ସଦସ୍ୟ ଅଭାବ: ଚାଲିପାରୁନି ସେଲ୍‌ସ ଟ୍ୟାକ୍ସ ଟ୍ରିବ୍ୟୁନାଲ

କଟକ ଅଫିସ ୧୨ା୯: ଅଧିକାରୀ ଏବଂ କର୍ମଚାରୀ ଅଭାବରୁ ରାଜ୍ୟ ଅର୍ଥ ବିଭାଗ ଅଧୀନରେ ଥିବା ବିକ୍ରିକର ନ୍ୟାୟାଧିକରଣ(ସେଲ୍‌ସ ଟ୍ୟାକ୍ସ ଟ୍ରିବ୍ୟୁନାଲ) ଦୀର୍ଘ ଦିନ ହେବ ଅଚଳାବସ୍ଥାରେ ରହିଛି। ଫଳରେ ଏଥିରେ ବିଚାର ଅପେକ୍ଷାରେ ଥିବା ମାମଲା ସଂଖ୍ୟା ଦିନକୁ ଦିନ ବୃଦ୍ଧି ପାଇବା ସଙ୍ଗେ ସଙ୍ଗେ ରାଜ୍ୟ ସରକାରଙ୍କ ରାଜସ୍ବ କ୍ଷତି ମଧ୍ୟ ହେଉଛି। ଯାହାକି କଳାବଜାରି କରି ଟିକସ ଫାଙ୍କୁଥିବା ମୁନାଫାଖୋର ବ୍ୟବସାୟୀଙ୍କୁ ବେଶ୍‌ ସୁହାଉଛି। କଟକ ବାଣିଜ୍ୟକର ଭବନଠାରେ କାର୍ଯ୍ୟକ୍ଷମ ଥିବା ଏହି ସେଲ୍‌ସ ଟ୍ୟାକ୍ସ ଟ୍ରିବ୍ୟୁନାଲର ପୂର୍ଣ୍ଣ ବେଞ୍ଚର କ୍ଷମତା ହେଉଛି ୩। ସେମାନଙ୍କ ମଧ୍ୟରେ ଜଣେ ଅଧ୍ୟକ୍ଷ, ଜଣେ ଆକାଉଣ୍ଟସ୍‌ ମେମ୍ବର ଏବଂ ଅନ୍ୟ ଜଣେ ଜୁଡିସିଆଲ ମେମ୍ବର ରହିବା କଥା। ହେଲେ ଏଠାରେ ଅଧ୍ୟକ୍ଷ ଥିବା ଅଶାନ୍ତ କୁମାର ଦାସଙ୍କ ଗତ ଅଗଷ୍ଟ ୨୩ରୁ ଅନ୍ୟତ୍ର ବଦଳି ହୋଇଯାଇଛି। ସେହିପରି ଆକାଉଣ୍ଟସ୍‌ ମେମ୍ବର ଏବଂ ଜୁଡିସିଆଲ୍‌ ମେମ୍ବର ଅବସର ନେଇଥିବାରୁ ସେମାନଙ୍କ ସ୍ଥାନରେ ଆଉ କେହି ଅବସ୍ଥାପିତ ହୋଇନ ଥିବାରୁ ପୂର୍ଣ୍ଣ ବେଞ୍ଚ ବସିପାରୁ ନାହିଁ। ସେହିପରି ଡିଭିଜନ ବେଞ୍ଚ ପାଇଁ ୩ଜଣ ଆକାଉଣ୍ଟସ ମେମ୍ବର ଓ ୩ଜଣ ଜୁଡିସିଆଲ ମେମ୍ବର ରହିବାର ନିୟମ ଥିବାବେଳେ ସରକାର ଆବଶ୍ୟକ ସଂଖ୍ୟକ ମେମ୍ବର ନିଯୁକ୍ତି କରୁ ନ ଥିବାରୁ ତାହା ମଧ୍ୟ କାର୍ଯ୍ୟକ୍ଷମ ହୋଇପାରୁନାହିଁ। ଫଳରେ ଏଠାରେ ଥିବା ମାମଲାର ବିଚାର ହେବାରେ ବିଳମ୍ବ ହେବାସହ ସରକାର ବ୍ୟାପକ ରାଜସ୍ବ କ୍ଷତିର ସମ୍ମୁଖୀନ ହେଉଛନ୍ତି।
