ପେସାରେ ଜଣେ ଶିକ୍ଷୟିତ୍ରୀ। ହେଲେ ନିଶା ତାଙ୍କର ସାପ ଧରିବା। କେବଳ ସାପ କାହିଁକି ବିଭିନ୍ନ ପଶୁପକ୍ଷୀ ଏବଂ ଜୀବଜନ୍ତ୍ୁଙ୍କ ସୁରକ୍ଷା ପାଇଁ ମଧ୍ୟ ସେ ସର୍ବଦା ତତ୍ପର। ଯେଉଁଥିପାଇଁ ଜଣେ ପ୍ରାଣୀ ସୁରକ୍ଷାକାରୀ ଭାବେ ସେ ସ୍ଥାନୀୟ ଅଞ୍ଚଳରେ ବେଶ୍ ପରିଚିତା। ସେ ହେଉଛନ୍ତି ମୟୂରଭଞ୍ଜ ଜିଲାରେ ରହୁଥିବା ସ୍ନେହାଶ୍ରୀ ସୋରେନ୍। ବର୍ତ୍ତମାନ ସୁଦ୍ଧା ସେ ବହୁ ସଂଖ୍ୟାରେ ସାପ ଧରିଥିବାବେଳେ କେବଳ ୨୦୧୧ ମସିହାରୁ ପ୍ରାୟ ୧ହଜାର ସାପ ଧରି ସାରିଛନ୍ତି। ସ୍ଥାନୀୟ ଅଞ୍ଚଳରେ କାହା ଘରେ ସାପ ବାହାରିଲେ ତାଙ୍କୁ ଖୋଜାପଡ଼େ। ଆଉ ସେଠାରେ ପହଞ୍ଚତ୍ ସାପକୁ ଅତି ସହଜରେ କାବୁ କରି ସେ ଜଙ୍ଗଲରେ ଛାଡ଼ିଥା’ନ୍ତି। ବର୍ତ୍ତମାନ ସେ ଏକ ସ୍କୁଲରେ ଶିକ୍ଷୟିତ୍ରୀ ଭାବେ କାର୍ଯ୍ୟରତ। ସ୍କୁଲ ସମୟରେ ପିଲାଙ୍କୁ ପଢ଼ାଇ ସାରିବା ପରେ ଅନ୍ୟ ସମୟରେ ସମାଜସେବା କରନ୍ତି। ଆବଶ୍ୟକ ସମୟରେ ନିଜ ସାଧ୍ୟମତେ ଲୋକଙ୍କୁ ସାହାଯ୍ୟ କରିଥା’ନ୍ତି। ସାପକୁ ଦେଖିଲେ ସାଧାରଣତଃ ସଭିଏଁ ଭୟ କରୁଥିଲା ବେଳେ ସେମାନେ ମୋ ବନ୍ଧୁ ବୋଲି କୁହନ୍ତି ସ୍ନେହାଶ୍ରୀ। ସାପ ଦେଖିବାମାତ୍ରେ ଭୟଭୀତ ହୋଇ ତା’କୁ ନ ମାରି ସୁସ୍ଥ ଅବସ୍ଥାରେ ନିକଟସ୍ଥ ଜଙ୍ଗଲରେ ଛାଡ଼ିଦେବାକୁ ସେ ସଭିଙ୍କୁ ପରାମର୍ଶ ଦିଅନ୍ତି। ଗୁରୁ ଦେବଜିତ୍ ରାଉତରାୟଙ୍କଠାରୁ ସେ ସାପ ଧରିବା ତାଲିମ ନେଇଥିବାବେଳେ ଗତ ୧୦ବର୍ଷ ମଧ୍ୟରେ ପ୍ରାୟ ହଜାର ହଜାର ବିଭିନ୍ନ ପ୍ରଜାତିର ସାପ ଧରି ଜଙ୍ଗଲରେ ଛାଡ଼ିଛନ୍ତି। ତେବେ ସେ ଜଣେ ଯୁବତୀ ହୋଇ ଏଭଳି ବିପଦପୂର୍ଣ୍ଣ କାମ କରି ମାଲକାନଗରି ଜିଲାରେ ନିଜର ଏକ ସ୍ବତନ୍ତ୍ର ପରିଚୟ ସୃଷ୍ଟି କରିଥିବା ବେଳେ ଅନେକ ସ୍ଥାନରେ ପ୍ରଶଂସିତ ହୋଇପାରିଛନ୍ତି।
– ବନବିହାରୀ ବେହେରା
