ଲଣ୍ଡନ,୩୦ା୬: ଲଡର୍ସରେ ଅନୁଷ୍ଠିତ ଦ୍ୱିତୀୟ ଆଶେସ୍ ଟେଷ୍ଟରେ ଶତକ ହାସଲ କରିଛନ୍ତି ଷ୍ଟିଭ୍ ସ୍ମିଥ୍। ୩୨ ତମ ଶତକ ସହିତ ଷ୍ଟିଭ୍ ଓ୍ବଙ୍କ ସମକକ୍ଷ ହୋଇଥିବା ସ୍ମିଥ୍ଙ୍କ ୧୧୦ ରନ୍ ବଳରେ ଅଷ୍ଟ୍ରେଲିଆ ୪୧୬ ରନ୍ କରିଛି। ପ୍ରଥମ ଦିନର ଅସମାପ୍ତ ସ୍କୋର ୩୩୯/୫ରୁ ଖେଳ ଆରମ୍ଭ କରି ଅଷ୍ଟ୍ରେଲିଆ ୪୧୬ ରନ୍ରେ ସମସ୍ତ ଉଇକେଟ ହରାଇଥିଲା। ୧୮୪ ବଲ୍ ଖେଳି ୧୫ ଚୌକା ମାରିବା ସହିତ ସ୍ମିଥ୍ ୧୧୦ ରନ୍ କରିଥିଲେ। ତେବେ ଇଂଲଣ୍ଡ ବୋଲରଙ୍କ ମାପଚୁପ ବୋଲିଂ ବଳରେ ଏକଦା ୫୦୦ ରନ୍ କରିବା ସ୍ଥିତିରେ ଥିବା ଅଷ୍ଟ୍ରେଲିଆ ୪୧୬ରେ ସୀମିତ ରହିଥିଲା। ଅନ୍ୟମାନଙ୍କ ମଧ୍ୟରେ ଆଲେକ୍ସ କେରୀ ୨୨ ଓ ପ୍ୟାଟ କୁମିନ୍ସ ୨୨* ରନ୍ କରିଥିଲେ। ଇଂଲଣ୍ଡ ପକ୍ଷରୁ ଜୋଶ ଟଙ୍ଗ ଓ ଓଲି ରବିନସନ୍ ୩ଟି ଲେଖାଏ ଉଇକେଟ ନେଇଥିଲେ। ଅନ୍ୟମାନଙ୍କ ମଧ୍ୟରେ ଜୋ ରୁଟ୍ ୨, ଜେମ୍ସ ଆଣ୍ଡରସନ୍ ଓ ଷ୍ଟୁଆଟ ବ୍ରଡ ଗୋଟିଏ ଲେଖାଏ ଉଇକେଟ ନେଇଥିଲେ।
ଜବାବରେ ଇଂଲଣ୍ଡର ଜବାବରେ ଇଂଲଣ୍ଡ ୬୧ ଓଭରରେ ୪ ଉଇକେଟ ହରାଇ ୨୭୮ ରନ୍ କରିଛି। ଦୁଇ ଓପନର ଜ୍ୟାକ୍ କ୍ରଲି(୪୮) ଓ ବେନ୍ ଡକେଟ୍(୯୮) ପ୍ରଥମ ଉଇକେଟରେ ୯୧ ରନ୍ ଯୋଡିଥିଲେ। ଇଂଲଣ୍ଡ ବାଜ୍ ବଲ୍ ଟେକ୍ନିକ ସହ ଖେଳି ଓଭର ପିଛା ୫ରୁ ଅଧିକ ହାରରେ ସ୍କୋର କରିଥିଲା।
