ମୁମ୍ବାଇ: ବଲିଉଡ ମେଗା ଷ୍ଟାର ଶାହାରୁଖ ଖାଁଙ୍କ ଝିଅ ସୁହାନାଙ୍କର ଏକ ଫଟୋ ଏବେ ସୋସିଆଲ ମିଡିଆରେ ଚର୍ଚ୍ଚାର ବିଷୟ ହୋଇଛି । ଏହି ଫଟୋରେ ସୁହାନା ହାତରେ ଏକ ଫୁଲତୋଡା ଧରିଥିବା ଦେଖାଯାଇଛି । ଟ୍ୟୁଲିପ ଓ ଗୋଲାପରେ ସଜାଯାଇଥିବା ଏକ ଗୁଲଦସ୍ତାକୁ ଦେଖି ସୁହାନା ଲାଜେଇବା ଭଳି ନଜର ଆସିଛନ୍ତି । ଏହି ଫଟୋ ସୁହାନାଙ୍କର ଏକ ଫ୍ୟାନ ପେଜ ଶେୟାର କରିଛି । ସୁହାନା ଏବେ ଲଣ୍ଡନରେ ଛୁଟି କାଟୁଥିବା ବେଳେ ସେହିଠାରେ ହିଁ ତାଙ୍କୁ ଏଡି ଫୁଲତୋଡାଟି ମିଳିଛି ।
ଫଟୋରେ ସୁହାନା ମେକଅପ ଲୁକରେ ନଜର ଆସିଛନ୍ତି । ସେ ଲାଇଟ ପିଙ୍କ କଲର ଟପ ସହ ଜ୍ୟାକେଟ ପିନ୍ଧିଛନ୍ତି । ହେୟାର ଷ୍ଟାଇଲ ବି କାଫି ଶୋବର ରହିଛି । ଫଟୋରେ ମୁଖ୍ୟ ଆକର୍ଷଣ ହେଉଛି ସୁହାନା ଫୁଲତୋଡାଟିକୁ ଲାଜେଇବା ଭଙ୍ଗିରେ ଦେଖୁଥିବା ବେଳେ ମୃଦୁ ମୃଦୁ ହସୁଛନ୍ତି ।
ଶାହାରୁଖ ଖାଁ ଓ ଗୌରି ଖାଁଙ୍କ ଝିଅ ସୁହାନାଙ୍କର ଫ୍ୟାନ ଫଲୋଇଂ ସଂଖ୍ୟା ଖୁବ ଅଧିକ । ଏବେ ପର୍ଯ୍ୟନ୍ତ ସେ ଲାଇମ ଲାଇଟକୁ ଆସି ନ ଥିଲେ ବି ଇନଷ୍ଟାଗ୍ରାମରେ ତାଙ୍କ ଫଲୋୟର୍ସଙ୍କ ସଂଖ୍ୟା ପ୍ରାୟ ୩.୨ ମିଲିୟନ ରହିଛି । ସୋସିଆଲ ମିଡିଆରେ ଆକ୍ଟିଭ ଥିବା ସୁହାନା ସମୟ ସମୟରେ କିଛି ଫଟୋ ଶେୟାର କରୁଥିବା ବେଳେ ତାଙ୍କର ବୋଲ୍ଡ ଅନ୍ଦାଜ ଫ୍ୟାନଙ୍କୁ ଖୁବ୍ ପସନ୍ଦ ଆସିଥାଏ ।
ଫିଲ୍ମ ମେକର ଜୋୟା ଅଖତରଙ୍କ ମୁଭି ମାଧ୍ୟମରେ ସୁହାନା ବଲିଉଡରେ ଡେବ୍ୟୁ କରିବାକୁ ଯାଉଛନ୍ତି । ‘ଦ ଆର୍ଚିଜ’ରେ ସୁହାନା ମୁଖ୍ୟ ଭୂମିକାରେ ନଜର ଆସିବେ ଜୋୟାଙ୍କ ଏହି ମୁଭି ନେଟଫ୍ଲିକ୍ସରେ ରିଲିଜ୍ ହେବ । ସୁହାନାଙ୍କ ବ୍ୟତୀତ ଆଉ କେତେଜଣ ଷ୍ଟାର କିଡ୍ସଙ୍କୁ ବି ଏହି ମୁଭିରେ ଦେଖିବାକୁ ମିଳିବ ।
