ଆନନ୍ଦପୁର,୨୪।୮(ସନ୍ତୋଷ ରାଉତ): କେନ୍ଦୁଝର ଜିଲା ଆନନ୍ଦପୁର ଥାନା ଗୟଳମୁଣ୍ଡା ଅଞ୍ଚଳରେ ଏକ ଅଭାବନୀୟ ଘଟଣା ଘଟିଛି। ଜଣେ ବ୍ୟକ୍ତି ତୀର ମାଡ଼ର ଶିକାର ହୋଇ ଗୁରୁତର ଆହତ ହୋଇଛନ୍ତି। ଆହତଙ୍କୁ ପ୍ରଥମେ ଆନନ୍ଦପୁର ମୁଖ୍ୟ ଚିକିତ୍ସାଳୟ ପରେ ଅବସ୍ଥା ସଙ୍କଟାପନ୍ନ ହେବାରୁ କଟକ ସ୍ଥାନାନ୍ତର କରାଯାଇଛି। ଏଭଳି ଏକ ଘଟଣା ଆନନ୍ଦପୁର ଥାନା ଗୟଳମୁଣ୍ଡା ଅଞ୍ଚଳରେ।
ଗ୍ରାମର ବିଶ୍ୱମ୍ବର ସେଠୀ ଏକ ବାଇକ୍ ଯୋଗେ ବୁଢୀ ମା’ଙ୍କ ପାଇଁ ଦୋକାନକୁ ପାଉରୁଟି ଆଣିବାକୁ ଆସିଥିଲେ। ସେହି ସମୟରେ ଦୋକାନ ନିକଟରେ ଥିବା କାଳିଆ କୋହ୍ଲ ନାମକ ଜଣେ ବ୍ୟକ୍ତି ବିଶ୍ୱମ୍ବରଙ୍କ ସାଙ୍ଗରେ ପାଟିତୁଣ୍ଡ କରିଥିଲେ। ଏଥିରେ ଉତ୍ତ୍ୟକ୍ତ ହୋଇ ବିଶ୍ୱମ୍ବରଙ୍କ ଛାତିକୁ ତୀର ମାଡ଼ କରିଥିବା ତାଙ୍କ ସ୍ତ୍ରୀ ରୁନୁ ସେଠୀଙ୍କଠାରୁ ସୂଚନା ମିଳିଛି। ଖବର ପାଇ ଆନନ୍ଦପୁର ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
