ସମ୍ବଲପୁର,୨୧ା୩(ପ୍ରମୋଦ ବହିଦାର): ଛତିଶଗଡ଼ର ରାୟପୁରଠାରେ ଅୟୋଜିତ ‘କିଡ୍ସ ଷ୍ଟାର ଫେସ ଅଫ୍ ଛତିଶଗଡ଼’ ଫ୍ୟାଶନ ପ୍ରତିଯୋଗିତାରେ ଟାଇଟଲ ହାସଲ କରି ସମ୍ବଲପୁର ପାଇଁ ଗୌରବ ଆଣିଛନ୍ତି ସିଦ୍ଧି ସମ୍ପୂର୍ଣ୍ଣା ନାୟକ।
ପିଲାଟି ବେଳୁ ନୃତ୍ୟ ଓ ମଡେଲିଂ ପ୍ରତି ଆଗ୍ରହ ରଖୁଥିବା ଧନୁପାଲିର ଚୈତନ୍ୟ ନାୟକ ଓ ବିନ୍ଦିଆରାଣୀ ନାୟକଙ୍କ କନ୍ୟା ସିଦ୍ଧି ସମ୍ପୂର୍ଣ୍ଣା ଗୁରୁ ସେହେବାଜ ଖାନଙ୍କ ନିକଟରୁ ମଡେଲିଂ ପ୍ରଶିକ୍ଷଣ ନେଉଛନ୍ତି। ରାୟପୁରର ଏକ ହୋଟେଲରେ ଛତିଶଗଡ଼ର ମମତା ପଟେଲ ଓ ଦଳ ପକ୍ଷରୁ ଆୟୋଜିତ ଏହି ପ୍ରତିଯୋଗିତାର ତିନୋଟି ଯାକ ପ୍ରଶ୍ନୋତ୍ତର ରାଉଣ୍ଡରେ ସେ ଉତ୍ତମ ପ୍ରଦର୍ଶନ କରି ବିଚାରକଙ୍କ ଦୃଷ୍ଟି ଆକର୍ଷଣ କରିଥିଲେ। ସେହିପରି ନୃତ୍ୟ, ବଲିଉଡ଼ ଓ ପାଶ୍ଚାତ୍ୟ ଆଦି ବର୍ଗର ଚାଲିର ପ୍ରଦର୍ଶନ ରାଉଣ୍ଡରେ ସେ କୃତକାର୍ଯ୍ୟ ହୋଇ ଏହି ଟାଇଟଲ ବିଜୟୀ ହୋଇଛନ୍ତି
ପୁରସ୍କାର ବିତରଣୀ ଉତ୍ସବରେ ଛତିଶଗଡ଼ି ସିନେମା ଚାହତର ନାୟକ ଆକାଶ ସୋନୀ ଓ ନାୟିକା ୟସ୍ମିନ ଜୟସ୍ବାଲଙ୍କ ସମେତ ସିନେମା ଲେଖକ ରାଜା ଖାନ, ପ୍ରଯୋଜକ ରିଙ୍କୁ ରାଜା ଓ ଅଭିନେତା ୟାକୁବ୍ ଖାନ ଅତିଥିଭାବେ ଯୋଗଦେଇ ପ୍ରତିଯୋଗୀଙ୍କୁ ପୁରସ୍କୃତ କରିଥିଲେ।
