Posted inଫୁରସତ

ଛୋଟ ପିଲା ବଡ଼ କାମ

ହସିବା ଖେଳିବା ବୟସ ସେମାନଙ୍କର। କିନ୍ତୁ ଏଇ ବୟସରେ ସେମାନେ ଏମିତି କିଛି କରିଦେଖାଇଛନ୍ତି ଯାହାକୁ ବଡ଼ମାନେ କରିବା ବି କଷ୍ଟକର । ନିଜର ସାହସ, ବୁଦ୍ଧି ଓ ବିଶେଷ ପ୍ରତିଭା ପାଇଁ ଏଇ କୁନି କୁନି ପିଲାମାନେ ସାରା ପୃଥିବୀରେ ପାଇଛନ୍ତି ସ୍ବତନ୍ତ୍ର ପରିଚୟ…

ତିଲକ ମେହତା:୨୦୦୬ ଗୁଜରାଟରେ ଜନ୍ମିତ ତିଲକ, କଅଁଳ ବୟସରେ ଯାହା କରି ଦେଖାଇଛନ୍ତି ତାହା ବେଶ୍‌ ଅବିଶ୍ୱସନୀୟ ଲାଗେ। ତାଙ୍କୁ ଯେତେବେଳେ ୧୩ ବର୍ଷ ବୟସ ହୋଇଥିଲା ସେ ଆରମ୍ଭ କରିଥିଲେ ନିଜର ଏକ ଷ୍ଟାର୍ଟଅପ ତଥା କୋରିଅର୍‌ ବେସ୍‌ଡ କମ୍ପାନୀ ‘ପେପର୍‌ ଏନ୍‌ ପାର୍ସଲ’। ଖେଳିବା, ବୁଲିବା, ଟିଭି ଦେଖା ବୟସରେ ସେ ପାଠପଢ଼ା ସହ ନିଜ କମ୍ପାନୀ କଥା ବୁଝୁଛନ୍ତି। ଆଉ ବର୍ତ୍ତମାନ ତାଙ୍କ ବ୍ୟବସାୟ ୧୦୦ କୋଟିରେ ପହଞ୍ଚିସାରିଛି। ମୁମ୍ବାଇରେ ରହୁଥିବା ତିଲକ ଗୋଟିଏ ଦିନରେ କିଭଳି ପାର୍ସଲ ଗନ୍ତବ୍ୟ ସ୍ଥଳରେ ପହଞ୍ଚତ୍ପାରିବ ସେହି ବ୍ୟବସ୍ଥା କରିଛନ୍ତି। ସେ ଡୋର୍‌ ଟୁ ଡୋର୍‌ ପିକ୍‌ ଅପ୍‌ ଓ ଡେଲିଭରି ସର୍ଭିସ୍‌ ପ୍ରଦାନ କରୁଛନ୍ତି। ଏତେ କମ୍‌ ବୟସରେ ଏତେ ବଡ଼ ବ୍ୟବସାୟ ଗଢ଼ି ତାକୁ ସଫଳତାର ସହ ଚଳାଉଥିବାରୁ ସେ ୨୦୨୦ରେ ଗ୍ଲୋବାଲ ଚାଇଲ୍ଡ ପ୍ରୋଡିଜି ସମ୍ମାନରେ ସମ୍ମାନିତ ହୋଇଛନ୍ତି।

ୟଥାର୍ଥ ମୂର୍ତ୍ତି: ଯିଏ ଯେଉଁ ଦେଶର ନିବାସୀ ସେମାନେ ସେଇ ଦେଶର ଜାତୀୟ ସଙ୍ଗୀତ ଭଲଭାବେ ଜାଣିଥାନ୍ତି। କିନ୍ତୁ ବାଙ୍ଗାଲୋର, କର୍ନାଟକର ୧୪ ବର୍ଷୀୟ ୟଥାର୍ଥ କେବଳ ନିଜ ଦେଶ ଭାରତର ନୁହେଁ ବରଂ ୨୬୦ଟି ଦେଶର ଜାତୀୟ ସଙ୍ଗୀତ ବେଶ୍‌ ସୁନ୍ଦରଭାବେ ଗାଇପାରନ୍ତି। ପୃଥିବୀରେ ୟୁଏନ୍‌ ମାନ୍ୟତାପ୍ରାପ୍ତ ୧୯୩ଟି ଦେଶ ଅଛି। ତା’ଛଡା ୟୁଏନ୍‌ ମାନ୍ୟତା ପାଇ ନ ଥିବା ମଧ୍ୟ ଅନେକ ଦେଶ ଅଛି। ସେହି ଦେଶଗୁଡ଼ିକର ବି ଜାତୀୟ ସଙ୍ଗୀତ ଥାଏ। ୟଥାର୍ଥ ସେହିସବୁ ଜାତୀୟ ସଙ୍ଗୀତକୁ ବି ମନେ ରଖି ସୁନ୍ଦରଭାବେ ଗାଇପାରନ୍ତି। ତେଣୁ ଦୁଇ ଦୁଇ ଥର ସେ ଲିମ୍‌କା ବୁକ୍‌ ଅଫ୍‌ ରେକର୍ଡସ୍‌ରେ ସବୁଠାରୁ ଅଧିକ ଦେଶର ଜାତୀୟ ସଙ୍ଗୀତ ଗାଇପାରୁଥିବା ପିଲାଭାବେ ସ୍ଥାନ ପାଇଛନ୍ତି। ୨୦୨୦ରେ ସେ ଗ୍ଲୋବାଲ୍‌ ଚାଇଲ୍ଡ ପ୍ରୋଡିଜି ସମ୍ମାନରେ ବି ସମ୍ମାନିତ ହୋଇଛନ୍ତି।

ଅଦ୍ୱୈତ କୋଲାରକର: ମାତ୍ର ୬ ବର୍ଷରୁ ହିଁ ଅଦ୍ୱୈତ ସାରା ପୃଥିବୀରେ ନିଜର ସ୍ବତନ୍ତ୍ର ପରିଚୟ ସୃଷ୍ଟି କରିବାରେ ସଫଳ ହୋଇପାରିଥିଲେ। ଆଉ ପାଇଥିଲେ ସର୍ବକନିଷ୍ଠ ହାଇ ଫ୍ଲାୟର୍‌ ୫୦ ଟାଇଟଲ୍‌। ଏହି ଟାଇଟଲ୍‌ ସେ ତାଙ୍କର ଅଦ୍ଭୁତ ଚିତ୍ରକଳା ପାଇଁ ପାଇଛନ୍ତି। ତା ଛଡା ଗ୍ଲୋବାଲ ଚାଇଲ୍ଡ ପ୍ରୋଡିଜି ସମ୍ମାନ ବି ପାଇଛନ୍ତି। ୮ ମାସର ହୋଇଥିବା ସମୟରୁ ହିଁ ସେ ରଙ୍ଗ ସହ ଖେଳିବା ଆରମ୍ଭ କରିଦେଇଥିଲେ। ବାପା ମା’ ତାଙ୍କର ଏହି ଅନ୍ତର୍ନିହିତ କଳାକୁ ଚିହ୍ନିପାରିଥିଲେ। ୨୦୧୬ରେ ଯେତେବେଳେ ତାଙ୍କୁ ଯେବେ ୨ ବର୍ଷ ବୟସ ହୋଇଥିଲା ତାଙ୍କର ପ୍ରଥମ ସୋଲୋ ଆର୍ଟ ଏକ୍‌ଜିବିଶନ୍‌ ପୁଣେରେ ହୋଇଥିଲା। ଏହାପରେ ପରିବାର ସହ ସେ କାନାଡ଼ା ଚାଲିଯାଇଥିଲେ। କାନାଡ଼ାରେ ବି ସୋଲୋ ଏକ୍‌ଜିବିଶନ୍‌ ହୋଇଥିଲା। ସେଠାରେ ତାଙ୍କର ପେଣ୍ଟିଂ ୨୦୦୦ ଡଲାରରେ ବିକ୍ରି ହୋଇଥିଲା। ନିକଟରେ ତାଙ୍କ ପେଣ୍ଟିଂ ନ୍ୟୁୟର୍କ ଆର୍ଟଏକ୍ସପୋରେ ବି ପ୍ରଦର୍ଶିତ ହୋଇଛି। ୪୦ ବର୍ଷର ଇତିହାସରେ ସେ ହେଉଛନ୍ତି ସର୍ବକନିଷ୍ଠ ଚିତ୍ରକର, ଯାହାଙ୍କ ପେଣ୍ଟିଂ ଏଠାରେ ପ୍ରଦର୍ଶିତ ହୋଇଛି।

ଅର୍ଶଦୀପ ସିଂ: ଜଳନ୍ଧରର ଅର୍ଶଦୀପ ଜଣେ ଜଣାଶୁଣା ଓ୍ବାଇଲ୍ଡ ଲାଇଫ୍‌ ଫଟୋଗ୍ରାଫର। ୧୦ ବର୍ଷ ବୟସରେ ୨୦୨୦ରେ ସେ ଏସିଆର ସର୍ବକନିଷ୍ଠ ଓ୍ବାଇଲ୍ଡ ଲାଇଫ୍‌ ଫଟୋଗ୍ରାଫର ସମ୍ମାନ ପାଇ ଇତିହାସ ରଚିଥିଲେ। ୨୦୧୮ରେ ତ ସିଏ ‘ଓ୍ବାଇଲ୍ଡ ଲାଇଫ ଫଟୋଗ୍ରାଫର୍‌ ଅଫ୍‌ ଦ ଇୟର’ ସମ୍ମାନରେ ସମ୍ମାନିତ ହୋଇଥିଲେ। ସେ ଉଠାଇଥିବା ପାଇପ ଭିତରେ ଦୁଇ କୁନି ପେଚାର ଫଟୋକୁ ଏଥିରେ ସର୍ବଶ୍ରେଷ୍ଠ ଫଟୋ ଭାବେ ଚୟନ କରାଯାଇଥିଲା। ବ୍ରିଟେନର ନାଚୁରାଲ ହିଷ୍ଟ୍ରି ମ୍ୟୁଜିୟମ ଏହି ପ୍ରତିଯୋଗିତା ଆୟୋଜନ କରିଥାଏ। ୬ ବର୍ଷ ବୟସରୁ ତାଙ୍କର ଫଟୋଗ୍ରାଫି ଆରମ୍ଭ ହୋଇଛି। ତାଙ୍କର ଅନେକ ଫଟୋ ଲୋନଲୀ ପ୍ଲାନେଟ ୟୁକେ, ଲୋନଲୀ ପ୍ଲାନେଟ୍‌ ଜର୍ମାନୀ, ଲୋନଲୀ ପ୍ଲାନେଟ୍‌ ଇଣ୍ଡିଆ, ବିବିସି ଓ୍ବାଇଲ୍ଡ ଲାଇଫ୍‌ ୟୁକେରେ ସ୍ଥାନ ପାଇଛି। ୨୦୨୦ରେ ଗ୍ଲୋବାଲ ଚାଇଲ୍ଡ ପ୍ରୋଡିଜି ଆଓ୍ବାର୍ଡ ବି ସେ ପାଇଛନ୍ତି।

ଲିସିପ୍ରିୟା କଙ୍ଗୁଜମ୍‌: ୨୦୧୧, ମଣିପୁରରେ ଜନ୍ମିତ ଲିସିପ୍ରିୟା ଜଣେ କ୍ଲାଇମେଟ ଆକ୍ଟିଭିଷ୍ଟ। ୨୦୧୯ର ୟୁନାଇଟେଡ ନେଶନ୍‌ସର କଭେନ୍ସନ ଅନ କ୍ଲାଇମେଟ୍‌ ଚେଞ୍ଜରେ ସେ ଥିଲେ ସର୍ବକନିଷ୍ଠ ବକ୍ତା। ସେତେବେଳେ ତାଙ୍କୁ ମାତ୍ର ୮ ବର୍ଷ ବୟସ ହୋଇଥିଲା। ଅନେକେ ତାଙ୍କୁ ‘ଭାରତର ଗ୍ରେଟା ଥନବର୍ଗ’ ବୋଲି ମଧ୍ୟ କହନ୍ତି। ୨୦୧୮ରୁ ସେ ପରିବେଶ ପରିବର୍ତ୍ତନ ଉପରେ କ୍ୟାମ୍ପେନ କରିଆସୁଛନ୍ତି। ପ୍ରଧାନମନ୍ତ୍ରୀଙ୍କ ଧ୍ୟାନ ଆକର୍ଷଣ କରି କ୍ଲାଇମେଟ ଚେଞ୍ଜ ଆଇନ ପାସ୍‌ କରିବାକୁ ସେ ଭାରତର ପାର୍ଲାମେଣ୍ଟ ହାଉସ୍‌ ପାଖରେ ୧ ସପ୍ତାହ ମଧ୍ୟ ବିତାଇଥିଲେ। ୨୦୧୯, ୩୧ ଅଗଷ୍ଟରେ ତାଙ୍କୁ ‘ଓ୍ବାର୍ଲଡ ଚିଲ୍ର୍ଡେନ୍‌ ପିସ୍‌’ ପ୍ରାଇଜ୍‌ ପ୍ରଦାନ କରାଯାଇଥିଲା।

ଲିଦିଆନ ନଧସ୍ବରମ୍‌: ୨୦୦୫ରେ ଜନ୍ମିତ ଲିଦିଆନ୍‌ ଜଣେ କୁନି ପିଆନୋ ବାଦକ। ୨୦୧୯ରେ ଯେତେବେଳେ ସେ ୧୩ ବର୍ଷ ବୟସର ହୋଇଥିଲେ ‘ସିବିଏସ୍‌ ଟ୍ୟାଲେଣ୍ଟ ଶୋ’ ଜିତିଥିଲେ। ଆଉ ପାଇଥିଲେ ୧ ମିଲିୟନ ଡଲାର ପୁରସ୍କାର ରାଶି। ଏହି ପ୍ରତିଯୋଗିତାରେ ସେ ଜଜ୍‌ମାନଙ୍କୁ ପ୍ରଥମେ ୧ ମିନିଟ୍‌ରେ ୨୮୦ ବିଟ୍‌ ବଜାଇ ଓ ପରେ ସ୍ପିଡ ବଢ଼ାଇ ୧ ମିନିଟ୍‌ରେ ୩୨୫ ବିଟ୍‌ ବଜାଇ ଚକିତ କରିଦେଇଥିଲେ। ୮ବର୍ଷ ବୟସରୁ ସେ ପିଆନୋ ବଜାଉଛନ୍ତି। ତାଙ୍କ ବାପା ବର୍ଷନ ସତିଶ ତାମିଲ ମ୍ୟୁଜିକ ଡାଇରେକ୍ଟର ଅଟନ୍ତି। ଲିଦିଆନ୍‌ ୪ ବର୍ଷ ଏ.ଆର ରେହମାନଙ୍କ ଦ୍ୱାରା ପ୍ରତିଷ୍ଠା କରାଯାଇଥିବା କେଏମ୍‌ ମ୍ୟୁଜିକ୍‌ କଞ୍ଜରଭେଟୋରିରେ ପିଆନୋ ଶିକ୍ଷା ଗ୍ରହଣ କରିଛନ୍ତି।

ରମେଶ ପ୍ରଗ୍‌ନାନନ୍ଧା: ଚେନ୍ନାଇର ରମେଶ ହେଉଛନ୍ତି ଜଣେ ଚେସ୍‌ର ବିସ୍ମୟକର ପ୍ରତିଭା। ୨୦୧୬, ୧୦ ବର୍ଷ ବୟସରେ ସେ ସର୍ବକନିଷ୍ଠ ଇଣ୍ଟରନ୍ୟାଶନାଲ ମାଷ୍ଟରର ମାନ୍ୟତା ପାଇଥିଲେ। ୨୦୧୮ରେ ଗ୍ରାଣ୍ଡମାଷ୍ଟର ଟାଇଟଲ ହାସଲ କରିଥିବା ୪ର୍ଥ ସର୍ବକନିଷ୍ଠ ବାଳକ ହୋଇଥିଲେ। ଏହା ପୂର୍ବରୁ ସର୍ଜି କାର୍ଜାକିନ୍‌, ଗୁକେଶ ଡି, ଜାଭୋଖିର ସିନ୍ଦାରୋଭ ଏହି ଟାଇଟଲ ହାସଲ କରିଥିଲେ। ୨୦୧୯ରେ ସେ ଓ୍ବାର୍ଲଡ ୟୁଥ୍‌ ଚାମ୍ପିୟନଶିପ୍‌, ଅଣ୍ଡର ୧୮ ବିଭାଗରେ ବିଜୟ ଲାଭ କରି ଇତିହାସ ରଚିଥିଲେ।


Enter your email to get our daily news in your inbox.

All Right Reserved By Dharitri.Com

କାର୍ଯ୍ୟସ୍ଥଳରେ ସୁରକ୍ଷା ଓ ସ୍ବାସ୍ଥ୍ୟରକ୍ଷା ଜରୁରୀ

ଜେନିଭା,୨୮।୪: ପ୍ରତିବର୍ଷ ଏପ୍ରିଲ ୨୮ରେ ବିଶ୍ୱବ୍ୟାପୀ କାର୍ଯ୍ୟସ୍ଥଳରେ ସୁରକ୍ଷା ଓ ସ୍ବାସ୍ଥ୍ୟ ଦିବସ ପାଳନ କରାଯାଇ ଆସୁଛି। ବିଶ୍ୱ ସ୍ବାସ୍ଥ୍ୟ ସଙ୍ଗଠନ ପକ୍ଷରୁ ଜାରି ଏହି...

