Odisha Elections 2024
Posted inଖେଳ

ଯଦି ଫାଇନାଲରେ କୁମ୍ବଲେଙ୍କ ଏହି କଥା ମାନିଥାନ୍ତେ ଉଥପ୍ପା, ଆଇପିଏଲ୍‌ ଚାମ୍ପିୟନ ହୋଇଥାନ୍ତା RCB

ନୂଆଦିଲ୍ଲୀ,୨୫।୪: ବର୍ତ୍ତମାନ ସମୟରେ ଇଣ୍ଡିଆନ ପ୍ରିମିୟର ଲିଗ୍‌(ଆଇପିଏଲ୍‌)ରେ ଲୋକପ୍ରିୟ ଟିମ୍‌ ମଧ୍ୟରେ ରହିଛନ୍ତି ଚେନ୍ନାଇ ସୁପର କିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ। ଏହାଛଡ଼ା ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଗତ ୧୬ ସିଜନ୍‌ରେ ଗୋଟିଏ ବି ଥର ଟାଇଟଲ ଜିତି ନ ଥିଲେ ହେଁ ଦଳର ଲୋକପ୍ରିୟତା କାହାଠୁ କମ୍‌ ନୁହେଁ। ବିରାଟ କୋହଲି, କ୍ରିସ ଗେଲ୍‌ ଏବଂ ଏ ବି ଡିଭିଲିୟର୍ସଙ୍କ ଭଳି ଖେଳାଳିଙ୍କ ଯୋଗୁ ଫ୍ରାଞ୍ଚାଇଜର ପ୍ରଶଂସକଙ୍କ ସଂଖ୍ୟା ଅଧିକ। ଦଳ ୩ ଥର ଫାଇନାଲରେ ପହଞ୍ଚିଥିଲେ ହେଁ ଟାଇଟଲ ଜିତିପାରି ନାହିଁ। ସେଥିରୁ ଗୋଟିଏ ଫାଇନାଲ ଥିଲା ଯେଉଁଠି ଆର୍‌ସିବି ଚାମ୍ପିୟନ ହୋଇଯାଇଥାନ୍ତା, ହେଲେ ଅନିଲ କୁମ୍ବଲେଙ୍କ ଗୋଟିଏ କଥା ରବିନ ଉଥପ୍ପାା ଅଣଦେଖା କରିବା ଯୋଗୁ ତାହା ହୋଇପାରି ନ ଥିଲା।

୨୦୦୯ ଆଇପିଏଲ୍‌ ଫାଇନାଲ ବେଳର କଥା। ସେତେବେଳେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଏବଂ ପୂର୍ବ ଟିମ୍‌ ଡେକାନ୍‌ ଚାର୍ଜର୍ସ ମଧ୍ୟରେ ଫାଇନାଲ ଖେଳାଯାଇଥିଲା। ପ୍ରଥମେ ବ୍ୟାଟିଂ କରିବାକୁ ଆସିଥିବା ଡେକାନ୍‌ ଚାର୍ଜର୍ସ ୧୪୩ ରନ୍‌ରେ ଅଲଆଉଟ୍‌ ହୋଇଥିଲା। ବ୍ୟାଟ୍ସମ୍ୟାନ୍‌ଙ୍କ ପାଇଁ ଉତ୍କୃଷ୍ଟ ଥିବା ପିଚ୍‌ରେ ଆର୍‌ସିବି ଛୋଟ ଟାର୍ଗେଟ ହାସଲ କରିପାରିଥାନ୍ତା। ହେଲେ ତାହା ହୋଇ ନ ଥିଲା। ଏବେ ମ୍ୟାଚ୍‌କୁ ନେଇ କିମ୍ବଦନ୍ତୀ ସ୍ପିନର ଅନିଲ କୁମ୍ବଲେ କିଛି କଥା ଉପରୁ ପରଦା ଉଠାଇଛନ୍ତି।

