ଷ୍ଟିମ ପାଇପ୍‌ ଫାଟି ଶ୍ରମିକ ମୃତ୍ୟୁ ପ୍ରସଙ୍ଗ: ନଭେମ୍ବର ୫ରେ ନିଯୁକ୍ତି ପାଇବେ ମୃତ ଶଙ୍କରଙ୍କ ସ୍ତ୍ରୀ
2:32 pmNovember 3, 2020November 3, 2020 / 09

ଗଞ୍ଜାମ,୩।୧୧(ଡି.ଏନ୍‌.ଏ.): ଗଞ୍ଜାମ ସହରସ୍ଥିତ ଗ୍ରାସୀମ କମ୍ପାନୀରେ ଗତ ଅକ୍ଟୋବର ୬ରେ ଷ୍ଟିମ ପାଇପ ଫାଟି ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ କାର୍ଯ୍ୟରତ ଇଞ୍ଜିନିୟରଙ୍କୁ ସମେତ ଜଣେ ଶ୍ରମିକ ଗୁରୁତର ହୋଇଥିଲେ । ପରେ ଇଞ୍ଜିନିୟର ଅଭିଷେକ ପାଳ ଓ ଶ୍ରମିକ ପୁଇଁତୋଳା ଗ୍ରାମର ଶଙ୍କର ରାଉଳଙ୍କ ମୃତ୍ୟୁ ଘଟିଥିଲ। ଶଙ୍କରଙ୍କ ପରିବାରକୁ କ୍ଷତିପୂରଣ ନିମନ୍ତେ ୧୨ ଲ ଟଙ୍କା ଏବଂ ମୃତ ଶଙ୍କରଙ୍କ ସ୍ତ୍ରୀଙ୍କୁ କମ୍ପାନୀରେ ନିଯୁକ୍ତି ଦେବା ଲାଗି କମ୍ପାନୀ କର୍ତ୍ତୃପକ୍ଷ ପ୍ରତିଶ୍ରୁତି ଦେଇଥିଲେ। ଏ ନେଇ ସୋମବାର କମ୍ପାନୀ ୟୁନିଟ ହେଡ ଦିଗ୍‌ବିଜୟ ପାଣ୍ଡେ, ଏଚ୍‌ଆର ମୁଖ୍ୟ କେ. ଜି. ଗେନରୱାଲ ଏକ ବୈଠକ କରିଥିଲେ। ଆଗାମୀ ୫ ତାରିଖରେ ମୃତ ଶଙ୍କରଙ୍କ ସ୍ତ୍ରୀ ଚନ୍ଦ୍ରମା ରାଉଳ କମ୍ପାନୀ ଆଡମିନ୍‌ଷ୍ଟ୍ରେଟରରେ ହେଲ୍‌ପର ଭାବେ ନିଯୁକ୍ତି ପାଇବା ନେଇ ବୈଠକରେ ଆଲୋଚନା ହୋଇଛି।