ଭଞ୍ଜନଗର,୮ା୯(ବାବୁଲା ପ୍ରଧାନ): ଗଞ୍ଜାମ-କନ୍ଧମାଳ ଜିଲା ସୀମାରେ ଥିବା କଳିଙ୍ଗା ଘାଟିରେ ରବିବାର ଅପରାହ୍ନରେ ଏକ ବିରାଟ ପଥର ପାହାଡ଼ ଉପରୁ ଖସି ଜାତୀୟ ରାଜପଥ ଉପରେ ପଡ଼ିଥିଲା। ଫଳରେ ଅଧିକ ପଥର ଖସିବା ଆଶଙ୍କାରେ କିଛି ସମୟ ଉକ୍ତ ରାସ୍ତାରେ ଯାନବାହନ ଚଳାଚଳ ବନ୍ଦ ହୋଇଯାଇଥିଲା। ଏତେବଡ଼ ପଥର ଖସିବାକୁ ନେଇ ସଂପୃକ୍ତ ରାସ୍ତାରେ ଯାତାୟାତ କରୁଥିବା ଯାତ୍ରୀମାନେ ଭୟଭୀତ ହୋଇପଡ଼ିଛନ୍ତି। ରାସ୍ତାର ଗୋଟିଏ ପାର୍ଶ୍ୱରେ ପଥରଟି ପଡ଼ିଥିବା ଯୋଗୁ ଯାନବାହନ ଚଳାଚଳରେ ବିଶେଷ ଅସୁବିଧା ହୋଇନାହିଁ। ଆଜକୁ ପ୍ରାୟ ଏକ ମାସ ହେବ ମଝିରେ ମଝିରେ ବର୍ଷା ହେଉଛି। ତେଣୁ ପାହାଡ଼ ଓଦା ହୋଇ ଅଛି। ଭାରି ଯାନବାହନ ଚଳାଚଳ ସମୟରେ ପାହାଡ଼ରୁ ପଥର ଖସୁଛି। ଅପରପକ୍ଷେ ଘାଟି ରାସ୍ତା ଆଜକୁ ୨ ବର୍ଷରୁ ଅଧିକ ହେବ ଚାଲିଛି। ସେଥିରେ ମଧ୍ୟ ବାରମ୍ବାର ପଥର ଓ୍ବାଲ୍ଗୁଡ଼ିକ ଧସୁଛି। କାର୍ଯ୍ୟ ବିଳମ୍ବରୁ ଏପରି ହେଉଥିବା ନେଇ ଅସନ୍ତୋଷ ପ୍ରକାଶ ପାଇଛି।