ଅନୁସନ୍ଧାନରୁ ଜଣାଯାଇଛି, ଜୁଡିସିଆଲ ମେମ୍ବର ୩ଜଣଙ୍କ ମଧ୍ୟରୁ ୨ଜଣ ଥିବାବେଳେ ଗୋଟିଏ ପଦବୀ ଖାଲି ରହିଛି। ସେହିପରି ଆକାଉଣ୍ଟସ ମେମ୍ବର ୩ ମଧ୍ୟରୁ ୨ ମେମ୍ବର ପଦବୀ ଖାଲି ରହିଛି। ବାଣିଜ୍ୟକର ଟ୍ରିବ୍ୟୁନାଲ ସମ୍ପୂର୍ଣ୍ଣ ଭାବେ ବୈଷୟିକ ବିଷୟ ହୋଇଥିବାରୁ ଏଥିରେ ଜୁନିୟର ଆସିଷ୍ଟାଣ୍ଟ ପଦବୀର ମୁଖ୍ୟ ଭୂମିକା ରହିଛି। ୨୦୧୨ରୁ ଏଠାରେ ଆବଶ୍ୟକ ସମସ୍ତ ୫ଟି ଜୁନିୟର ଆସିଷ୍ଟାଣ୍ଟ ପଦବୀ ଖାଲି ରହିଥିଲେ ହେଁ ସରକାର ଏହି ପଦବୀ ପୂରଣ କରୁନାହାନ୍ତି। ଫଳରେ ସେଲ୍‌ସ ଟ୍ୟାକ୍ସ ଟିବ୍ୟୁନାଲ ଏକ ପ୍ରକାର ସ୍ଥାଣୁ ପାଲଟି ଯାଇଥିବା ସାଧାରଣରେ ମତପ୍ରକାଶ ପାଉଛି। ଏପରିକି ବିଭାଗ ପକ୍ଷରୁ ସରକାର ଓ ଷ୍ଟାଫ୍‌ ସିଲେକ୍ସନ ବୋର୍ଡଙ୍କୁ ଗତ ୨ ବର୍ଷ ମଧ୍ୟରେ ୫ଥର ପତ୍ର ମାଧ୍ୟମରେ ଅବଗତ କରାଯାଇଥିଲେ ହେଁ ଏ ପର୍ଯ୍ୟନ୍ତ ଜଣେ ହେଲେ ଜୁନିୟର ଆସିଷ୍ଟାଣ୍ଟ ପଦବୀ ପୁରଣ ଦିଗରେ ସରକାର ପଦକ୍ଷେପ ଗ୍ରହଣ କରି ନ ଥିବା ଜଣାଯାଇଛି। କର୍ମଚାରୀ ଅଭାବ ସାଙ୍ଗକୁ ବେଞ୍ଚ ପାଇଁ ଆବଶ୍ୟକ ଜୁଡିସିଆଲ ମେମ୍ବର ଓ ଆକାଉଣ୍ଟସ ମେମ୍ବର ପଦବୀ ପୂରଣ ହେଉ ନ ଥିବାରୁ ମାମଲାଗୁଡ଼ିକ ବର୍ଷ ବର୍ଷ ଧରି ଗଡ଼ି ଚାଲିଛି। ଫଳରେ ସରକାରଙ୍କ ରାଜସ୍ବ କ୍ଷତି ହେଉଛି। ଅନ୍ୟପକ୍ଷରେ ନିୟମ ଅନୁସାରେ ସରକାରୀ ଅଫିସରେ ୬ବର୍ଷ ପର୍ଯ୍ୟନ୍ତ କାଗଜାତ ନଥିପତ୍ର ସଂରକ୍ଷଣ ରଖିବା ଓ ୬ ବର୍ଷ ପରେ କୌଣସି କାଗଜାତ ନଥିପତ୍ର ସଂରକ୍ଷଣ ରଖିବାକୁ ସରକାର ବାଧ୍ୟ ନୁହେଁ ଭଳି ଆଇନ ଯୋଗୁଁ ବର୍ଷ ବର୍ଷ ଧରି ବିଚାର ନ ହୋଇ ଗଡୁଥିବା ମାମଲାଗୁଡ଼ିକର କାଗଜାତ ନଥିପତ୍ର ସଂରକ୍ଷଣ ନେଇ ପ୍ରଶ୍ନବାଚୀ ସୃଷ୍ଟି କରୁଛି। ଅପରପକ୍ଷରେ ଟ୍ରିବ୍ୟୁନାଲ୍‌ ନ
ଚାଲିବା ଫଳରେ କଳାବଜାର କରୁଥିବା ବ୍ୟବସାୟୀଙ୍କୁ ଟିକସ ଫାଙ୍କିରୁ ବଞ୍ଚବା ପାଇଁ ଏକ ବାଟ ଦେଖାଉଛି। ଏପର୍ଯ୍ୟନ୍ତ ୩ ହଜାରରୁ ଊର୍ଦ୍ଧ୍ୱ ମାମଲା ବିଚାରାଧୀନ ରହିଥିବାବେଳେ ସରକାର ଏ ଦିଗରେ ପଦକ୍ଷେପ ନେବାକୁ ସାଧାରଣରେ ଦାବି ହେଉଛି।


Enter your email to get our daily news in your inbox.