ଉକ୍ତ ମୁକାବିଲାରେ ଅନେକ କିଛି ସ୍ମୃତି ରହିଛି ଯାହାକୁ ଭୁଲିବା କଷ୍ଟକର। ସୁଯୋଗ ମିଳିଥିଲା। ହେଲେ ତାର ଫାଇଦା ଉଠାଇ ପାରି ନ ଥିଲୁ। କିଛି ଖେଳାଳି କ୍ୟାଚ୍‌ ଛାଡ଼ିଥିଲେ। ବୋଲର୍‌ମାନେ ଓ୍ବାଇଡ୍‌ ଏବଂ ନୋ ବଲ୍‌ ପକାଇଥିଲେ। ବିଶେଷକରି ପ୍ରବୀଣ କୁମାରଙ୍କ ୫ ଓ୍ବାଇଡ୍‌ ବଲ୍‌ ପରାଜୟର ବଡ଼ କାରଣ ପାଲଟିଥିଲା। ଅନ୍ତିମ ସମୟରେ ଦଳକୁ ଜିତିବାକୁ ୧୫ ରନ୍‌ର ଆବଶ୍ୟକତା ଥିଲା। ସେତେବେଳେ ସେ ରବିନଙ୍କୁ କିଛି ପରାମର୍ଶ ଦେଇଥିଲେ। ହେଲେ ଉଥପ୍ପା ତାଙ୍କ କଥା ଶୁଣି ନ ଥିଲେ। ଆର୍‌ ପି ସିଂ ବୋଲିଂ କରୁଥିଲେ। କୁମ୍ବଲେ ପ୍ରଥମ ବଲ୍‌ରେ ୧ ରନ୍‌ ନେଇ ଉତ୍ଥପାଙ୍କୁ ଷ୍ଟ୍ରାଇକ୍‌ ଦେଇଥିଲେ। ପର ଦୁଇ ବଲ୍‌ରେ ଉତ୍ଥପା କୌଣସି ରନ କରିପାରି ନ ଥିଲେ। ଏବେ ବି ଯେବେ ଉଥପ୍ପାଙ୍କୁ ସେ ଦେଖନ୍ତି ସବୁବେଳେ ଗୋଟିଏ କଥା ପଚାରନ୍ତି। ଛକା ମାରିଥାନ୍ତ ନଚେତ ମୋତେ ଷ୍ଟାଇକ୍‌ ଦେଇଥାନ୍ତ, ତାହେଲେ ଆମେ ବି ଚାମ୍ପିୟନ ହୋଇଥାନ୍ତେ।

ଏହାଛଡ଼ା କୁମ୍ବଲେ ଅନ୍ୟ ଏକ ଘଟଣାକ୍ରମ ବିଷୟରେ କହିଛନ୍ତି, ବାରମ୍ବାର ଉଥପ୍ପାଙ୍କୁ ସ୍କୁପ୍‌ ଶଟ୍‌ ଖେଳିବ ନାହିଁ ବୋଲି ସେ ପରାମର୍ଶ ଦେଇଥିଲେ। ହେଲେ ସେ ସେଭଳି ଶଟ୍‌ ମାରିଚାଲିଥିଲେ। ଫଳରେ ରନ୍‌ କରିବାରେ ସଫଳ ହୋଇପାରୁ ନ ଥିଲେ। ଛକା ମାର ବୋଲି ପରବର୍ତ୍ତୀ ସମୟରେ କୁମ୍ବଲେ କହିଥିଲେ। ହେଲେ ଉଥପ୍ପା ପୁନର୍ବାର ସେହିଭଳି ଶଟ୍‌ ଖେଳି କୁମ୍ବଲେଙ୍କୁ ରଗାଇ ଦେଇଥିଲେ। ପରେ ତାଙ୍କୁ ଷ୍ଟାଇକ୍‌ ଦେବାକୁ କହିବା ସହ ସେ ଛକା ମାରିବାକୁ ଚେଷ୍ଟା କରିବେ ବୋଲି କୁମ୍ବଲେ କହିଥିଲେ। ହେଲେ ତାହା ହୋଇପାରି ନ ଥିଲା। ଦଳ ମ୍ୟାଚ୍‌କୁ ୬ରନ୍‌ରେ ହାରିଯାଇଥିଲା।

ଚଳିତ ବର୍ଷ ମଧ୍ୟ ଆଇପିଏଲ୍‌ରେ ନୈରାଶ୍ୟଜନକ ପ୍ରଦର୍ଶନ କରୁଛି ଆର୍‌ସିବି। ଏଣୁ ଏଥର ମଧ୍ୟ ଟାଇଟଲ ଯାଏ ପହଞ୍ଚିବା ସମ୍ଭବ ନୁହେଁ।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଛାଡପତ୍ର ଚର୍ଚ୍ଚା ଭିତରେ ଟିମ୍‌ ଇଣ୍ଡିଆରେ ଯୋଗଦେଲେ ହାର୍ଦ୍ଦିକ ପାଣ୍ଡ୍ୟା

ନୂଆଦିଲ୍ଲୀ,୨୯।୪: ଗତ କିଛି ଦିନ ହେବ ହାର୍ଦ୍ଦିକ ପାଣ୍ଡ୍ୟା ଚର୍ଚ୍ଚାରେ ରହିଆସିଛନ୍ତି। ପ୍ରଥମେ ସେ ମୁମ୍ବାଇ ଇଣ୍ଡିଆନ୍ସର ଅଧିନାୟକ ଭାବରେ ମନୋନୀତ ହୋଇଥିଲେ। ପ୍ରଶଂସକମାନେ ତାଙ୍କୁ...

