ଗଞ୍ଜାମ,୨।୭(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା ସଂକ୍ରମିତଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ଯୋଗୁ ଚିନ୍ତାରେ ଜିଲା ପ୍ରଶାସନ। ଏହିପାଇଁ ରେଶମ ସହର ବ୍ରହ୍ମପୁର ଓ ଜିଲା ସଦର ମହକୁମା ଛତ୍ରପୁରକୁ ଶଟ୍ଡାଉନ ଘୋଷଣା କରିଥିଲେ ଜିଲାପାଳ ବିଜୟ ଅମୃତା କୁଲାଙ୍ଗେ । ବର୍ତମାନ ଜିଲାର ଗଞ୍ଜାମ ବ୍ଲକ ଗ୍ରୀନ ଜୋନରେ ଥିବା ହେତୁ କରୋନାଠୁ ଲୋକମାନେ କିପରି ଦୁରେଇ ରହିବେ ସେଥିପାଇଁ ଗୁରୁବାର ଅପରାହ୍ନରେ ତହସିଲ, ଏନ୍ଏସି ଓ ପୋଲିସ ପ୍ରଶାସନ ପକ୍ଷରୁ ଏକ ସଚେତନତା ରାଲି ଜୟଶ୍ରୀ ଛକରୁ ବାହାରି ସାନ ବଜାରଠାରେ ପହଞ୍ଚିଥିଲା। କୋଭିଡ ନିୟମ ନ ମାନିଲେ ବଜାରର ଦୋକାନ ସିଲ କରାଯିବା ସହ ଗଞ୍ଜାମକୁ ସମ୍ପୂଣ୍ଣର୍ର୍ ସଟ୍ଡାଉନ୍ କରାଯିବ ବୋଲି ପ୍ରଶାସନ ତରଫରୁ ମାଇକରେ ପ୍ରଚାର କରାଯାଇଛି । ଏହି ରାଲିରେ ତହସିଲଦାର ଅବନୀ କୁମାର ସାହୁ, ଏନଏସି ଇ ଓ ପ୍ରଭୁ କଲ୍ୟାଣ ଦାସ, ଥାନା ଅଧିକାରୀ ଦିଲ୍ଲୀପ କୁମାର ସାହୁ, ସେକେଣ୍ଡ ଅଫିସର ଶ୍ରୀଚନ୍ଦନ ବେହେରା, ସୁକାନ୍ତ ପ୍ରଧାନ, ତ୍ରିନାଥ ପଟ୍ଟନାୟକଙ୍କ ସମେତ ସମସ୍ତ ଆର୍ଆଇ ଓ ତହସିଲ କର୍ମଚାରୀ ଉପସ୍ଥିତ ଥିଲେ ।
