କେସିଙ୍ଗା,୨୮।୭(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ସହରରେ ଆଖ ପାଖ ଅଞ୍ଚଳରେ ପନିପରିବା ଚାଷ କମ ପରିମାଣରେ ବଜାରକୁ ଆସୁଅଛି। କିନ୍ତୁ ବ୍ୟବସାୟୀମାନେ ରାୟପୁର ଯାଇ ସେଠାରୁ ଭଡାରେ ବିଭିନ୍ନ ପନିପରିବା ଆଣୁଥିବାରୁ ବର୍ଷା ଋତୁରେ ଦରଦାମ ବଢ଼ିବାରେ ଲାଗିଛି।
କେସିଙ୍ଗା ସହରରେ ଥିବା ହସ୍ପିଟାଲ ଛକ,ହାଇସ୍କୁଲ ନିକଟରେ ବ୍ୟବସାୟୀମାନେ ରାସ୍ତାର ଉଭୟ ପାର୍ଶରେ ପନିପରିବା ବିକ୍ରି କରୁଛନ୍ତି। ଖରା ବର୍ଷାରେ ରାସ୍ତା ପାର୍ଶରେ ବସି ପନିପରିବା ବିକ୍ରି କରି ପରିବାର ପ୍ରତିପୋଷଣ କରୁଛନ୍ତି। କିନ୍ତୁ ବଜାରରେ ଫୁଲ କୋବି କେଜି ପ୍ରତି ଏକ ଶହରେ ବିକ୍ରି କରୁଥିବାବେଳେ କାଙ୍କଡ଼ ୮୦ଟଙ୍କା,ପୋଟଳ କେଜି ୮୦ ଟଙ୍କା,ବନ୍ଧା କୋବି ୮୦ଟଙ୍କା, ଗାଜର କେଜି ୧୨୦ଟଙ୍କା, କାକୁଡି କେଜି ପ୍ରତି ୬୦ଟଙ୍କା, ବାଇଗଣ, ଟମାଟୋ କେଜି ପ୍ରତି ୪୦ଟଙ୍କା, କଲରା କେଜି ପ୍ରତି ୮୦ଟଙ୍କା,ଭେଣ୍ଡି କେଜି ପ୍ରତି ୪୦ଟଙ୍କା, କଞ୍ଚାଲଙ୍କା କେଜି ପ୍ରତି ୧୨୦ ରୁ ୧୪୦, ପିଆଜ, ଆଳୁ କେଜି ପ୍ରତି ୪୦ଟଙ୍କା, ଧନିଆପତ୍ର କେଜି ପ୍ରତି ୧୨୦ଟଙ୍କା ଦରରେ ବର୍ଷା ଦିନରେ ବିକ୍ରି ହେଉଛି। ଚାଷୀ ନିଜେ ଚାଷ କରି ନ ଥିବାରୁ ଅନ୍ୟ ରାଜ୍ୟରୁ ପନିପରିବା ଆଣୁଥିବାରୁ ଚଢା ଦରରେ ବିକ୍ରି ହେଉଛି। କେସିଙ୍ଗା ସହରରେ ଡାଳିମ୍ବ, ସେଓ,କଦଳୀ ଆଦି ଫଳମୂଳର ଦାମ ବହୁତ ଚଢା ଦରରେ ବିକ୍ରି ହେଉଛି।
Dharitri – Odisha’s No.1 Odia Daily
