ମୁମ୍ବାଇ: ବଲିଉଡ ଅଭିନେତ୍ରୀ ସୋନମ କପୁର ଏବେ ମା’ ହେବାର ଅନୁଭୁତିକୁ ତାଙ୍କ ପ୍ରଶଂସକଙ୍କ ସହ ଶେୟାର କରୁଛନ୍ତି । ଅଭିନେତ୍ରୀ ଖୁବଶୀଘ୍ର ଆନନ୍ଦ ଆହୁଜାଙ୍କ ପିଲାର ମା’ ହେବାକୁ ଯାଉଛନ୍ତି । ବିବାହାର ୪ ବର୍ଷ ପରେ ସୋନମ ଗର୍ଭବତୀ ହୋଇଛନ୍ତି । ଏବେ ସେ ତାଙ୍କର ପ୍ରେଗ୍ନେସି ଅନୁଭବକୁ ଶେୟାର କରୁଛନ୍ତି । ଯଦିଓ ଏବେ ସେ ଖୁସି ଅଛନ୍ତି କିନ୍ତୁ ପ୍ରେଗ୍ନେସି ଆରମ୍ଭ ତାଙ୍କ ପାଇଁ ବଡ କଠିନ ଥିଲା ବୋଲି ସେ କହିଛନ୍ତି ।
ନିକଟରେ ଏକ ସାକ୍ଷାତ୍କାରରେ ସୋନମ କହିଛନ୍ତି ଗର୍ଭାବସ୍ଥାର ପ୍ରଥମ ୩ ମାସ ମୋ ପାଇଁ ବଡ କଷ୍ଟକର ସମୟ ଥିଲା । ସମସ୍ତେ ଗର୍ଭାବସ୍ଥାକୁ ନେଇ ଭଲ କଥା ହୋଇଥାଆନ୍ତି । ହେଲେ କେହି କେବେ କହି ନାହାନ୍ତି ଏହା କେତେ କଷ୍ଟକର । ଯଦି ଆପଣ ଆପଣଙ୍କ ଭିତରେ ଆଉ ଏକ ଜୀବନ ଆଣିବାକୁ ଚାହୁଁଛନ୍ତି ତେବେ ପ୍ରଥମେ ଆପଣ ଆପଣଙ୍କୁ ସମ୍ମାନ କରିବାକୁ ପଡିବ ।
ଏହାସହ ସେ କିପରି ପତି ଆନନ୍ଦ ଆହୁଜାଙ୍କ ସହ ପ୍ରେଗ୍ନେସିକୁ ନେଇ ପ୍ଲାନିଂ କରିଥିଲେ ତାହା ମଧ୍ୟ ଖୋଲାଖୋଲି ଭାବେ କଥା ହୋଇଛନ୍ତି । ସୋନମ କହିଛନ୍ତି ଆମେ ଦୁହେଁ ବିବାହ ପରେ ସ୍ଥିର କରିଥିଲୁ ୨ ବର୍ଷ ପର୍ଯ୍ୟନ୍ତ ବେବି ପ୍ଲାନିଂ କରିବୁ ନାହିଁ ଆମେ ଏହି ୨ ବର୍ଷ ଏନଜୟ କରିବୁ । ତାହାହିଁ ହେଲା । ଆସନ୍ତା ମେ’ରେ ଆମ ବିବାହକୁ ୪ ବର୍ଷ ପୂରଣ ହୋଇଯିବ । ତେବେ ୨ ବର୍ଷ ପରେ ଆମେ ବେବି ପ୍ଲାନିଂ ଆରମ୍ଭ କରିଦେଇଥିଲୁ ଆଉ ଏହା ପୂରଣ ହୋଇଗଲା । ଏହା ଆମ ପାଇଁ ଗୋଟିଏ ବଡ ଆଶୀର୍ବାଦ ବୋଲି ସେ କହିଛନ୍ତି ।
