ଧର୍ମଶାଳା,୨୩।୨(ଶିବ ପ୍ରସାଦ ମହାନ୍ତି): ଯାଜପୁର ଜିଲା ଧର୍ମଶାଳା ଅଞ୍ଚଳରେ ନିଶା ବ୍ୟବସାୟ ଓ କାରବାର ରୋକିବାରେ ଅବକାରୀ ବିଭାଗ ଏବଂ ପୋଲିସ ପ୍ରଶାସନ ସମ୍ପୂର୍ଣ୍ଣ ବିଫଳ ହୋଇଛି । ଯାହା ଫଳରେ ନିରୀହ ଜୀବନ ଯାଉଥିବାବେଳେ ଅନେକ ପରିବାର ଅବସ୍ଥା ଭାଙ୍ଗିରୁଜି ଖଣ୍ଡ ବିଖଣ୍ଡିତ ହୋଇଯାଉଛି। ବିଶେଷ କରି ଅବକାରୀ ବିଭାଗ କର୍ମଚାରୀଙ୍କ ଅପାରଗତା କିମ୍ବା ପ୍ରଶାସନର ନିୟମ ପାଇଁ ନିଶା ବ୍ୟବସାୟୀଙ୍କ ପାଦୃଭାବ ବଢୁଥିବା ଆଲୋଚନା ହେଉଛି। ଏମିତି ଏକ ଅଭାବନୀୟ ଘଟଣା କାଏମା ଅଞ୍ଚଳରୁ ସାମ୍ନାକୁ ଆସିଛି। କୌଣସି ପରିସ୍ଥିତି ପାଇଁ ଯୁବକ ଜଣଙ୍କ ନାମ ଗୋପନ ରହିବାକୁ ପଡ଼ୁଛି। କିନ୍ତୁ ବାସ୍ତବତା କଥା ଶୁଣିଲେ ଉକ୍ତ ପରିବାର ପ୍ରତି ମନରେ ଯେତିକି କୋହ ଆସିବ ତାହାଠାରୁ ଅଧିକ ନିଶା ବ୍ୟବସାୟଙ୍କ ଉପରେ କ୍ରୋଧ ବଢିବ।
କାଏମା ଅଞ୍ଚଳର ଜଣେ ୩୦ବର୍ଷୀୟ ଯୁବକ ରାଜମିସ୍ତ୍ରୀ, ରଙ୍ଗ ମିସ୍ତ୍ରୀ ଭାବେ ବେଶ ପରିଚିତ ହୋଇଥିଲେ। ଘର ହସ ଖୁସିରେ ଚାଲିଥିଲା ବିବାହ ମଧ୍ୟ କରିଲେ ସମୟ କ୍ରମେ ଦୁଇଟି ସନ୍ତାନର ବାପା ମଧ୍ୟ ହୋଇପାରିଲେ। ସେଥିମଧ୍ୟରୁ ଗୋଟିଏ ଝିଅ ୬ବର୍ଷ ହୋଇଥିବାବେଳେ ୬ ମାସର ପୁଅଟିଏ ରହିଥିବା ସୂଚନା ମିଳିଛି। ତେବେ ଏହି ନିଶାର ଦୁନିଆ ଭିତରେ ପଶିଯିବା ଫଳରେ କିଛି ଦିନ ତଳେ ଯୁବକ ଜଣଙ୍କର ମୃତୁହୋଇଛି। ସବୁଠାରୁ ବଡ଼କଥା ଯୁବକ ଜଣଙ୍କ ଜୀବିତ ଥିବା ସମୟରେ ସେ ନିକଟସ୍ଥ କାଏମା ଓ ନରସିଂହପୁର ଅଞ୍ଚଳରୁ ନିଶା ସେବନ ଏବଂ ନିଶା ବଟିକା ଖାଉଥିବା କହିଥିଲା। ଏବଂ ନିଶା ଖାଇବା ସମୟ ଆସିଗଲେ ସେ ନ ଚାହିଁଲେ ସୁଦ୍ଧା ଖାଇବା ପାଇଁ ପାଗଳ ହୋଇ ଯାଉଥିଲା। ଏହାକୁ ସେଠାରୁ ବନ୍ଦ କରିବା ପାଇଁ ମଧ୍ୟ ବାରମ୍ବାର ନିବେଦନ କରିଥିଲା। କିନ୍ତୁ ଆଜି ଆଉ ସେହି ଯୁବକ ଜଣଙ୍କ ଜୀବିତ ନାହିଁ। ତା ପରିବାର ରେ ବୃଦ୍ଧ ବାପା ମାଆଙ୍କ ସମେତ ସ୍ତ୍ରୀ ଓ କୁନି କୁନି ପିଲା ଦୁଇଟି ଅନାଥ ହୋଇ ପଡିଛନ୍ତି। ତେବେ ଦୋଷ କାହାର ଏବେ ଏହି ପ୍ରଶ୍ନ ମନରେ ଉଙ୍କି ମାରୁଛି। ଏହି ଘଟଣାକୁ ନେଇ ଅଞ୍ଚଳରେ ନିଶା ବ୍ୟବସାୟୀ ଏବଂ ଅବକାରୀ ବିଭାଗର କାର୍ଯ୍ୟକୁ ବେଶ ନିନ୍ଦା କରାଯାଇଛି। ଏହି ଅଞ୍ଚଳରେ ଚୋରା ଭାବେ ବିକ୍ରି କରାଯାଉଥିବା ନିଶା ବ୍ୟବସାୟକୁ ତୁରନ୍ତ ବନ୍ଦ କରିବା ନିମନ୍ତେ ଦାବି ହୋଇଛି।
Dharitri – Odisha’s No.1 Odia Daily
