ଗତ ଜୁରାବନ୍ଧ ପଞ୍ଚାୟତ ଅନ୍ତର୍ଗତ ଗୁଦ୍ରାମୁଣ୍ଡା ସରକାରୀ ପ୍ରାଥମିକ ବିଦ୍ୟାଳୟରେ ମଦ୍ୟପ ଶିକ୍ଷକଙ୍କ ମାଡ଼ରେ ଜଣେ ଛାତ୍ର ଆହତ ହୋଇଛନ୍ତି । ଛାତ୍ରଙ୍କ ପରିବାର ପକ୍ଷରୁ ଏ ନେଇ ଟିକ୍ରାପଡ଼ା ଫାଣ୍ଡିରେ ଲିଖିତ ଅଭିଯୋଗ କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ଶିକ୍ଷକଙ୍କୁ ଉଠାଇନେଇ ତଦନ୍ତ କରୁଥିବା ଜଣାପଡିଛି। ଅଭିଯୋଗ ଅନୁସାରେ ବିଦ୍ୟାଳୟରେ ଗ୍ରାମର ବନବାସ ସୁନାଙ୍କ ପୁତ୍ର ତୃତୀୟ ଶ୍ରେଣୀରେ ସ୍କୁଲରେ ପାଠ ପଢ଼ୁଛନ୍ତି । ଶୁକ୍ରବାର ଅପରାହ୍ନ ୧ ଘଣ୍ଟା ସମୟରେ ବିଦ୍ୟାଳୟର ଶିକ୍ଷକ ପ୍ରତାପ କୁମାର ନନ୍ଦ କୌଣସି କାରଣକୁ ନେଇ ଛାତ୍ରଙ୍କୁ ପ୍ରବଳ ମାଡ଼ ମାରିଥିବା ଅଭିଯୋଗ କରିଛନ୍ତି। ଫଳରେ ଛାତ୍ର ଜଣକ ଅସୁସ୍ଥ ହୋଇ ପଡ଼ିଥିଲା। ପରିବାର ବର୍ଗଙ୍କୁ ଅସୁସ୍ଥ ହୋଇପଡ଼ିଥିବା କର୍ତ୍ତୃପକ୍ଷ ଜଣାଇବା ପରେ ପରିବାର ଏବଂ ଗ୍ରାମବାସୀ ବିଦ୍ୟାଳୟରେ ପହଞ୍ଚିି ଶିକ୍ଷକଙ୍କ ଏଭଳି କାର୍ଯ୍ୟ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିବା ସହ ବିଦ୍ୟାଳୟ ପରିଚାଳନା କମିଟିକୁ ଅବଗତ କରିଥିଲେ । ପରେ ଛାତ୍ରର ବାପା ବନବାସ ସୁନା ଟିକ୍ରାପଡ଼ା ଫାଣ୍ଡିକୁ ଯାଇ ଲିଖତ ଅଭିଯୋଗ କରିଛନ୍ତ। ପରେ ଫାଣ୍ଡି ଅଧିକାରୀ ଘଟଣାସ୍ଥଳକୁ ଆସି ଶିକ୍ଷକଙ୍କୁ ନେଇଯାଇଥିଲେ । ପୂର୍ବରୁ ଶିକ୍ଷକ ଜଣକ ମଦ ପିଇ ବିଦ୍ୟାଳୟକୁ ଆସୁଥିବା ନେଇ ଗ୍ରାମବାସୀ ଗୋଷ୍ଠୀ ଶିକ୍ଷା ଅଧିକାରୀଙ୍କ ନିକଟରେ ଅଭିଯୋଗ କରିବାପରେ ମଧ୍ୟ ଅଦ୍ୟାବଧ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନ ଥିବାରୁ ଗ୍ରାମବାସୀ ଅସନ୍ତୋଷ ପ୍ରକାଶ କରିବା ସହ ଶିକ୍ଷକଙ୍କୁ ତୁରନ୍ତ ବଦଳି ନ କଲେ ଆଗାମୀ ଦିନରେ ବିଦ୍ୟାଳୟରେ ତାଲା ଦିଆଯିବ ବୋଲି ଚେତାବନୀ ଦେଇଛନ୍ତି । ସେହିପରି ଶିକ୍ଷକ ଜଣକ ବିଦ୍ୟାଳୟରେ ଶୋଇ ରହିଥିବାର ଏକ ଭିଡ଼ିଓ ଅଞ୍ଚଳରେ ଭାଇରାଲ ହେଉଛି । ଯାହାକୁ ନେଇ ବୁଦ୍ଧିଜିବୀ ମହଲରେ ତୀବ୍ର ଅସନ୍ତୋଷ ଦେଖାଦେଇଛି ।