All Right Reserved By Dharitri.Com

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

ଦୁର୍ଘଟଣାରେ ଶ୍ୱଶୁର ମୃତ, ଜ୍ୱାଇଁ ଗୁରୁତର

ଭେଡ଼େନ,୨୮।୩ (ସୁଦନ ମହାକୁର): ବରଗଡ଼ ଜିଲା ଭେଡ଼େନ ଥାନା ଅଧୀନ ଭେଡ଼େନ-ରେମଣ୍ଡା ରାସ୍ତାର ଅପାମରା ନିକଟରେ ଗୁରୁବାର ଏକ ସଡ଼କ ଦୁର୍ଘଟଣା ଘଟିଛି। ଏକ ବାଇାକ୍‌...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ସୁଧାଂଶୁଙ୍କୁ ଗୁରୁଦାୟିତ୍ୱ ଦେଲା କଂଗ୍ରେସ

ରୂପସା,୨୮।୩(ବାଞ୍ଛାନିଧି ଦେ): ବାଲେଶ୍ୱର ଜିଲା କଂଗ୍ରେସ କମିଟି ସାଧାରଣ ସମ୍ପାଦକ ଓ ମୁଖ୍ୟ ମୁଖପାତ୍ର ସୁଧାଂଶୁ ଶେଖର ଜେନାଙ୍କୁ ପ୍ରଦେଶ କଂଗ୍ରେସ କମିଟି ପକ୍ଷରୁ ଭଦ୍ରକ...

୩୦ ହଜାର ଟଙ୍କା ଲାଞ୍ଚ ନେବା ବେଳେ ସିଟିଓ-ଜିଏସଟି ଅଧିକାରୀଙ୍କୁ ବାନ୍ଧିଲା ଭିଜିଲାନ୍ସ

ଭୁବନେଶ୍ୱର,୨୮।୩: ପୁରୀରେ ଲାଞ୍ଚ ନେଉଥିଲା ବେଳେ ବାଣିଜ୍ୟିକ ଟିକସ ଅଧିକାରୀ (ସିଟିଓ) ଏବଂ ଦ୍ରବ୍ୟ ଏବଂ ସେବା କର (ଜିଏସଟି) ଅଧିକାରୀଙ୍କୁ ଗିରଫ କରିଛି ଓଡ଼ିଶା...

ଗୋପାଳପୁର ଚିନ୍ତାରେ ବିଜେଡି: ପ୍ରଦୀପଙ୍କ ପଛେ ପଛେ ଭାଜପାରେ ସାମିଲ ହେଉଛନ୍ତି କର୍ମୀ

ଗୋପାଳପୁର,୨୮।୩(ନବୀନ ରାଜ ଆଚାରୀ): ସାଧାରଣ ନିର୍ବାଚନ ତାରିଖ ଯେତିକି ପାଖେଇ ଆସୁଛି ରାଜନୀତି ତାତି ସେତେ ବଢୁଛି। ଗୁରୁବାର ଗୋପାଳପୁର ନିର୍ବାଚନ ମଣ୍ଡଳୀ ଗୋଳନ୍ଥରା ସ୍ଥିତ...

କଟକରେ ହେବ ବଡ଼ ଲଢେଇ, ମୁହାଁମୁହିଁ ହୋଇପାରନ୍ତି ଭର୍ତ୍ତୃହରି-ସଂତୃପ୍ତ

ଭୁବନେଶ୍ୱର,୨୮।୩: ଆସନ୍ତା ସାଧାରଣ ନିର୍ବାଚନରେ ଭାଜପାର ଭର୍ତ୍ତୃହରି ମହତାବ ଏବଂ ବିଜେଡିର ସଂତୃପ୍ତ ମିଶ୍ରଙ୍କ ମଧ୍ୟରେ କଟକ ଲୋକ ସଭା ଆସନରୁ ଦେଖିବାକୁ ମିଳିପାରେ ବଡ଼...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri