ନୂଆଦିଲ୍ଲୀ,୨୮।୪ : ମାତ୍ର ୧୦ ବଲ ଖେଳିଥିବା କେନ ଓ୍ବିଲିୟମସନ ୨୬୦ ଷ୍ଟ୍ରାଇକରେଟ୍ରେ ୨୬ ରନ୍ କରିଥିଲେ। ସେ ବ୍ୟାଟିଂ ଆସିବା ପୂର୍ବରୁ ଲାଗୁ ନ ଥିଲା ହାଇଦ୍ରାବାଦ୍ ୧୭୦ ରନ୍ ଅତିକ୍ରମ କରିପାରିବ। କିନ୍ତୁ ଓ୍ବିଲିୟମସନ ଓ କେଦାର ଯାଦବ ଅନ୍ତିମ ୧୩ ବଲରେ ଯୋଡ଼ିଥିଲେ ୨୭ ରନ୍। ଫଳରେ ସିଏସ୍କେ ଆଗରେ ସନରାଇଜର୍ସ ହାଇଦ୍ରାବାଦ୍ ଛିଡ଼ା କରିଛି ୧୭୨ ରନ୍ର ଟାର୍ଗେଟ।
ଟସ୍ ଜିତି ବ୍ୟାଟିଂ କରିଥିବା ସନରାଇଜର୍ସ ହାଇଦ୍ରାବାଦ୍ ଆରମ୍ଭରୁ ଇନ ଫର୍ମ ଜନ୍ନି ବେଆରଷ୍ଟୋ(୭)ଙ୍କ ଉଇକେଟ ହରାଇଥିଲା। ପରେ ଅଧିନାୟକ ଡେଭିଡ୍ ଓ୍ବାର୍ନର ଓ ମନୀଷ ପାଣ୍ଡେ ଦ୍ୱିତୀୟ ଉଇକେଟ ପାଇଁ ୮୩ ବଲରେ ୧୦୬ ରନ୍ ଯୋଡ଼ି ଥିଲେ। ଧିମା ବ୍ୟାଟିଂ କରିଥିବା ଓ୍ବାର୍ନର ୫୫ ବଲରେ ୩ ଚୌକା ଓ ୨ ଛକା ସହାୟତାରେ ୫୭ ରନ୍ କରିଥିଲେ। ପାଣ୍ଡେ ମଧ୍ୟ ୬୧ ରନ୍ର ଅର୍ଦ୍ଧଶତକୀୟ ଇନିଂସ ଖେଳିଥିଲେ। ତାଙ୍କ ଇନିଂସରେ ଥିଲା ୫ ଚୌକା ଓ ୧ ଛକା। ଦୁହେଁ ଆଉଟ୍ ହେବା ପରେ ଓ୍ବିଲିୟମସନ ୨୬ (୪ ଚୌକା ଓ ଗୋଟିଏ ଗୋଟିଏ ଛକା) ଏବଂ କେଦାର ୧୨ ରନ୍ କରିଥିଲେ। ସିଏସ୍କେ ପାଇଁ ଲୁଙ୍ଗି ଏନ୍ଗିଡ଼ି ୨ ଉଇକେଟ ନେଇଥିଲେ।
