Advertisement

ଶ୍ରଦ୍ଧାଞ୍ଜଳି, ଖଗେଶ୍ୱର, ଅକ୍ଷୟଙ୍କୁ ମୁହାଁମୁହିଁ ଜେରା

ଭୁବନେଶ୍ୱର,୨।୧୧(ବ୍ୟୁରୋ): ବହୁଚର୍ଚ୍ଚିତ ମହିଳା ବ୍ଲାକ୍‌ମେଲର୍‌ ଅର୍ଚ୍ଚନା ନାଗଙ୍କ ବେଆଇନ ଆର୍ଥିକ କାରବାରର ରହସ୍ୟ ଖୋଜୁଛି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି)। ରାଜ୍ୟର ଏହି ବଡ଼ ହନିଟ୍ରାପ ମାମଲାରେ ଶ୍ରଦ୍ଧାଞ୍ଜଳି ବେହେରା ହିଁ ମୋହରା ସାଜିଥିଲେ। ଶ୍ରଦ୍ଧାଞ୍ଜଳିଙ୍କୁ ଅର୍ଚ୍ଚନା ବ୍ୟବହାର କରି ବଡ଼ବଡ଼ିଆଙ୍କୁ ମାୟାଜାଲରେ ଫସାଉଥିଲେ। ତେଣୁ ବୁଧବାର ଶ୍ରଦ୍ଧାଞ୍ଜଳି, ରିମାଣ୍ଡରେ ଥିବା ଅର୍ଚ୍ଚନାଙ୍କ ବିଜ୍‌ନେସ୍‌ ପାର୍ଟନର୍‌ ଖଗେଶ୍ୱର ଏବଂ ହନିଟ୍ରାପରେ ଫସିଥିବା ଚଳଚ୍ଚିତ୍ର ପ୍ରଯୋଜକ ଅକ୍ଷୟ ପରିଜାଙ୍କୁ ଇଡି ନୟାପଲ୍ଲୀସ୍ଥିତ ଆଞ୍ଚଳିକ କାର୍ଯ୍ୟାଳୟରେ ବ୍ୟକ୍ତିଗତ ଭାବେ ଜେରା କରି ବହୁ ତଥ୍ୟ ହାସଲ କରିଛି। ଏଥିସହ ଇଡି ଅଧିକାରୀମାନେ ସମସ୍ତଙ୍କୁ ଏକାଠି ବସାଇ ତ୍ରିକୋଣୀୟ ଜେରା କରିଥିବା ସୂଚନା ମିଳିଛି।

