ନୂଆଦିଲ୍ଲୀ,୩୦।୭ : ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିବା ଦ୍ୱିତୀୟ ଦିନିକିଆ ମ୍ୟାଚରେ ଟିମ ଇଣ୍ଡିଆକୁ ୬ ୱିକେଟ ହରାଇ ପରାଜୟର ସମ୍ମୁଖୀନ ହେବାକୁ ପଡିଛି। ପ୍ରଥମ ୱିକେଟ ପାଇଁ ଶୁଭମାନ ଗିଲ ଏବଂ ଇଶାନ କିଶାନଙ୍କ ଓପନିଂ ଯୋଡି ଭାରତ ପାଇଁ ମ୍ୟାଚ ଆରମ୍ଭ ଭଲ ଥିଲା। କିନ୍ତୁ ତା’ପରେ, ସମଗ୍ର ଦଳ ପରବର୍ତ୍ତୀ ୯୧ ରନ ମଧ୍ୟରେ ପାଭିଲିୟନ ଫେରିଥିଲେ। ତେବେ ଏହି ମ୍ୟାଚରେ ଓପନର୍ ଶୁଭମାନ ତାଙ୍କ ଏକଦିବସୀୟ କ୍ୟାରିୟର ଆଧାରରେ ପାକିସ୍ତାନୀ ଅଧିନାୟକ ବାବର ଆଜାମଙ୍କୁ ପଛରେ ପକାଇ ଦେଇଛନ୍ତି।
ଭାରତୀୟ ଓପନର୍ ଶୁଭମାନ ଗିଲ ଏପର୍ଯ୍ୟନ୍ତ ଭାରତ ପାଇଁ ୨୬ ଟି ଏକଦିବସୀୟ ଖେଳିଛନ୍ତି। ଏହି ସମୟ ମଧ୍ୟରେ ସେ ହାରାହାରି ୬୧.୪୫ ହାରରେ ୧୦୪.୮୯ ଷ୍ଟ୍ରାଇକ ରେଟରେ ୧୩୫୨ ରନ ସ୍କୋର କରିଛନ୍ତି। ଏହି ସମୟ ମଧ୍ୟରେ ସେ ୪ ଶତକ ଏବଂ ଗୋଟିଏ ଡବଲ ଶତକ ସ୍କୋର କରିଛନ୍ତି। ୱେଷ୍ଟଇଣ୍ଡିଜ ସହିତ ଖେଳାଯାଇଥିବା ଦ୍ୱିତୀୟ ଦିନିକିଆ ମ୍ୟାଚରେ ଗିଲ ୩୪ (୪୯) ରନ ସଂଗ୍ରହ କରି ୨୬ ଟି ଏକ ଦିବସୀୟ ଇନିଂସରେ ସର୍ବାଧିକ ରନ ସ୍କୋରର୍ ହୋଇଥିଲେ। ଏପରି କରି ସେ ବାବର ଆଜାମଙ୍କୁ ପଛରେ ପକାଇ ଦେଇଛନ୍ତି।
ତାଲିକା ଅନୁସାରେ ଶୁବମାନ ଗିଲ ୧୩୫୨ ରନ, ବାବର ଆଜାମ ୧୩୨୨ ରନ, ଜୋନାଥନ ଟ୍ରଟ ୧୩୦୩ ରନ, ଫଖର ଜମାନ ୧୨୭୫ ରନ ସ୍କୋର କରିଛନ୍ତି।
ୱେଷ୍ଟଇଣ୍ଡିଜ ଗସ୍ତରେ ଶୁଭମାନ ଗିଲଙ୍କ ବ୍ୟାଟ ଏପର୍ଯ୍ୟନ୍ତ କୌଣସି ବିଶେଷ ରନ ସ୍କୋର କରିପାରି ନାହିଁ। ତେବେ ଦ୍ୱିତୀୟ ଦିନିକିଆରେ ସେ ୩୪ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳି ଇଶାନ କିଶନଙ୍କ ସହ ପ୍ରଥମ ୱିକେଟ ପାଇଁ ୯୦ ରନ ଯୋଡିଥିଲେ। ତାଙ୍କ ଇନିଂସ ସହାୟତାରେ ଗିଲ ଅନ୍ତର୍ଜାତୀୟ କ୍ରିକେଟରେ ୨୫୦୦ ରନ ପୂରଣ କରିଛନ୍ତି। ସେ ଏପର୍ଯ୍ୟନ୍ତ ୧୮ ଟି ଟେଷ୍ଟ, ୨୬ ଟି ଏକଦିବସୀୟ ଏବଂ ୬ ଟି -୨୦ ଖେଳିଛନ୍ତି, ଯେଉଁଥିରେ ସେ ଯଥାକ୍ରମେ ୯୬୬, ୧୩୫୨ ଏବଂ ୨୦୨ ରନ ସ୍କୋର କରିଛନ୍ତି।
