ନୂଆଦିଲ୍ଲୀ,୧୮।୧୧: ୨୦୨୩ ବିଶ୍ୱକପରେ ଧୂଆଁଧାର ପ୍ରଦର୍ଶନ କରିଥିବା ଟିମ୍ ଇଣ୍ଡିଆ ଫାଇନାଲରେ ପହଞ୍ଚିଛି। ବିରାଟ କୋହଲି, ରୋହିତ ଶର୍ମା, ମହମ୍ମଦ ଶାମିଙ୍କ ପରି ଶ୍ରେୟସ ଆୟର ମଧ୍ୟ ତାଙ୍କ ଜବରଦସ୍ତ ଫର୍ମକୁ ନେଇ ଚର୍ଚ୍ଚାରେ ଅଛନ୍ତି। ତେବେ ନିକଟରେ ଶତକର ସର୍ଦ୍ଦାର ବିରାଟ କୋହଲି ଓ ଅନୁଷ୍କା ଶର୍ମାଙ୍କ ଷ୍ଟାଡିୟମର ରୋମାଣ୍ଟିକ ସିନ ଭାଇରାଲ ହେଉଥିବା ବେଳେ ଷ୍ଟାର କ୍ରିକେଟର ଶ୍ରେୟସ ଆୟରଙ୍କ ମିଷ୍ଟ୍ରି ଗାର୍ଲକୁ ନେଇ ସୋସିଆଲ ମିଡିଆରେ ଚର୍ଚ୍ଚା ଜୋର ଧରିଛି।
ଶ୍ରେୟସଙ୍କ ଫିଲ୍ଡରେ କରିଥିବା ଆକ୍ସନକୁ ନେଇ ଯେପରି ଚର୍ଚ୍ଚା ହେଉଛି ସେହିପରି ତାଙ୍କର ଅଫ ଫିଲ୍ଡ ସିନ୍କୁ ନେଇ ଖୁବ୍ ଚର୍ଚ୍ଚା ହେବାରେ ଲାଗିଛି। ଏହି ମିଷ୍ଟ୍ରି ଗାର୍ଲଙ୍କ ସହ ଆୟରଙ୍କ ଫଟୋ ଭାଇରାଲ ହେଉଛି। ସୋସିଆଲ ମିଡିଆରେ ଭାଇରାଲ ହେଉଥିବା ଏହି ଯୁବତୀଙ୍କୁ ଷ୍ଟାଡିୟମରେ ଟିମ ଇଣ୍ଡିିଆ ମ୍ୟାଚରେ ମଧ୍ୟ ସ୍ପଟ୍ କରାଯାଇଛି। ଗୋଟିଏ ମ୍ୟାଚରେ ସେ ଭାରତୀୟ ଟିମର ଅଧିନାୟକ ରୋହିତ ଶର୍ମାଙ୍କ ସ୍ତ୍ରୀ ରିତିକାଙ୍କ ସହ ଷ୍ଟାଡିୟମରେ ବସିଥିଲେ। ଟିମ୍ ଇଣ୍ଡିଆର ଦିଓ୍ବାଲି ସେଲିବ୍ରେଶନରେ ମଧ୍ୟ ସେ ନଜର ଆସିଥିଲେ। ଗ୍ରୁପ ଫଟୋ ସହ ଡିନରରେ ମଧ୍ୟ ସେ ଆୟରଙ୍କ ସହ ଫଟୋ କ୍ଲିକ କରିଥିଲେ। ତେବେ ସେ ଆୟରଙ୍କ ଗର୍ଲଫ୍ରେଣ୍ଡ ବୋଲି ସୋସିଆଲ ମିଡିଆରେ ଚର୍ଚ୍ଚା ହେଉଛି।
ଆୟରଙ୍କ ଏହି ମିଷ୍ଟ୍ରି ଗାର୍ଲ ହେଲେ ତ୍ରିଶା କୁଲକର୍ଣ୍ଣି। ତ୍ରିଶା ସବୁବେଳେ ଲାଇମ ଲାଇଟ୍ ଠାରୁ ଦୂରରେ ରୁହନ୍ତି। ଇନଷ୍ଟ୍ରାଗ୍ରାମରେ ତାଙ୍କର ଏକ ଆକାଉଣ୍ଟ ଅଛି କିନ୍ତୁ ତାହା ପ୍ରାଇଭେଟ ରହିଛି। ଏହି ଆକାଉଣ୍ଟକୁ ଶ୍ରେୟସ ଫଲୋ ମଧ୍ୟ କରିଛନ୍ତି। ଆୟରଙ୍କ ଭଉଣୀ ଶ୍ରେଷ୍ଠା ମଧ୍ୟ ଏହି ଆକାଉଣ୍ଟକୁ ଫଲୋ କରିଛନ୍ତି। କିଛିଦିନ ପୂବରୁ ଦୁହିଁଙ୍କୁ ଶାର୍ଦ୍ଦୁଳ ଠାକୁର ଓ ତାଙ୍କ ସ୍ତ୍ରୀଙ୍କ ସହ ଡିନର ପାର୍ଟିରେ ଦେଖାଯାଇଥିଲା। ତାଙ୍କ ଭିଡିଓ ଖୁବ୍ ଭାଇରାଲ ହେଉଛି ଯାହାକୁ ନେଇ ସେମାନେ ରିଲେଶନସିପରେ ଥିବାନେଇ ଚର୍ଚ୍ଚା ହେଉଛି।