ସକାଳ ପ୍ରାୟ ୮ଟାରେ ଇଡି କାର୍ଯ୍ୟାଳୟରେ ଶ୍ରଦ୍ଧାଞ୍ଜଳି ପହଞ୍ଚତ୍ଥିଲେ। ଏହା ପୂର୍ବରୁ ଗଣମାଧ୍ୟମର ପ୍ରତିନିଧିମାନେ ସେଠାରେ ଜଗି ରହିଥିଲେ। ସେ କାର୍‌ରୁ ବାହାରିମାତ୍ରେ ସେମାନେ ବିଭିନ୍ନ ପ୍ରଶ୍ନ ପଚାରିଥିଲେ। ହେଲେ ଶ୍ରଦ୍ଧାଞ୍ଜଳି କିଛି ନ କହି ଇଡି ଅଫିସ୍‌ ଭିତରକୁ ଚାଲିଯାଇଥିଲେ। ସେତେବେଳେ ସେ ଏକ ସ୍କାର୍ପ ବାନ୍ଧିଥିବାରୁ ତାଙ୍କ ମୁହଁ ଦିଶୁ ନ ଥିଲା। ଏହା ପରେ ଅର୍ଥାତ ପୂର୍ବାହ୍ନ ୧୦ଟାରେ ଇଡି ଅଫିସରେ ଚଳଚ୍ଚିତ୍ର ପ୍ରଯୋଜକ ଅକ୍ଷୟ ପରିଜା ପହଞ୍ଚତ୍ଥିଲେ। ମଙ୍ଗଳବାର ମଧ୍ୟ ସେଠାରେ ତାଙ୍କୁ ୮ ଘଣ୍ଟା ଜେରା କରାଯାଇଥିଲା। ବୁଧବାର ଇଡି ଅଧିକାରୀମାନେ ପ୍ରଥମେ ଶ୍ରଦ୍ଧାଞ୍ଜଳୀ ଏବଂ ଅକ୍ଷୟଙ୍କୁ ମୁହଁାମୁହିଁ ଜେରା କରିଥିଲେ। ଏଥିସହ ରିମାଣ୍ଡରେ ଥିବା ଖଗେଶ୍ୱରଙ୍କ ସହ ସେମାନଙ୍କୁ ବସାଇ ତ୍ରିକୋଣୀୟ ଜେରା କରାଯାଇଥିଲା। ଅକ୍ଷୟ ପରିଜାଙ୍କୁ ଶ୍ରଦ୍ଧାଞ୍ଜଳି କେମିତି ଚିହ୍ନିଥିଲେ, ହନିଟ୍ରାପରେ କେବେଠୁ ବ୍ୟବହାର ହେଉଥିଲେ ଶ୍ରଦ୍ଧାଞ୍ଜଳି, ଏଥିପାଇଁ ଅର୍ଚ୍ଚନା ତାଙ୍କୁ କେତେ ଟଙ୍କା ଦେଉଥିଲେ, ଅର୍ଚ୍ଚନାଙ୍କ ଆର୍ଥିକ କାରବାର ପଛର ସତ୍ୟତା କ’ଣ, କେଉଁ ଆଧାରରେ ସମ୍ପତ୍ତି ଅର୍ଜନ କଲେ ନାଗଚାନ୍ଦ ଦମ୍ପତି, ଶ୍ରଦ୍ଧାଞ୍ଜଳିଙ୍କୁ ଅକ୍ଷୟ କେତେ ଟଙ୍କା ଦେଇଛନ୍ତି, କେଉଁ ବଡ଼ବଡ଼ିଆମାନେ ହନିଟ୍ରାପରେ ଫସି ଟଙ୍କା ଦେଇଛନ୍ତି, ଅର୍ଚ୍ଚନାଙ୍କ ପାଖକୁ କାହା ମାଧ୍ୟମରେ ଆସୁଥିଲା ଟଙ୍କା? ଇଡି ପକ୍ଷରୁ ୩ଜଣଙ୍କୁ ଏଭଳି ଏକାଧିକ ପ୍ରଶ୍ନ ପଚରାଯାଇ ପ୍ରକୃତ ସତ ଓ ତଥ୍ୟ ପାଇବାକୁ ଚେଷ୍ଟା କରିଥିଲେ ଇଡି ଅଧିକାରୀ। ରାତି ପ୍ରାୟ ୧୦ଟାରେ ଅକ୍ଷୟ ଓ ଶ୍ରଦ୍ଧାଞ୍ଜଳି ଇଡି କାର୍ଯ୍ୟାଳୟରୁ ବାହାରିଥିଲେ। ଶ୍ରଦ୍ଧାଞ୍ଜଳି ଗଣମାଧ୍ୟମ ଆଗରେ କିଛି ମୁହଁ ଖୋଲି ନ ଥିଲାବେଳେ ଅକ୍ଷୟ କହିଥିଲେ, ଇଡି ଯାହା ପଚାରିଥିଲେ ସବୁ ତଥ୍ୟ ଦେଇଛି। ମୋତେ ନ୍ୟାୟ ମିଳିବା ନେଇ ମୁଁ ଆଶାବାଦୀ ବୋଲି ସେ କହିଛନ୍ତି।

ଅନ୍ୟପକ୍ଷରେ ଏହି ହନିଟ୍ରାପ ମାମଲାରେ ସବୁଠୁ ବଡ଼ ରହସ୍ୟ ଲୁଚି ରହିଛି ଅର୍ଚ୍ଚନାଙ୍କ ପାଖରେ। ତେଣୁ ଅର୍ଚ୍ଚନାଙ୍କୁ ଜେରା କରି ଇଡି ବହୁ ତଥ୍ୟ ହାସଲ କରିବ। ସେ ଏବେ ଝାରପଡ଼ା ଜେଲରେ ଥିବାରୁ ଗୁରୁବାର ତାଙ୍କୁ ରିମାଣ୍ଡ ଆଣିବାକୁ ଇଡି ଯୋଜନା କରୁଛି। ରିମାଣ୍ଡ ସମୟରେ ସମାନ ଭାବେ ଶ୍ରଦ୍ଧାଞ୍ଜଳି ଓ ଅକ୍ଷୟ ପରିଜାଙ୍କୁ ବସାଇ ମୁହଁାମୁହିଁ ଜେରା କରିବାକୁ ଯୋଜନା ଚାଲିଥିବା ଜଣାପଡ଼ିଛି। ସେପଟେ ଖଗେଶ୍ୱରଙ୍କ ଦ୍ୱିତୀୟ ପର୍ଯ୍ୟାୟ ରିମାଣ୍ଡ ଅବଧି ଗୁରୁବାର ସରୁଛି। ପ୍ରଥମେ ଖଗେଶ୍ୱର ୧୦ଦିନିଆ ରିମାଣ୍ଡରେ ଆସିଥିବାବେଳେ ସୋମବାରଠାରୁ ପୁଣି ୩ଦିନିଆ ରିମାଣ୍ଡରେ ଆସିଛନ୍ତି। ଗୁରୁବାର ତାଙ୍କୁ କୋର୍ଟରେ ହାଜର କରି ପୁଣିଥରେ ରିମାଣ୍ଡ ଲାଗି ଆବେଦନ କରିପାରେ ବୋଲି ସୂଚନା ମିଳିଛି।

