ମୁମ୍ବାଇ,୧୭।୪: ଆଇପିଏଲ ୨୦୨୨ର ୨୮ତମ ମ୍ୟାଚ ମୁମ୍ବାଇର ଡିଓ୍ବାଇ ପାଟିଲ ଷ୍ଟାଡିୟମରେ ପଞ୍ଜାବ କିଙ୍ଗସ ଏବଂ ସନରାଇଜର୍ସ ହାଇଦ୍ରାବାଦ ମଧ୍ୟରେ ଖେଳାଯାଉଛି। ପ୍ରଥମେ ବ୍ୟାଟିଂ କରି ପଞ୍ଜାବ ୧୫୧ ରନ୍ରେ ଅଲଆଉଟ୍ ହୋଇଯାଇଛି। ଫଳରେ ହାଇଦ୍ରାବାଦ୍କୁ ୧୫୨ ରନ୍ର ବିଜୟ ଲକ୍ଷ୍ୟ ମିଳିଛି। ଭୁବନେଶ୍ୱର କୁମାର ଚମତ୍କାର ବୋଲିଂ କରି ୩ଟି ଉଇକେଟ୍ ନେଇଥିଲେ।
ସନରାଇଜର୍ସ ହାଇଦ୍ରାବାଦ ଅଧିନାୟକ କେନ ୱିଲିୟମସନ ଟସ ଜିତିି ପଞ୍ଜାବ କିଙ୍ଗ୍ସକୁ ପ୍ରଥମେ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲେ। ଆଘାତ ହେତୁ ମୟଙ୍କ ଅଗ୍ରୱାଲ ଆଜି ଖେଳୁନାହାନ୍ତି। ତାଙ୍କ ସ୍ଥାନରେ ଶିଖର ଧାୱନ ପଞ୍ଜାବର ଅଧିନାୟକ ଅଛନ୍ତି। ହାଇଦ୍ରାବାଦ ପଞ୍ଜାବ ବିପକ୍ଷରେ ୧୮ଟି ମ୍ୟାଚ ଜିତିଥିବାବେଳେ ପଞ୍ଜାବ ସନରାଇଜର୍ସ ବିପକ୍ଷରେ ୬ଟି ମ୍ୟାଚ ଜିତିଛି।
