ଚେନ୍ନାଇ,୧୮।୧ : ତାମିଲନାଡୁର ରାଜ୍ୟପାଳ ଆର.ଏନ ରବି କହିଛନ୍ତି ଯେ ସେ କେବେ ବି ରାଜ୍ୟର ନାମ ପରିବର୍ତ୍ତନ କରିବାକୁ ପରାମର୍ଶ ଦେଇନାହାଁନ୍ତି। ବୁଧବାର ସେ କହିଛନ୍ତି ଯେ ତମିଝଗମ ଉପରେ ତାଙ୍କର ମନ୍ତବ୍ୟ ଦେଇ ସେ ରାଜ୍ୟର ନାମ ପରିବର୍ତ୍ତନ କରିବାକୁ ପରାମର୍ଶ ଦେଇଛନ୍ତି ବୋଲି କହିବା ଭୁଲ ଏବଂ ମିଥ୍ୟା କଥା।
ରାଜ୍ୟପାଳ କହିଛନ୍ତି ଯେ ଯେଉଁମାନେ କଳ୍ପନା କରିଛନ୍ତି ସେମାନେ ତାଙ୍କ ଭାଷଣର ଆଧାରକୁ ବୁଝି ନ ପାରି ଏଭଳି କହିଛନ୍ତି। ସେ କହିଛନ୍ତି ଯେ କାଶୀ ସହିତ ତାମିଲ ଲୋକଙ୍କ ମଧ୍ୟରେ ଐତିହାସିକ ସାଂସ୍କୃତିକ ସଙ୍ଗଠନ ବିଷୟରେ କହିବାବେଳେ ସେ ତାମିଝଗମ ଶବ୍ଦ ଉଲ୍ଲେଖ କରିଛନ୍ତି।
ସେ କହିଥିଲେ ଯେ ସେତେବେଳେ ତାମିଲନାଡୁ ନ ଥିଲା। ତେଣୁ ଐତିହାସିକ ସାଂସ୍କୃତିକ ପ୍ରସଙ୍ଗରେ ମୁଁ ତାମିଝଗମ ଶବ୍ଦକୁ ଏକ ଉପଯୁକ୍ତ ଅଭିବ୍ୟକ୍ତି ବୋଲି କହିଥିଲି।