ଭାଇରାଲ୍‌ ହେଉଛି ଶ୍ରଦ୍ଧାଞ୍ଜଳିଙ୍କ ରିଲ୍ସ ଭିଡିଓ
ବ୍ଲାକ୍‌ମେଲର ଅର୍ଚ୍ଚନା ନାଗଙ୍କ କଳାସାମ୍ରାଜ୍ୟର ଅନ୍ୟତମ ଅଭିଯୁକ୍ତ ତଥା ହନିଟ୍ରାପ୍‌ ଘଟଣାର ମୋହରା ହେଉଛନ୍ତି ଶ୍ରଦ୍ଧାଞ୍ଜଳି। ତାଙ୍କର ଅଭିନୟ ପ୍ରତି ବହୁତ ଆଗ୍ରହ ଥିଲା। ଏପରି କି ସିନେମାରେ ମଧ୍ୟ ଅଭିନୟ କରିବାକୁ ଚାହିଁ ରହିଥିଲେ। ଏଥିପାଇଁ ସେ ଚଳଚ୍ଚିତ୍ର ପ୍ରଯୋଜକ ଅକ୍ଷୟ ପରିଜାଙ୍କୁ ମଧ୍ୟ ନିବେଦନ କରିଥିଲେ। ଗୁରୁବାର ତାଙ୍କୁ ଇଡି ଅଫିସ୍‌ରେ ଜେରା ଚାଲିଥିବାବେଳେ ସୋସିଆଲ ମିଡିଆରେ ତାଙ୍କର କିଛି ଭିଡିଓ ବେଶ୍‌ ଭାଇରାଲ ହୋଇଥିଲା। ସେ ଭିନ୍ନ ଭିନ୍ନ ଭଙ୍ଗୀରେ ନାଚ ସହ ଅଭିନୟ କରୁଥିବା ମଧ୍ୟ ଉକ୍ତ ଭିଡିଓରେ ଦେଖିବାକୁ ମିଳୁଛି। ଏକ ଭିଡିଓରେ ତାଙ୍କ ସହ ନାଚୁଥିବା ଲମ୍ବା ନିଶ ଓ ହଳଦିଆ ପୋଷାକ ପିନ୍ଧିଥିବା କଳାକାର ଜଣକ କିଏ? ତାଙ୍କର ଅର୍ଚ୍ଚନାଙ୍କ କଳା ସାମ୍ରାଜ୍ୟ ସହ ଲିଙ୍କ୍‌ ରହିଛି କି ନାହିଁ ତାହାକୁ ନେଇ ନାନା ଚର୍ଚ୍ଚା ଚାଲିଛି।


Enter your email to get our daily news in your inbox.

All Right Reserved By Dharitri.Com

‘ଆମେ ନେବୁନି କି କାହାକୁ ନେବାକୁ ଦେବୁନି’

ଛତ୍ରପୁର,୫।୫(ଡି.ଏନ୍‌.ଏ. )- ଗଞ୍ଜାମ ଜ଼ିଲା ଛତ୍ରପୁର ଏନ୍‌ଏସି ଅଧ୍ୟକ୍ଷା, ଉପାଧ୍ୟକ୍ଷା ଓ କାଉନସିଲରମାନଙ୍କୁ ଗୁରୁବାର ଜ଼ିଲାପାଳ ବିଜୟ ଅମୃତା କୁଲାଙ୍ଗେ ବିକାଶର ମନ୍ତ୍ର ଦେଇଛନ୍ତି। ‘ଆମେ...

ଭାଜପା ଭଳି ବିଜେଡି ରାଜନୀତିକରଣ କରିବାରେ ବିଶ୍ୱାସ କରେ ନାହିଁ: ସସ୍ମିତ

ଭୁବନେଶ୍ୱର,୨୫।୧(ବ୍ୟୁରୋ): ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦର ଛାତ ଭୁଶୁଡ଼ିବା ଘଟଣା ଦୁର୍ଭାଗ୍ୟଜନକ। ଏହାକୁ ଏଡ଼ାଯାଇ ପାରିଥାନ୍ତା। ଅଘଟଣ ଯୋଗୁ ଜଣଙ୍କର ମୃତ୍ୟୁ ଘଟିଥିବା ବେଳେ ଏକାଧିକ...

