ଲାଠୋର,୧୭।୨(ଡି.ଏନ୍.ଏ.): ବଲାଙ୍ଗୀର ଜିଲା ତୁରେକେଲା ଥାନା ଅଧୀନ ଗଇନ୍ଦିମାଲ ଗ୍ରାମର ସତ୍ୟ ପସାୟତଙ୍କ ଘରେ କିଛି ଦୁର୍ବୃତ୍ତ ନିଆଁ ଲଗାଇ ପୋଡ଼ି ଦେଇଛନ୍ତି।
ଫଳରେ ଘରେ ଥିବା ସମସ୍ତ ସାମଗ୍ରୀ ପୋଡି ନଷ୍ଟ ହୋଇଯାଇଛି। ଅଗ୍ନି କାଣ୍ଡରେ କେହି ମୃତାହତ ହୋଇ ନ ଥିବା ଜଣାପଡିଛି। ଏନେଇ ତୁରେକେଲା ଥାନାରେ ଏକ ଏତଲା ଦିଆଯାଇଛି।
ଗଇନ୍ଦିମାଲ ଗ୍ରାମ୍ୟ ବିଦ୍ୟାଳୟ ନିକଟରେ ସତ୍ୟ ଏକ ପ୍ରଧାନ ମନ୍ତ୍ରୀ ଆବାସ ଘର ନିର୍ମଣ କରୁଥିଲେ। ଘର ଛାତ ପର୍ଯ୍ୟନ୍ତ ହୋଇଛି। ଘର ସମ୍ମୁଖରେ ଏକ ଘର କରି ସେଠାରେ ସିମେଣ୍ଟ, ପାଣି ପମ୍ପ, ଡ୍ରାମ, ପାଇପ ଏବଂ ମିସ୍ତ୍ରୀଙ୍କ ସାମଗ୍ରୀ ରଖିଥିଲେ। ହେଲେ କେହି ଦୁର୍ବୃତ୍ତ ବୁଧବାର ବିଳମ୍ବିତ ରାତିରେ ଘରେ ନିଆଁ ଲଗାଇ ଦେବାରୁ ସବୁ ସାମଗ୍ରୀ ପୋଡି ନଷ୍ଟ ହୋଇଯାଇଛି। ଏତଲାରେ ୩ଜଣଙ୍କ ନାମରେ ଅଭିଯୋଗ ହୋଇଛି। ଏନେଇ ତୁରେକେଲା ଥାନା ଅଧିକାରୀ ପ୍ରଣୟ ମୁର୍ମୁଙ୍କୁ ପଚାରିବାରୁ ଘଟଣାର ତଦନ୍ତ ଚାଲିଥିବା କହିଥିଲେ। ତେବେ ଘଟଣାର ତଦନ୍ତ କରି ତୁରନ୍ତ ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସାଧାରଣରେ ଦାବି ହୋଇଛି।
