ମୁମ୍ବାଇ: ଅଭିନେତା ସୋନୁ ସୁଦ କରୋନା ଯୋଗୁ ଲକ୍ଡାଉନ ସମୟରୁ ଚର୍ଚ୍ଚାରେ ରହିଆସିଛନ୍ତି। ସୋନୁଙ୍କୁ କରନାଲସ୍ଥିତ ବିର୍କି ହସ୍ପିଟାଲର ଯୁବ ନ୍ୟୁରୋ ସର୍ଜନ ଡାକ୍ତର ଅଶି୍ବନୀଙ୍କ ଭରପୂର ସହଯୋଗ ମିଳୁଛି। ସୋନୁଙ୍କ ଯୋଗୁ ଗତ ୧୨ବର୍ଷ ହେବ ଜୀବନ-ମୃତ୍ୟୁ ସହ ସଂଘର୍ଷ କରୁଥିବା ଛତିଶଗଡ଼ର ଅମନଙ୍କୁ ନୂଆ ଜୀବନ ମିଳିଛି।
ମେରୁଦଣ୍ଡ ହାଡ଼ରେ ସମସ୍ୟା ଭୋଗୁଥିବା ଅମନ ଗତ ୧୨ବର୍ଷରୁ ବିଛଣାରେ ପଡ଼ି ରହିଥିଲେ। ଚଲାବୁଲା କରି ପାରୁ ନ ଥିଲେ। ଅମନଙ୍କ ବାପା ଭଡ଼ାଘରେ ରହି ଅଟୋ ଚଲାଉଥିଲେ। ଆର୍ଥତ୍କ ସମସ୍ୟା ଯୋଗୁ ପୁଅର ଚିକିତ୍ସା କରାଇ ପାରୁ ନ ଥିଲେ। କେବଳ ନିଜ ପୁଅ କଷ୍ଟ ପାଉଥିବା ଦେଖିବା ଛଡ଼ା ସେମାନଙ୍କ ପାଖରେ ଆଉ କୌଣସି ରାସ୍ତା ନ ଥିଲା। କିନ୍ତୁ ବିଛଣାରେ ପଡ଼ି ଅମନ ଏପରି ଏକ ରାସ୍ତା ବାହାର କରିଥିଲେ ଯାହା ଫଳରେ ତାଙ୍କ ନିଜ ଗୋଡ଼ରେ ଛିଡ଼ା ହେବାର ସ୍ବପ୍ନ ପୂରଣ ହୋଇପାରିଛି। ଏବେ ଅମନଙ୍କ ମା-ବାପା ସୋନୁ ଏବଂ ଡାକ୍ତର ଅଶ୍ବିନୀଙ୍କ ପ୍ରଶଂସା କରୁଛନ୍ତି।
ଡକ୍ଟର ଅଶ୍ୱିନୀଙ୍କ ତତ୍ତ୍ୱାବଧାନରେ ଅମନ ହସ୍ପିଟାଲରେ ସୋନୁଙ୍କ ସହାୟତା ପାଇ ଚିକିତ୍ସିତ ହୋଇଥିଲେ। ଅମନଙ୍କୁ ନୂତନ ଜୀବନ ଦେଇଥିବା ଅଶ୍ୱିନୀ ବର୍ତ୍ତମାନ ପର୍ଯ୍ୟନ୍ତ ପ୍ରାୟ ୧ ହଜାର ମୁଣ୍ଡ ଏବଂ ମେରୁଦଣ୍ଡ ଅସ୍ତ୍ରୋପଚାର କରିଛନ୍ତି। ସୋନୁ ନିଜକୁ ଭାଗ୍ୟବାନ ମନେ କରନ୍ତି ଯେ, ସେ ଏପରି ଲୋକଙ୍କୁ ସାହାଯ୍ୟ କରିବାର ସୁଯୋଗ ପାଇଲେ, ଯେଉଁମାନେ ସାହାଯ୍ୟ ପାଇବାର ହକ୍ଦାର।
