ଫୁଲ କାହାକୁ ବା ଭଲ ନ ଲାଗେ? ଫୁଲକୁ ଦେଖିଲେ ମନ ପ୍ରସନ୍ନ ହୋଇଯାଏ। ଏଠାରେ ଥିବା ସୁନ୍ଦର ଫୁଲଗୁଡ଼ିକୁ ଦେଖି ମଧ୍ୟ ଭାବୁଥିବେ ସତରେ କେତେ ସୁନ୍ଦର ହେଇଛି ପ୍ରକୃତିର ଏହି ସୃଷ୍ଟି! କିନ୍ତୁ ଜାଣି ଆଶ୍ଚର୍ଯ୍ୟ ହେବେ ଏହି ଫୁଲସବୁ ସତସତିକା ନୁହେଁ, ବରଂ ଚିନିରେ ତିଆରି। ମିସେଲ୍ ଗୁୟେନ୍ ନାମ୍ନୀ ଜଣେ କଳାକାର ତିଆରି କରିଛନ୍ତି ଏହି ଫୁଲଗୁଡ଼ିକୁ। ଏସବୁକୁ ସେ ଏତେ ନିଖୁଣଭାବେ ତିଆରି କରିଛନ୍ତି ଯେ, ତାହା ବାସ୍ତବ ନୁହେଁ ବୋଲି କହିବା କଷ୍ଟକର। ମେଲବର୍ନର ମିସେଲ୍ ହେଉଛନ୍ତି ଜଣେ ସୁଗାର ଫ୍ଲାଓ୍ବାର ଆର୍ଟିଷ୍ଟ। ସେ ତିଆରି କରୁଥିବା ଫୁଲଗୁଡ଼ିକର ଜୀବନ୍ତ ପରି ପାଖୁଡ଼ା, ନିଖୁଣ କାମ ହୋଇଥିବା ପତ୍ର ଓ ଉପଯୁକ୍ତ କଲର୍ ତା’ ମଧ୍ୟରେ ବାସ୍ତବତା ଭରିଥାଏ। ମିସେଲ୍ଙ୍କୁ ତାଙ୍କର ଏହି ନିଖୁଣ କାରିଗରି ଲାଗି ଅନେକ ସମ୍ମାନରେ ସମ୍ମାନିତ ବି କରାଯାଇଛି।
