ନୂଆଦିଲ୍ଲୀ, ୪।୪ : ଭାରତ ମଧ୍ୟ ଶ୍ରୀଲଙ୍କା ପରି ଆର୍ଥିକ ସଙ୍କଟର ସମ୍ମୁଖୀନ ହେବ କି ? ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସଚିବମାନଙ୍କର ଏକ ବୈଠକ ନେଇ ଏବେ ନାନା ପ୍ରଶ୍ନ ଉଠିବାରେ ଲାଗିଛି। ବୈଠକରେ ବରିଷ୍ଠ ଅଧିକାରୀମାନେ ରାଜ୍ୟଗୁଡିକର ଅବ୍ୟବହାରିକ ତଥା ଲୋକ ଲୋଭାଣିଆ ଯୋଜନାକୁ ନେଇ ଉଦ୍ବେଗ ପ୍ରକାଶ କରିଛନ୍ତି। ଏହା ଯୁକ୍ତି କରାଯାଇଛି ଯେ ରାଜ୍ୟଗୁଡିକର ଅନେକ ଯୋଜନା ଅର୍ଥନୈତିକ ଦୃଷ୍ଟିରୁ ସକ୍ଷମ ନୁହେଁ ଏବଂ ଏସବୁ ଯୋଜନା ଭାରତକୁ ଶ୍ରୀଲଙ୍କା ରାସ୍ତାରେ ନେଇପାରିବାର ଆଶଙ୍କା ରହିଛି।
ପ୍ରଧାନମନ୍ତ୍ରୀଙ୍କ ବାସଭବନରେ ଅନୁଷ୍ଠିତ ଏହି ବୈଠକରେ କେନ୍ଦ୍ର ସରକାରଙ୍କ ବହୁ ବରିଷ୍ଠ ଆଇଏଏସ ଅଧିକାରୀଙ୍କ ବ୍ୟତୀତ ପ୍ରଧାନମନ୍ତ୍ରୀଙ୍କ ମୁଖ୍ୟ ସଚିବ ପି.କେ ମିଶ୍ରଙ୍କ ମୁଖ୍ୟ ସଚିବ ତଥା କ୍ୟାବିନେଟ ସଚିବ ରାଜୀବ ଗୌଓ୍ବା ଯୋଗ ଦେଇଥିଲେ। କରୋନା ମହାମାରୀ ସମୟରେ ସଚିବମାନେ ଏକ ଦଳ ଭାବରେ କିପରି କାର୍ଯ୍ୟ କରିଥିଲେ ସେ ବିଷୟରେ ଉଲ୍ଲେଖ କରି ପ୍ରଧାନମନ୍ତ୍ରୀ କହିଛନ୍ତି ଯେ ସେମାନେ ଭାରତ ସରକାରଙ୍କ ସଚିବ ଭାବରେ କାର୍ଯ୍ୟ କରିବା ଉଚିତ ଏବଂ କେବଳ ନିଜ ବିଭାଗର ସଚିବ ଭାବେ ନୁହେଁ। ସେମାନେ ସବୁବେଳେ ଏକ ଦଳ ଭାବରେ କାର୍ଯ୍ୟ କରିବା ଜରୁରୀ।