୧୯୯୫ କିଲୋ ଖେଚୁଡି ରାନ୍ଧିି ଗିନିଜ୍‌ ରେକର୍ଡ

ଶିମ୍‌ଲା: ହିମାଚଳ ପ୍ରଦେଶ ମଣ୍ଡି ଜିଲାର ତତ୍ତାପାଣିରେ ମକର ସଂକ୍ରାନ୍ତି ଉତ୍ସବ ବହୁ ଆଡମ୍ବରରେ ପାଳିତ ହୋଇଛି। ଏହି ଅବସରରେ ଏଠାରେ ଏକ ସମୟରେ ଗୋଟିଏ...

ସ୍ତ୍ରୀଙ୍କୁ ମିଛ କହି ପ୍ରେମିକାଙ୍କ ସହ ଇଟାଲୀ ଯାଇଥିଲେ ବ୍ୟକ୍ତି, ଏବେ କରୋନାରେ ଆକ୍ରାନ୍ତ

ରୋମ୍‌: ବଲିଉଡ୍‌ର ଏକ ପ୍ରସିଦ୍ଧ ଗୀତ ଅଛି, ଯାହାକୁ ଆପଣ ନିଶ୍ଚିତ ଶୁଣିଥିବେ। ଗୀତଟି ହେଲା ପ୍ୟାର୍‌ ହମେ କିସି ମୋଡ୍‌ ପେ ଲେ ଆୟା,...

୧୫୦ କୋଟି ବର୍ଷ ତଳେ ସମୁଦ୍ରରେ ବୁଡ଼ି ରହିଥିଲା ବଲିଉଡ୍‌…

ମୁମ୍ବାଇ,୧୯।୬: ମହାରାଷ୍ଟ୍ରର ରାଜଧାନୀ ତଥା ବଲିଉଡ୍‌ ମୁମ୍ବାଇର ଆଖପାଖ ଅଞ୍ଚଳ ଦିନେ ସମୁଦ୍ର ତଳେ ବୁଡ଼ି ରହିଥିଲା। ମିଳିଥିବା କେତେକ ଜୀବାଶ୍ମରୁ ଏହା ଜଣାପଡ଼ିଛି। ମୁମ୍ବାଇ...

ଝିଅ ବିବାହରେ ନୂଆ ଗାଡ଼ିକୁ ଗୋବର ଲେପ ଦେଲେ ଡାକ୍ତର

ନୂଆଦିଲ୍ଲୀ,୭।୧: ଭିନ୍ନ ଭିନ୍ନ ଢଙ୍ଗରେ ବିବାହ କରି ଅନେକ ଲୋକ ଚର୍ଚ୍ଚାରେ ରହିବାକୁ ପସନ୍ଦ କରିଥାଆନ୍ତି। କୋହ୍ଲାପୁରର ନବନାଥ ଦୁଧଲ ନାଁରେ ପରିଚିତ ଜଣେ ଡାକ୍ତର...

ଏବେ ଆସ୍ଥା-ବିଶ୍ୱାସ ଉପରେ ଭରସା: କରୋନାରୁ ମୁକ୍ତିଲାଗି ଝୁଣା ଧୂଆଁ…

ସାହାରାନପୁର,୧୩।୫: ଦେଶରେ କରୋନା ମହାମାରୀ ସଂକ୍ରମଣ ଥମିବାର ନାଁ ଧରୁନି। ପ୍ରତିଦିନ କାରୋନା ଆକ୍ରାନ୍ତ ଏବଂ ମୃତକଙ୍କ ସଂଖ୍ୟା ବଢ଼ିବାରେ ଲାଗିଛି। ହସ୍ପିଟାଲରେ ଭର୍ତ୍ତି ବି...

ଆଖି ସଫା କରୁଛି ମାଙ୍କଡ଼: ଭିଡିଓ ଦେଖିଲେ

ପ୍ରତ୍ୟେକ ଦିନ ସୋସିଆଲ ମିଡିଆରେ କିଛି ନା କିଛି ନୂତନ ଭିଡିଓ ଏବଂ ଫଟୋ ଭାଇରାଲ ହେଉଛି। ସେଥିରୁ କେତେକ ଭିଡିଓ ଏବଂ ଫଟୋ ହସର...

ଭାଲୁ ପ୍ରେମରେ ‘ଭେରା’

ମସ୍କୋ: ମଣିଷ-ପ୍ରାଣୀ ମଧ୍ୟରେ ସମ୍ପର୍କ କାହିଁ କେଉଁ କାଳରୁ ରହିଆସିଛି। ହେଲେ ଯେବେ ଜଙ୍ଗଲୀ ଜନ୍ତୁ କଥା ଉଠେ, ତେବେ ଜଣେ ତା’ ସହ ଭାବ...

Advertisement
Archives

Model This Week