ମୁମ୍ବାଇ: ବିଗ ବି ଅମିତାଭଙ୍କ ନାତୁଣି ନବ୍ୟା ନଭେଲି ନନ୍ଦା ଓ ଅଭିନେତା ସିଦ୍ଧାନ୍ତ ଚତୁର୍ବେଦୀଙ୍କ ରିଲେସନଶିପକୁ ନେଇ ପୁଣି ଚର୍ଚ୍ଚା ହୋଇଛି । ଉଭୟ ସୋସିଆଲ ମିଡିଆରେ ଖୁବ୍ ଆକ୍ଟିଭ ଥିବା ବେଳେ ଏବେ ଉଭୟଙ୍କ ପୋଷ୍ଟକୁ ନେଇ ଚର୍ଚ୍ଚା ଯୋର ଧରିଛି । ଗୋଟିଏ ପଟେ ସିନ୍ଧାନ୍ତ ବଲିଉଡରେ ପାଦ ରଖି ସାରିଥିବା ବେଳେ ଦର୍ଶକଙ୍କୁ କିଛି ଭଲ ମୁଭି ବି ଭେଟି ଦେଇ ସାରିଲେଣି । ଏପଟେ ନବ୍ୟା ସୋସିଆଲ ମିଡିଆ ସେନସେଶନ ପାଲଟି ଯାଇଛନ୍ତି । ହେଲେ ଏହାରି ଭିତରେ ଉଭୟଙ୍କ ମଧ୍ୟରେ ଥିବା କନେକଶନକୁ ନେଇ ଚର୍ଚ୍ଚା ହେଉଛି । ଏହାସହ ଅନୁମାନ କରାଯାଉଛି କି ଉଭୟଙ୍କ ମଧ୍ୟରେ କିଛି ସମ୍ପର୍କ ରହିଛି ବୋଧହୁଏ ।
ନିକଟରେ ନବ୍ୟା ନଭେଲି ନନ୍ଦା ତାଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରିଥିଲେ । ଯେଉଁଥିରେ ସେ ନୁଡୁଲ୍ସ ବକ୍ସ ସହ ନଜର ଆସିଥିଲେ । ଯେଉଁଥିରେ ସେ କ୍ୟାପଶନରେ ଲେଖିଥିଲେ ‘ଆଜି ନୁଡୁଲ୍ସ ତିଆରି କରିବା’ । ଏହାର କିଛି ସମୟ ପରେ ସିଦ୍ଧାନ୍ତ ଚତୁର୍ବେଦୀଙ୍କ ଇନଷ୍ଟାଗ୍ରାମରେ ଏକ ପୋଷ୍ଟ ଦେଖିବାକୁ ମିଳିଥିଲା । ଯେଉଁଥିରେ ଜଣେ ଯୁବତି ଅଭିନେତାଙ୍କ ଗଳାରେ ଚେନ ପିନ୍ଧାଇ ଦେଉଥିଲେ । ଏହାସହ ସିଦ୍ଧାନ୍ତ କ୍ୟାପଶନରେ ଲେଖିଥିଲେ ‘ଉସକେ ନୁଡୁଲ୍ସ’ । ଏହାପରେ ନବ୍ୟା ଓ ସିଦ୍ଧାନ୍ତଙ୍କ ପୋଷ୍ଟକୁ ଯୋଡି ୟୁଜର୍ସ ଭିନ୍ନ ଭିନ୍ନ ପ୍ରକାର କମେଣ୍ଟ ଦେବା ଆରମ୍ଭ କରିଛନ୍ତି । କେହି ଲେଖିଛି ନ୍ୟୁ କପଲ ତ ପୁଣି କିଏ ହାର୍ଟ ଇମୋଜି ଶେୟାର କରିଛି ।
ସୂଚନାଯୋଗ୍ୟ, ଏହା ପୂର୍ବରୁ ବି ନବ୍ୟା ଓ ସିଦ୍ଧାନ୍ତଙ୍କୁ ନେଇ ଆଲୋଚନା ହୋଇଥିଲେ ମଧ୍ୟ ଏମାନେ ଏହାକୁ ଅଫିସିୟାଲି କିଛି ଘୋଷଣା କରି ନାହାନ୍ତି । ହେଲେ ପୁଣିଥରେ ଯେତେବେଳେ ବଲିଉଡ ନିର୍ଦ୍ଦେଶକ କରନ ଜୋହରଙ୍କ ବାର୍ଥ ଡେ ପାର୍ଟିରେ ଉଭୟଙ୍କୁ ଦେଖିବାକୁ ମିଳିଥିଲା ସେତେବେଳେ ବି ଏମାନଙ୍କ ଯୋଡିକୁ ନେଇ ଭିନ୍ନ ଭିନ୍ନ ଅନୁମାନ କରାଯାଉଥିଲା ।
