ପୁରୁଷୋତ୍ତମପୁର,୫ା୭(ସବିତା ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ତାରାତାରିଣୀ କଲେଜ ପାଇଁ ଚଳିତ ବର୍ଷ ଏକ ଐତିହାସିକ ବର୍ଷ ପାଲଟିଛି । କେନ୍ଦ୍ର ସରକାରଙ୍କ ପ୍ରତିଷ୍ଠିତ ରୁଷା/ପିଏମ-ଉଷା ପ୍ରକଳ୍ପରେ ଏହି କଲେଜ ସାମିଲ ହେବା ସହ ଏହାର ବିକାଶ ପାଇଁ ବୃହତ ଆର୍ଥିକ ଅନୁଦାନ ମଞ୍ଜୁର ହୋଇଛି ।
ମିଳିଥିବା ସୂଚନା ପ୍ରକାରେ ଗତ ମାର୍ଚ୍ଚ ମାସରେ କଲେଜର ଭିତ୍ତିଭୂମି ବିକାଶ ପାଇଁ ଦୁଇ କୋଟିର ପ୍ରାରମ୍ଭିକ ଅନୁଦାନ ମିଳିଥିବା ବେଳେ ପୁଣି ଶନିବାର ତିନି କୋଟି କୋଡ଼ିଏ ଲକ୍ଷ ଛବିଶ ହଜାର ଛଅ ଶହ ଟଙ୍କାର ଅନୁଦାନ ମିଳିଛି । ଏହା କଲେଜର ଭିତ୍ତିଭୂମିକୁ ସମ୍ପୂର୍ଣ୍ଣ ଆଧୁନିକ କରଣ ସହ ସୁଦୃଢ଼ କରିବାରେ ସହାୟକ ହେବ । ଏହାସହ ପୂର୍ବରୁ ଚଳିତବର୍ଷରେ ନୂତନବିଷୟ ପି.ଜି. ପାଠ୍ୟକ୍ରମ ଓଡ଼ିଆରେ ପି.ଜି. ପାଠ୍ଯକ୍ରମ ସହ ସାଇରୋଲୋଜି ହୋମସାଇସ୍ସରେ ଅନର୍ସ ପାଠ୍ୟକ୍ରମ ଖୋଲିବା ଲାଗି ମଧ୍ଯ୍ଯ ରାଜ୍ଯ ସରକାରଙ୍କ ପକ୍ଷରୁ ସ୍ବୀକୃତି ମିଳିଛି ।
ବର୍ତ୍ତମାନର ଅଧ୍ୟକ୍ଷ ଡ଼ଃ ପ୍ରଦୀପ କୁମାର ସାହୁଙ୍କ ନିଷ୍ଠାପୂର୍ଣ୍ଣ ପ୍ରୟାସ ଏବଂ ସୁଚିନ୍ତିତ ଯୋଜନା ଯୋଗୁଁ ସମ୍ଭବ ହୋଇପାରିଛି ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି । ଏହାକୁ ନେଇ ପୁରୁଷୋତ୍ତମପୁରରେ ଖୁସିର ଲହରି ଦେଖାଦେବା ସହ ଆଗାମୀ ଦିନରେ ପୁଷୋତ୍ତମପୁରଅଞ୍ଚଳରେ ଶିକ୍ଷାର ବିକାଶକୁ ଶୀର୍ଷକୁ ନେବା ସହ ଗଞ୍ଜାମ ଜିଲାର ଉଚ୍ଚଶିକ୍ଷା କ୍ଷେତ୍ରରେ ଏକ ନୂତନ ଦିଗନ୍ତ ସୃଷ୍ଟି ହେବ ବୋଲି ଆଶା ପ୍ରକାଶ ପାଇଛି ।
