ଜିନ୍ସ ଫ୍ୟାଶନ କେବେ ଆଉଟ୍ଡେଟେଡ୍ ହୋଇ ନ ଥାଏ। ସବୁବେଳେ ଏହାର ଚାହିଦା ରହି ଆସିଛି। କାରଣ ସମୟକ୍ରମେ ଏହାର ଷ୍ଟାଇଲ୍ରେ ଆସିଛି ଅନେକ ପରିବର୍ତ୍ତନ। ହେଲେ କିଛି ଜିନ୍ସର ଷ୍ଟାଇଲ୍ ଏତେ ଅଜବ ଭାବେ ଡିଜାଇନ୍ କରାଯାଇଛି ଯେ, ତାକୁ ପିନ୍ଧିବାକୁ ହୁଏତ କେହି ଚାହିଁବେ…
ଏସିମେଟ୍ରିକାଲ ଜିନ୍ସ: ୟୁକ୍ରେନ୍ର ଫ୍ୟାଶନ ବ୍ରାଣ୍ଡ କସେନିୟା ଶନାଇଡର ଜିନ୍ସର ଏକ ନୂଆ ଫ୍ୟାଶନ ଟ୍ରେଣ୍ଡ ଆରମ୍ଭ କରିଛନ୍ତି। ସେ ହେଉଛି ଏସିମେଟ୍ରିକ ଜିନ୍ସ। ଏଥିରେ ଗୋଟିଏ ଗୋଡ଼ ଫିଟେଡ ଟାଇଟ୍ ଲେଗ୍ ହେଇଥିବାବେଳେ ଅନ୍ୟଟି ଓ୍ବାଇଡ୍ ଲେଗ୍ ହୋଇଥାଏ। ଅର୍ଥାତ୍ ଏଥିରେ ଦୁଇଟି ଷ୍ଟାଇଲ୍ର କମ୍ବିନେଶନ୍ ଦେଖିବାକୁ ମିଳେ।
ମେଶ୍ ଏସିମେଟ୍ରିକାଲ ଜିନ୍ସ: ଏସିମେଟ୍ରିକାଲ ଜିନ୍ସ ଭଳି ଏଥିରେ ବି ଗୋଟିଏ ଗୋଡ଼ ଟାଇଟ୍ ଲେଗ୍ ହୋଇଥିବାବେଳେ ଅନ୍ୟଟି ଓ୍ବାଇଡ ଲେଗ୍। ତେବେ ଓ୍ବାଇଡ ଲେଗ୍ର ଗୋଟିଏ ପାର୍ଶ୍ୱ ଟ୍ରାନ୍ସପରେଣ୍ଟ ହୋଇଥାଏ। ଫଳରେ ଅଣ୍ଟାଠାରୁ ପାଦ ପର୍ଯ୍ୟନ୍ତ କିଛି ଅଂଶ ଦେଖାଯାଏ।
ଓ୍ବାନ୍ ଲେଗ୍ଡ ଜିନ୍ସ: ଏହି ଜିନ୍ସ ତ ବହୁତ ଅଜବ। ଏହାର ଗୋଟିଏ ପଟ ଗୋଡ ନ ଥିବାବେଳେ ଅନ୍ୟ ଗୋଡ଼ଟି ପାଦ ପର୍ଯ୍ୟନ୍ତ ଲମ୍ବା ହୋଇଥାଏ। ତେଣୁ ଏହି ଫ୍ୟାଶନ ଟ୍ରେଣ୍ଡକୁ ଆପଣେଇବା ସମସ୍ତଙ୍କ ପକ୍ଷେ ସହଜ ନୁହେଁ।
ମିଟ୍ ନି’ ପ୍ୟାଚ୍ ଜିନ୍ସ: ରିପ୍ଡ ଜିନ୍ସ ତ ପ୍ରାୟ ସମସ୍ତେ ପିନ୍ଧିଥିବେ। ହେଲେ ଏହା ସମ୍ପୂର୍ଣ୍ଣ ଭିନ୍ନ। କାରଣ ଏହି ଜିନ୍ସର ଫଟା ଅଂଶରେ କଞ୍ଚା ତାଜା ମାଂସ ଦେଖିବାକୁ ମିଳେ। ଫଳରେ ଏହା ଦେଖିବାକୁ ବେଶ୍ ଅଜବ ଲାଗେ।
ମଡ୍ ସ୍ପ୍ଲାଟର୍ଡ ଜିନ୍ସ ଓ ଜ୍ୟାକେଟ୍: ସମସ୍ତେ ସଫା ପୋଷାକ ପିନ୍ଧିବାକୁ ପସନ୍ଦ କରନ୍ତି। ହେଲେ ଏହି ଜିନ୍ସ ଆପଣଙ୍କୁ ଦେବ ଡର୍ଟି ଲୁକ୍। କାରଣ ଏଥିରେ କାଦୁଅ ଦାଗ ଲାଗିବା ଭଳି ଡିଜାଇନ୍ ହୋଇଛି। ଖାଲି ଜିନ୍ସ ପ୍ୟାଣ୍ଟ ନୁହେଁ ଜ୍ୟାକେଟ୍ ବି ଏହି ଡିଜାଇନ୍ରେ ଉପଲବ୍ଧ ହେଉଛି।
କ୍ଲିୟର୍ ନି’ ପ୍ୟାଚ୍ ଜିନ୍ସ: ଏହି ଜିନ୍ସର ଆଣ୍ଠୁ ନିକଟରେ ଝରକା ପରି ଟ୍ରାନ୍ସପରେଣ୍ଟ ପ୍ୟାଚ୍ ରହିଥାଏ। ଫଳରେ ଆଣ୍ଠୁ ସମ୍ପୂର୍ଣ୍ଣଭାବେ ଦେଖାଯାଏ।
ଡବଲ୍ ଜିନ୍ସ: ଏଥିରେ ବୟଫ୍ରେଣ୍ଡ ଜିନ୍ସ ଓ ହାଇ ଓ୍ବେଷ୍ଟ ଜିନ୍ସର କମ୍ବିନେଶନ୍ ଦେଖିବାକୁ ମିଳେ। ଅର୍ଥାତ୍ ଉକ୍ତ ଜିନ୍ସର ଓ୍ବେଷ୍ଟ ଲାଇନ୍ ଦୁଇଟି। ଗୋଟିଏ ହାଇ ଓ୍ବେଷ୍ଟ ହୋଇଥିବାବେଳେ ଏହାର ତଳକୁ ବୟଫ୍ରେଣ୍ଡ ଜିନ୍ସର ଓ୍ବେଷ୍ଟ ରହିଛି।
ଡବଲ କଲର୍ ପ୍ୟାଣ୍ଟ: ଏହି ପ୍ୟାଣ୍ଟର ଦୁଇଟିଯାକ ଗୋଡ଼ର ରଙ୍ଗ ଭିନ୍ନ ଭିନ୍ନ ହୋଇଥାଏ। ଅର୍ଥାତ୍ ଗୋଟିଏ ପଟ ବ୍ଲୁ ହୋଇଥିଲେ ଅନ୍ୟ ପଟ ବ୍ଲାକ୍ ହୋଇଥାଏ। ଏହା ଟ୍ରେଣ୍ଡି ଲୁକ୍ ଦେଇଥାଏ।
