ବମ୍ବେ: ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ସନ୍ନି ଲିଓନି। କୋଲକାତାର ଏକ କଲେଜରେ ବିଏ ଆଡମିଶନ୍ ପାଇଁ ଓ୍ବେବ୍ସାଇଟ୍ରେ ପ୍ରକାଶିତ ପ୍ରଥମ ମେରିଟ୍ ଲିଷ୍ଟରେ ତାଙ୍କ ନାମ ଥିବା ଜଣାପଡ଼ିବା ପରେ ସୋସିଆଲ ମିଡିଆରେ ସେ ପ୍ରତିକ୍ରିୟା ରଖିଛନ୍ତି। ଆଗାମୀ ସେମିଷ୍ଟାରରେ ତୁମମାନଙ୍କ ସହ ଦେଖା। ଆଶା କରୁଛି ତୁମେ ମାନେ ମୋ କ୍ଲାସରେ ଥିବ ବୋଲି ସନ୍ନି କହିଛନ୍ତି। ଏହା ଏବେ ବେଶ ଭାଇରାଲ ହେଉଛି।
ଆଶୁତୋଷ କଲେଜରେ ବିଏ(ଇଂରାଜୀ ଅନର୍ସ)ର ମେରିଟ୍ ତାଲିକା ପ୍ରକାଶ ପାଇଥିଲା। ଏଥିରେ ସନ୍ନିଙ୍କ ନାମ ସର୍ବଗ୍ରେ ଥିବା ଜଣାପଡ଼ିଥିଲା। କେବଳ ଏତିକି ନୁହେଁ ଏଥିରେ ଆବେଦନ ଆଇଡି ଏବଂ ରୋଲ ନଂ ମଧ୍ୟ ରହିଥିଲା। ଦ୍ୱାଦଶ ବୋର୍ଡ ପରୀକ୍ଷାରେ ଚାରୋଟି ବିଷୟରେ ତାଙ୍କୁ ପୂର୍ଣ୍ଣ ମାର୍କ ଦିଆଯାଇଥିବା ଦେଖାଯାଉଛି। ତେବେ କେହି ଜାଣିଶୁଣି ଏଭଳି କରିଥିବା ନେଇ ଆଲୋଚନା ହେଉଛି। ତେବେ ସନ୍ନି ଏବେ ଆମେରିକାରେ ଅଛନ୍ତି। ସ୍ବାମୀ ଡେନିଏଲ୍ ଓ୍ବେବର ଏବଂ ପିଲାମାନଙ୍କ ସହ ସେ କ୍ୱାରାଣ୍ଟାଇନ୍ରେ ରହିଛନ୍ତି।
