ବ୍ରସେଲ୍ସ,୨୬।୧୦: ଗତ ତିନିବର୍ଷ ମଧ୍ୟରେ ଜମ୍ମୁ-କଶ୍ମୀରରେ ଏକ ବଡ଼ ପରିବର୍ତ୍ତନ ହୋଇଛି। ୟୁରୋପୀୟ ୟୁନିଅନ (ଇୟୁ) ଏହି ଭାରତୀୟ ରାଜ୍ୟର ସ୍ଥିତିକୁ ନେଇ ଅନେକ ସମୟରେ ଉଦବେଗ ପ୍ରକାଶ କରିଆସୁଥିଲା। କିନ୍ତୁ ବର୍ତ୍ତମାନ ଏହା ବଦଳୁଥିବା ପରିସ୍ଥିତିରେ ମଧ୍ୟ ପ୍ରକାଶ ପାଇଛି। ଏହି କାମ କାଶ୍ମୀରର ରାଜନେତାମାନେ ନିଜେ କରୁଛନ୍ତି। ବେଲଜିୟମର ରାଜଧାନୀ ବ୍ରସେଲ୍ସରେ ଆୟୋଜିତ ଏକ ସମ୍ମିଳନୀରେ କଶ୍ମୀରର ଏକ ପ୍ରତିନିଧୀ ଦଳ ଉପତ୍ୟକାରେ ଆସୁଥିବା ସକରାତ୍ମକ ପରିବର୍ତ୍ତନ ବିଷୟରେ ଇୟୁ ଆଇନଜୀବୀଙ୍କୁ ଅବଗତ କରାଇଥିଲେ।
ଗତ ତିନି ବର୍ଷ ମଧ୍ୟରେ ଜମ୍ମୁ-କଶ୍ମୀରରେ କିପରି ପରିବର୍ତ୍ତନ ହୋଇଛି ତାହା କଶ୍ମୀରର ନେତାମାନେ ୟୁରୋପୀୟ ସାଂସଦମାନଙ୍କୁ କହିଥିଲେ। ମୁଖ୍ୟତଃ ମହିଳା ଓ ବାଳିକା ସଶକ୍ତିକରଣ ପାଇଁ କରାଯାଉଥିବା କାର୍ଯ୍ୟ ବିଷୟରେ କଶ୍ମୀରର ପ୍ରତିନିଧୀ ଦଳ ୟୁଏଇ ସଂସଦୀୟ ସଦସ୍ୟମାନଙ୍କୁ ସୂଚନା ଦେଇଛନ୍ତି। ଉପତ୍ୟକାରେ ତୃଣମୂଳ ଗଣତନ୍ତ୍ର କିପରି ମଜବୁତ ହେଉଛି ତାହା କାଶ୍ମୀରର ନେତାମାନେ ଇୟୁ ସାଂସଦଙ୍କୁ କହିଛନ୍ତି।
ବ୍ରସେଲ୍ସରେ କାଶ୍ମୀରରେ ଗଣତାନ୍ତ୍ରିକ ସଶକ୍ତିକରଣ ଶୀର୍ଷକ ଏକ ଆଲୋଚନାଚକ୍ରରେ ଯୋଗଦେଇ କଶ୍ମୀରର ନେତାମାନେ ରାଜ୍ୟର ସଦ୍ୟତମ ପରିସ୍ଥିତି ବିଷୟରେ ଅବଗତ କରାଇଛନ୍ତି।
ୟୁରୋପୀୟ ୟୁନିଅନର ସାଂସଦ ଡାନିଏଲା ରୋଣ୍ଡିନେଲି କଶ୍ମୀର ପ୍ରତିନିଧୀଙ୍କୁ ସ୍ବାଗତ କରି ଶାନ୍ତି ଏବଂ କଥାବାର୍ତ୍ତା ଉପରେ ଗୁରୁତ୍ୱାରୋପ କରିଥିଲେ। ସେ କହିଛନ୍ତି ଯେ ଶାନ୍ତି ଏବଂ ନିରାପତ୍ତା ବଜାୟ ରଖିବା ସହିତ ଉପତ୍ୟକାର ଭବିଷ୍ୟତ ପିଢ଼ି ପାଇଁ ଉଜ୍ଜ୍ୱଳ ଭବିଷ୍ୟତ ଗଠନ ଲାଗି କଶ୍ମୀର ୟୁରୋପୀୟ ୟୁନିଅନ ସହିତ ଘନିଷ୍ଠ ଭାବରେ କାର୍ଯ୍ୟ କରିବାକୁ ଆଗ୍ରହୀ ବୋଲି ସେ କହିଥିଲେ।
