ଭୋପାଳ,୧୧ା୧: ବନ୍ଦେ ଭାରତ ଏକ୍ସପ୍ରେସ ଉପରକୁ ପଥର ଫିଙ୍ଗିବା ଘଟଣା ବନ୍ଦ ହେବାର ନାଁ ନେଉନାହିଁ। ଏକ ସଦ୍ୟତମ ମାମଲା ଆନ୍ଧ୍ରପ୍ରଦେଶରୁ ଆସିଛି। ଯେଉଁଠାରେ ବନ୍ଦେ ଭାରତ ଏକ୍ସପ୍ରେସ ଉପରକୁ ପଥର ଫିଙ୍ଗାଯାଇଛି। ଜାନୁୟାରୀ ୧୯ରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବନ୍ଦେ ଏକ୍ସପ୍ରେସକୁ ଉଦ୍ଘାଟନ କରିବେ। ମାତ୍ର ଏହାପୂର୍ବରୁ ବିଶାଖାପାଟନମ୍ରେ ଏକ ଟ୍ରେନ୍ରେ ପଥର ଫିଙ୍ଗାଯାଇଛି। ଫଳରେ ଟ୍ରେନ୍ର ଗ୍ଲାସ୍ ନଷ୍ଟ ହୋଇଯାଇଛି।
ଡିସେମ୍ବର ୩୦ରେ କୋଲକାତାରେ ଭିଡିଓ କନ୍ଫରେନ୍ସିଂ ମାଧ୍ୟମରେ ପ୍ରଧାନମନ୍ତ୍ରୀ ମୋଦି ବନ୍ଦେ ଭାରତ ଏକ୍ସପ୍ରେସକୁ ଉଦ୍ଘାଟନୀ କରିଥିଲେ। ସେବେଠାରୁ ବନ୍ଦେ ଭାରତ ଏକ୍ସପ୍ରେସରେ ପଥର ଫିଙ୍ଗିବା ଘଟଣା କ୍ରମାଗତ ଭାବେ ସାମ୍ନାକୁ ଆସୁଛି।
ପ୍ରକାଶ ଥାଉକି, ପଥର ଫିଙ୍ଗିବା ଘଟଣା ସମ୍ପର୍କରେ ରେଲଓ୍ବେ ଆକ୍ଟର ଧାରା ୧୫୪ ଅନୁଯାୟୀ ଅଜ୍ଞାତ ଲୋକଙ୍କ ବିରୋଧରେ ମଧ୍ୟ ଏକ ମାମଲା ରୁଜୁ ହୋଇଥିଲା।
