ବାରିପଦା ଅଫିସ,୧ା୪:ମୟୂରଭଞ୍ଜ ଜିଲାକୁ ଘେରି ରହିଥିବା ଜୈବମଣ୍ଡଳ ଶିମିଳିପାଳ ଅଭୟାରଣ୍ୟରେ ନିଅଁା ଜଳୁଛି। ବୁଧବାର ଶିମିଳିପାଳ ଦକ୍ଷିଣ ଡିଭିଜନର ୪୭ଟି ସ୍ଥାନରେ ନିଆଁ ଲାଗିଥିବା ସାଟେଲାଇଟରୁ ପ୍ରାପ୍ତ ତଥ୍ୟରୁ ଜଣାପଡ଼ିଛି। ଡ଼ହଡ଼ହ ଖରା ସହିତ ନିଅଁାର ପ୍ରକୋପରେ ଜୀବଜନ୍ତୁ ଓ ଜନଜୀବନ ଦୁର୍ବିସହ ହୋଇପଡ଼ିଛି। କିଛି ଦିନ ତଳେ ଅଭୟାରଣ୍ୟରେ ଲାଗିଥିବା ନିଅଁାକୁ ଲିଭାଇ ଦିଆଯାଇଥିବା ବେଳେ ପୁଣି ଥରେ ଜଙ୍ଗଲ ଜଳିବା ପରିବେଶ ପ୍ରେମୀଙ୍କୁ ବ୍ୟଥିତ କରିଛି।
ଗତ ୨ ଦିନ ହେଲା ଜିଲାରେ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଅନୁଭୂତ ହେଉଥିବା ବେଳେ ଶିମିଳିପାଳ ନିଅଁାର ତାତି ଜୀବଜଗତକୁ ଅସ୍ତବ୍ୟସ୍ତ କରି ପକାଉଛି। ଅଭୟାରଣ୍ୟର ଦକ୍ଷିଣରେ ଥିବା ଜେନାବିଲ, ନଅଣା ଉତ୍ତର ଓ ଦକ୍ଷିଣରେ ଥିବା ପୋଡ଼ାଡ଼ିହା, ପିଠାବଟା ଏବଂ ଉତ୍ତରରେ ଥିବା ରେଞ୍ଜ ବ୍ୟାଘ୍ର ସଂରକ୍ଷଣ ପ୍ରକଳ୍ପଗୁଡ଼ିକରେ ନିଅଁା ଜଳୁଥିବା ରିପୋର୍ଟ
ପ୍ରକାଶ ପାଇଛି। ସେହିପରି ବାରିପଦା, ରାଇରଙ୍ଗପୁର ଓ କରଞ୍ଜିଆ ବନଖଣ୍ଡ ଅଞ୍ଚଳର ବିଭିନ୍ନ ଜଙ୍ଗଲରେ ମଧ୍ୟ ନିଅଁା ଜଳୁଛି। ନିଅଁାକୁ ଆୟତ୍ତ କରିବା ପାଇଁ ୪ଟି ଓଡ୍ରାଫ୍ ଟିମ୍ରେ ୫୦ କର୍ମଚାରୀଙ୍କ ସହ ବନକର୍ମଚାରୀମାନେ ନିୟୋଜିତ ଅଛନ୍ତି। ଅତ୍ୟଧିକ ଗରମ ଯୋଗୁ ଜଙ୍ଗଲରେ ନିଅଁା ଲାଗୁଥିବା ବେଳେ୨୦ଟି ସ୍ଥାନରେ ନିଅଁା ଲାଗିଥିବା ନେଇ ବ୍ୟାଘ୍ର ସଂରକ୍ଷଣ ପ୍ରକଳ୍ପର କ୍ଷେତ୍ର ନିର୍ଦ୍ଦେଶକ ଏମ.ଜଗଜୟାନନ୍ଦ କହିିଛନ୍ତି। ଜଙ୍ଗଲ ନିଅଁା ସାଙ୍ଗକୁ ଆକାଶରୁ ଅଗ୍ନିବୃଷ୍ଟି ହେଉଥିବାରୁ ଜିଲାରେ ଏହାର ପ୍ରଭାବ ଦେଖିବାକୁ ମିଳିଛି। ଗ୍ରୀଷ୍ମ ପ୍ରବାହ ଯୋଗୁ ଦିନ ୧୦ଟା ପରଠାରୁ ସହରରେ ଜନସାଧାରଣଙ୍କ ଚଳପ୍ରଚଳ କମୁଥିବା ପରିଲକ୍ଷିତ ହେଉଛି। ଅଂଶୁଘାତରୁ ସୁରକ୍ଷା ଲାଗି ପ୍ରଶାସନ ପକ୍ଷରୁ ଲୋକଙ୍କୁ ବ୍ୟାପକ ସଚେତନ କରାଯାଉଛି।
