ମୁମ୍ବାଇ: ୨୦୧୮ରେ ରିଲିଜ ହୋଇଥିବା କ୍ରାଇମ୍ ଥ୍ରୀଲର ଫିଲ୍ମ ‘ଅନ୍ଧାଧୂନ’କୁ ଅନେକ ଦର୍ଶକ ପ୍ରଶଂସା କରିଥିଲେ। ଏହି ଫିଲ୍ମରେ ଅଭିନେତ୍ରୀ ତବୁଙ୍କ ନେଗେଟିଭ ଚରିତ୍ରକୁ ସିନେ ସମୀକ୍ଷକଙ୍କଠାରୁ ଆରମ୍ଭ କରି ସାଧାରଣ ଲୋକେ ଖୁବ ପସନ୍ଦ କରିଥିଲେ। ‘ଅନ୍ଧାଧୂନ’ର ତେଲୁଗୁ ରିମେକ୍ ହେବାକୁ ଯାଉଥିବାବେଳେ ସେଥିରେ ଅଭିନେତ୍ରୀ ଶ୍ରୀୟା ସରନଙ୍କୁ ଦେଖିବାକୁ ମିଳିବ ବୋଲି ଚର୍ଚ୍ଚା ଚାଲିଛି। ତବୁଙ୍କ ଭୂମିକାରେ ସେ ନଜର ଆସିବେ । ସେହିପରି ଅଭିନେତା ନୀତୀନ ଆୟୁଷ୍ମାନ ଖୁରାନାଙ୍କ ଭୂମିକା ନିର୍ବାହ କରିବେ। ଏନ୍. ସୁଧାକର ରେଡ୍ଡି ଏବଂ ନିକିତା ରେଡ୍ଡି ଏହାର ପ୍ରଯୋଜନା କରୁଛନ୍ତି। ଅବଶ୍ୟ ଫିଲ୍ମର ଟାଇଟଲ କ’ଣ ରହିବ ତାହା ଜଣାପଡ଼ି ନାହିଁ । ଏହି ଫିଲ୍ମରେ ପୂର୍ବରୁ ନୟନତାରା, ଅନସୂୟା ଭରଦ୍ୱାଜ୍, ରମ୍ୟା କ୍ରିଷ୍ଣନ୍, ଇଲିୟାନାଙ୍କୁ ରୋଲ ମିଳିବ ବୋଲି ଶୁଣାଯାଉଥିଲା। କିନ୍ତୁ ୩୭ବର୍ଷୀୟା ଶ୍ରୀୟାଙ୍କୁ ଏହି ଫିଲ୍ମ ପାଇଁ ଗ୍ରୀନ୍ ସିଗ୍ନାଲ ମିଳିଯାଇଛି। ନୂଆ ରୋଲ୍ରେ ନଜର ଆସୁଥିବାରୁ ଶ୍ରୀୟ ଏଥିପାଇଁ ବହୁତ ଖୁସି ଅଛନ୍ତି ବୋଲି ନିଜ ଇନ୍ଷ୍ଟାରେ ପୋଷ୍ଟ କରି ଜଣାଇଛନ୍ତି। ତେବେ ଦେଖିବାକୁ ବାକି ରହିଲା ନେଗେଟିଭ୍ କ୍ୟାରେକ୍ଟରରେ ଶ୍ରୀୟା ଦର୍ଶକଙ୍କ ହୃଦୟ କିଣିପାରୁଛନ୍ତି କି ନାହିଁ। ଅନ୍ୟପଟେ ନୀତୀନଙ୍କର ମଧ୍ୟ ବହୁ ଫ୍ୟାନ୍ ଅଛନ୍ତି। ‘ଅନ୍ଧାଧୂନ’ ଫିଲ୍ମ ୩ଟି ଜାତୀୟ ପୁରସ୍କାର ହାସଲ କରିଥିବାବେଳ ଆୟୁଷ୍ମାନ ବେଷ୍ଟ ଆକ୍ଟର ଏବଂ ବେଷ୍ଟ ସ୍କ୍ରିନ ପ୍ଲେୟାର ଆଓ୍ବାର୍ଡ ପାଇଥିଲେ। ତେବେ ତେଲୁଗୁ ରିମେକ୍ରେ ନୀତୀନ ଶତପ୍ରତିଶତ ଆକ୍ଟିଂ କରିବାକୁ ସମର୍ଥ କି ନାହିଁ ତାହା ତ ଫିଲ୍ମ ଆସିଲେ ଜଣାପଡ଼ିବ। ୱାର୍କଫ୍ରଣ୍ଟ କଥା କହିବାକୁ ଗଲେ ଶ୍ରୀୟାଙ୍କୁ ଆଗକୁ ଏସ .ଏସ. ରାଜମୌଲିଙ୍କ ‘ଆର୍ଆର୍ଆର୍’ରେ ଅଭିନେତା ଅଜୟ ଦେବଗନଙ୍କ ବିପକ୍ଷରେ ଏକ କ୍ଷୁଦ୍ର ଭୂମିକାରେ ମଧ୍ୟ ଦେଖିବାକୁ ମିଳିବ।
