ମୁମ୍ବାଇ: ସୁଶାନ୍ତ ସିଂ ରାଜପୁତଙ୍କ ଆତ୍ମହତ୍ୟା ମାମଲାରେ ଆଉ ଏକ ନୂଆ ମାମଲା ସାମ୍ନାକୁ ଆସିଛି। ସୁଶାନ୍ତଙ୍କ ରହସ୍ୟମୟ ମୃତ୍ୟୁର ୨ ମାସ ପରେ ଦୁଃଖରେ ଭାଙ୍ଗିପଡ଼ିଥିବା ପରିବାରକୁ ଧମକ ମିଳୁଥିବା ୯ ପୃଷ୍ଠାର ଅଭିଯୋଗ ହୋଇଛି। ଏଥିରେ ରିୟା ଚକ୍ରବର୍ତ୍ତୀ ଏବଂ ମୁମ୍ବାଇ ପୋଲିସ ବିରୋଧରେ ଗୁରୁତର ଅଭିଯୋଗ ରହିଛି। ଏହି ଅଭିଯୋଗ ଆଣିଛନ୍ତି ସୁଶାନ୍ତଙ୍କ ଭଉଣୀ ମିତୁ ସିଂ। ତାଙ୍କ ୪ ଭଉଣୀ ଏବଂ ବାପାଙ୍କୁ ନାନା ଧମକ ମିଳୁଛି।
ସୂଚନାଯୋଗ୍ୟ, ଜୁନ୍ ୧୪ରେ ବଲିଉଡ୍ ଅଭିନେତା ସୁଶାନ୍ତ ସିଂ ରାଜପୁତଙ୍କ ମୁମ୍ବାଇର ବାନ୍ଦ୍ରାସ୍ଥିତ ଘରୁ ମୃତଦେହ ମିଳିଥିଲା। ସେହିଦିନଠାରୁ ପ୍ରତିଦିନ ନୂଆ ନୂଆ ତଥ୍ୟ ସାମ୍ନାକୁ ଆସୁଛି। ତେବେ ଏ ପର୍ଯ୍ୟନ୍ତ ପ୍ରକୃତ ସତ୍ୟାସତ୍ୟ ଉନ୍ମୋଚନ ହୋଇପାରିନାହିଁ।