ଦଳକୁ ଚାମ୍ପିୟନ୍‌ କରିବା ପରେ ଏହି ସୁନ୍ଦରୀ ମହିଳାଙ୍କ ସହ ନଜର ଆସିଲେ ଶେୟାସ୍‌ ଆୟର

ନୂଆଦିଲ୍ଲୀ,୨୯।୪: ଶ୍ରେୟାସ ଆୟର ତାଙ୍କ ଅଧିନାୟକତ୍ୱରେ କୋଲକାତା ନାଇଟ ରାଇଡର୍ସକୁ ଆଇପିଏଲ ୨୦୨୪ର ଚାମ୍ପିଅନ କରିଥିଲେ। ଗତ ରବିବାର କୋଲକାତା ଆଇପିଏଲ ୨୦୨୪ ର ଫାଇନାଲରେ...

ଟି-୨୦ ବିଶ୍ୱକପ ପୂର୍ବରୁ ବଡ଼ ଓଲଟପାଲଟ: ଶ୍ରୀଲଙ୍କାକୁ ଧୂଳି ଚଟେଇଲା ନେଦରଲାଣ୍ଡ

ନୂଆଦିଲ୍ଲୀ,୨୯।୫: ଟି-୨୦ ବିଶ୍ୱକପ ୨୦୨୪ ପୂର୍ବରୁ ଏକ ବଡ଼ ଓଲଟପାଲଟ ହୋଇଛି। ନେଦରଲାଣ୍ଡ ଶ୍ରୀଲଙ୍କାକୁ ୨୦ ରନରେ ପରାସ୍ତ କରିଛି। ଏହି ମ୍ୟାଚରେ ନେଦରଲାଣ୍ଡ ପ୍ରଥମେ...

ଇଣ୍ଡୋନେସିଆକୁ ହରାଇଲା ଭାରତ

ଭୁବନେଶ୍ୱର, ୨୯।୫ (ତପନ ସ୍ବାଇଁ): ଫିଲିପାଇନ୍ସର ମାନିଲାଠାରେ ଚାଲିଥିବା ୫ମ ଏସୀୟ ମହିଳା ଭଲିବଲ (ଏଭିସି) ଚ୍ୟାଲେଞ୍ଜ କପ୍‌ରେ ଭାରତୀୟ ଦଳ ମଙ୍ଗଳବାର ଇଣ୍ଡୋନେସିଆକୁ ପରାସ୍ତ...

ଆଲିଜ୍‌ କର୍ନେଟଙ୍କ ଅବସର

ପ୍ୟାରିସ୍‌,୨୯ା୫: ଗ୍ରାଣ୍ଡସ୍ଲାମ ଇଭେଣ୍ଟ ଫ୍ରେଞ୍ଚ ଓପନ ଟେନିସ ଟୁର୍ନାମେଣ୍ଟର ପ୍ରଥମ ରାଉଣ୍ଡରେ ପରାଜୟ ସହ ଅବସର ଘୋଷଣା କରିଛନ୍ତି ଫ୍ରେଞ୍ଚ ଖେଳାଳି ଆଲିଜ୍‌ କର୍ନେଟ୍‌। ବିଶ୍ୱ...

ରୁଡ୍‌, ମେଡଭେଡେଭଙ୍କ ସହଜ ବିଜୟ

ପ୍ୟାରିସ୍‌,୨୯ା୫: ଗ୍ରାଣ୍ଡସ୍ଲାମ ଇଭେଣ୍ଟ ଫ୍ରେଞ୍ଚ ଓପନ ଟେନିସ ଟୁର୍ନାମେଣ୍ଟର ତୃତୀୟ ଦିନ ପୁରୁଷ ସିଙ୍ଗଲ୍ସ ଇଭେଣ୍ଟରେ ସହଜ ବିଜୟ ହାସଲ କରିଛନ୍ତି କାସ୍ପର ରୁଡ୍‌ ଓ...

କେକେଆର୍‌ ଛାଡ଼ି ଟିମ୍‌ ଇଣ୍ଡିଆ ହେଡ୍‌ କୋଚ୍‌ ହେବାକୁ ଗମ୍ଭୀର ରାଜି, ଏହା ହେଉଛି ବଡ଼ କାରଣ… 

ନୂଆଦିଲ୍ଲୀ,୨୮।୫: ଟିମ୍‌ ଇଣ୍ଡିଆର ଆଗାମୀ ମୁଖ୍ୟ କୋଚ୍‌ କିଏ ହେବ? ଏହି ପ୍ରଶ୍ନର ଉତ୍ତର ବୋଧହୁଏ ମିଳିସାରିଛି। କାରଣ ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟର ଗୌତମ...

ଦୁର୍ଘଟଣା ପରର ଅଭିଜ୍ଞତା ବଖାଣିଲେ ପନ୍ତ…

ନୂଆଦିଲ୍ଳୀ,୨୮ା୫: ଭାରତୀୟ କ୍ରିକେଟ ଦଳର ଉଇକେଟ କିପର ବ୍ୟାଟର ରିଷଭ ପନ୍ତ ଦୁର୍ଘଟଣା ପରର ଅଭିଜ୍ଞତା ବଖାଣିଛନ୍ତି। ଦୁର୍ଘଟଣାରେ ଗୁରୁତର ଆହତ ହୋଇଥିବା ବେଳେ କିଭଳି...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri