କୋରାପୁଟ,୩୧ା୧୨ (ଅମିତାଭ ବେହେରା): ଓଡିଶା ଜୁଡ଼ିସିଆଲ ସର୍ଭିସ (ଓଜେଏସ୍)ରେ କୋରାପୁଟର ଝିଅ ଦୀକ୍ଷା ସେଠ ୪୮ ର଼୍ୟାଙ୍କ ରଖି ଜିଲା ପାଇଁ ଗୌରବ ଆଣିଛନ୍ତି। ଏହି ସଫଳତା ପାଇଁ ତାଙ୍କୁ ଜିଲାର ବିଭିନ୍ନ ମହଲରୁ ଶୁଭେଚ୍ଛା ମିଳିଛି। ରାଜ୍ୟରେ ଓଜେଏସ୍ର ୫୭ଟି ପଦବୀ ପାଇଁ ୩ ହଜାର ୫ ସହ ପିଲାଙ୍କ ସହ ଦୀକ୍ଷା ପରୀକ୍ଷା ଦେଇଥିଲେ। ଏହି ପରୀକ୍ଷାରେ ତାଙ୍କୁ ସଫଳତା ମିଳିଛି। ଦୀକ୍ଷାଙ୍କ ର଼୍ୟାଙ୍କ ୪୮ ରହିଛି। କୋରାପୁଟ ଜିଲାରୁ ଦୀକ୍ଷା ଏକମାତ୍ର ପରୀକ୍ଷାର୍ଥୀ ରୂପେ ଓଜେଏସ୍ ପାଇଛନ୍ତି।
ଦୀକ୍ଷାଙ୍କ ବାପା କୋରାପୁଟ ଦୃଷ୍ଟିବାଧିତ ବିଦ୍ୟାଳୟର ପ୍ରଧାନଶିକ୍ଷକ ବସନ୍ତ କୁମାର ସେଠ ଏବଂ ଶିକ୍ଷୟିତ୍ରୀ ସ୍ନେହଲତା ଦେଈଙ୍କ ଝିଅ। ସେ କୋରାପୁଟ ଶିଶୁମନ୍ଦିରରେ ଦଶମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିବା ପରେ କଟକସ୍ଥିତ କଳିଙ୍ଗ ଭାରତୀ ରେସିଡେନ୍ସିଆଲ ମହାବିଦ୍ୟାଳୟରେ ଅଧ୍ୟୟନ ଶେଷ କରି ବାଣୀବିହାରରେ ଆଇନ ପାଠକ୍ରମ ପଢିଥିଲେ। ଦୀକ୍ଷା ଓଜେଏସ୍ ପାଇଁ ୨୦୧୯ରୁ ପ୍ରସ୍ତୁତି ଆରମ୍ଭ କରି ୨୦୨୧ରେ ପ୍ରଥମେ ଓଜେଏସ୍ ପରୀକ୍ଷା ଦେଇଥିଲେ। ତେବେ ସାମାନ୍ୟ କାରଣରୁ ସେ ମେରିଟ୍ ତାଲିକାରୁ ବାଦ ପଡିଥିଲେ। ଏଥିରେ ସେ ଭାଙ୍ଗି ନ ଯାଇ ୨୦୨୨-୨୩ ପରୀକ୍ଷା ପାଇଁ ପ୍ରସ୍ତୁତି ଚଳାଇଥିଲେ ବୋଲି ଦୀକ୍ଷା କହିଛନ୍ତି। ମା’ ବାପାଙ୍କ ଆଶୀର୍ବାଦ ଏବଂ ବୁଦ୍ଧିଜୀବୀଙ୍କ ପ୍ରୋତ୍ସାହନ ମୋତେ ଏହି ସଫଳତା ଦେଇଛି ବୋଲି ଦୀକ୍ଷା କହିଛନ୍ତି।
