ହାଇଦ୍ରାବାଦ୍,୨୭।୩: ଆଇପିଏଲ ଇତିହାସରେ ସନରାଇଜର୍ସ ହାଇଦ୍ରାବାଦ ସବୁଠାରୁ ବଡ ସ୍କୋର କରିଛନ୍ତି। ଜିତିବା ପାଇଁ ମୁମ୍ବାଇ ଇଣ୍ଡିଆନ୍ସକୁ ୨୭୮ ରନ୍ର ଟାର୍ଗେଟ ଦେଇଛି ହାଇଦ୍ରାବାଦ୍। ୨୦ ଓଭରରେ ୩ ଉଇକେଟ ହରାଇ ହାଇଦ୍ରାବାଦ ୨୭୭ ରନ ସ୍କୋର କରିଥିଲା। ହାଇଦ୍ରାବାଦ ପାଇଁ ହେନ୍ରିଚ କ୍ଲାସେନ ଅପରାଜିତ ୮୦ ରନ ସ୍କୋର କରିଥିଲେ। ୩୪ ବଲ୍ର ସମ୍ମୁଖୀନ ହୋଇ ସେ ୭ ଛକା ଓ ୪ ଚୌକା ମାରିଥିଲେ। ଅଭିଷେକ ଶର୍ମା ୬୩ ରନ ଏବଂ ଟ୍ରାଭିସ ହେଡ ୬୨ ରନ ସଂଗ୍ରହ କରିଥିଲେ। ମାର୍କ୍ରାମ ଅପରାଜିତ ୪୨ ରନ ସ୍କୋର କରିଥିଲେ।
ଏହାପୂର୍ବରୁ ଆଇପିଏଲର ସର୍ବାଧିକ ସ୍କୋର ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ କରିଥିଲା। ଆରସିବି ୨୦୧୩ରେ ପୁଣେ ୱାରିୟର୍ସ ବିପକ୍ଷରେ ୨୬୩ ରନ ସ୍କୋର କରିଥିଲା।