ଯୁବକଙ୍କୁ ପିଟିପିଟି ହତ୍ୟା: ପୋଲିସ ହାତରେ ହତ୍ୟାକାଣ୍ଡର ଭିଡିଓ

ଭଦ୍ରକ ଅଫିସ,୨ା୧୦: ଭଦ୍ରକ ଗ୍ରାମାଞ୍ଚଳ ଥାନା ବଗମରା ଆଦିବାସୀ ସାହିରେ ଜଣେ ଯୁବକଙ୍କୁ ପିଟି ପିଟି ହତ୍ୟା କରାଯାଇଛି। ମୃତକ ଜଣକ ହେଲେ କଟିଆ ମୁର୍ମୁ।...

‘କାଳିଆ ଟଙ୍କା ଆଦାୟ ସମ୍ପୂର୍ଣ୍ଣ ସ୍ଥଗିତ ହେଉ’

ଭୁବନେଶ୍ୱର,୧୧।୮ (ବ୍ୟୁରୋ): ଗତ ମାସରେ ରାଜ୍ୟ ସରକାରଙ୍କ କୃଷି ବିଭାଗ କାଳିଆ ଟଙ୍କା ହାତେଇଥିବା ଅଯୋଗ୍ୟ ହିତାଧିକାରୀମାନଙ୍କଠାରୁ ଅର୍ଥ ଆଦାୟ ସକାଶେ ଜିଲା କୃଷି ଅଧିକାରୀମାନଙ୍କୁ...

ଡିସିପିଙ୍କୁ ଭେଟି ନ୍ୟାୟ ମାଗିଲେ ପରିବାରବର୍ଗ

ଭୁବନେଶ୍ୱର, ୧୧।୫(ବ୍ୟୁରୋ): ରାଜଧାନୀର ଇନ୍‌ଫୋସିଟି ଥାନା ଅନ୍ତର୍ଗତ ନନ୍ଦନବିହାରରେ ରହୁଥିବା ମଡେଲ ସୌମ୍ୟ ରଞ୍ଜନ ପାଣିଗ୍ରାହୀଙ୍କ ଆତ୍ମହତ୍ୟା ମାମଲା କମିଶନରେଟ ପୋଲିସ ପାଇଁ ଚିନ୍ତାର ବିଷୟ...

ବିଜୟ ମୁହାଁ ବିଜେଡି: ତିର୍ତ୍ତୋଲରେ ୩୭ହଜାରରୁ ଅଧିକ ଭୋଟରେ ଆଗୁଆ; ବାଲେଶ୍ୱରରେ ଗଣତି ଶେଷ

ଭୁବନେଶ୍ୱର,୧୦।୧୧(ବ୍ୟୁରୋ): ବାଲେଶ୍ୱର ଓ ତିର୍ତ୍ତୋଲ ବିଧାନସଭା ଉପନିର୍ବାଚନ ପାଇଁ ଗଣତି ଜାରି ରହିଛି। ଉଭୟ ଆସନରେ ଭାଜପାକୁ ପଛରେ ପକାଇଛି ବିଜେଡି। ତିର୍ତ୍ତୋଲ ବିଧାନସଭାରେ ୨୫...

୨.୨୬ ଲକ୍ଷ ପଦବୀ ଖାଲି

ଭୁବନେଶ୍ୱର, ୩୦।୭(ବ୍ୟୁରୋ): ଓଡ଼ିଶାର ବିଭିନ୍ନ ସରକାରୀ କାର୍ଯ୍ୟାଳୟରେ ୨ ଲକ୍ଷ ୨୬ ହଜାର ପଦବୀ ଖାଲି ପଡ଼ିଛି। ବିକାଶର ଡିଣ୍ଡିମ ପିଟୁଥିବା ରାଜ୍ୟ ସରକାର ବେକାର...

ଦୁର୍ଦ୍ଦିନରେ ୫୦୦ ବୁଣାକାର ପରିବାର

ଖୋର୍ଦ୍ଧା ଅଫିସ,୨୧ା୩: କରୋନା ମହାମାରୀ ଯୋଗୁ ଏକ ବର୍ଷ ହେବ ଖୋର୍ଦ୍ଧା ଜିଲା ବେଗୁନିଆ ଏବଂ ବୋଲଗଡ଼ ବ୍ଲକର ୫୦୦ରୁ ଊର୍ଦ୍ଧ୍ୱ ବୁଣାକାରଙ୍କ ପରିବାର ହାତ...

Advertisement
Archives

Model This Week