ଛତ୍ରପୁର,୧୩।୮(ଡି.ଏନ୍.ଏ.): ସ୍ବାଧୀନତାର ୭୫ ବର୍ଷ ପୂର୍ତ୍ତି ପାଳନ ଅବସରରେ ଦେଶର ପ୍ରତ୍ୟେକ ଘରେ ଜାତୀୟ ପତାକା ଉଡାଇବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆହ୍ବାନ ଦେଇଛନ୍ତି। ଏହି ପରିପ୍ରେକ୍ଷୀରେ ଲକ୍ଷାଧିକ ଜାତୀୟ ପତାକା ଆବଶ୍ୟକ ପଡୁଛି। ଗଞ୍ଜାମ ଜିଲାରେ ବିଭିନ୍ନ ମହିଳା ସ୍ବଂୟ ସହାୟିକା ଗୋଷ୍ଠୀ(ଏସ୍ଏଚ୍ଜି)ର ପ୍ରଡ୍ୟୁସର ଗ୍ରୁପ(ପିଜି)କୁ ୨ ଲକ୍ଷ ୫୦ ହଜାର ଜାତୀୟ ପତାକା ତିଆରି କରିବା ପାଇଁ ଦାୟିତ୍ୱ ମିଳିଛି। ତ୍ରିରଙ୍ଗା ପ୍ରସ୍ତୁତି ଏବେ ଏହା ଶେଷ ପର୍ଯ୍ୟାୟରେ ପହଞ୍ଚିଛି। ଏହି ଗ୍ରୁପର ଟେଲରିଂ ୟୁନିଟ୍ ତ୍ରିରଙ୍ଗା ପ୍ରସ୍ତୁତ କରୁଛି। ଏଥିରୁ ଅଧିକାଂଶ ଜାତୀୟ ପତାକା ପଠାଯାଇ ସାରିଲାଣି। ମିଶନ ଶକ୍ତି ଅଧୀନ ମହିଳା ସ୍ବଂୟ ସହାୟିକା ଗୋଷ୍ଠୀ ସଦସ୍ୟା ତଥା ପିଜି ଗ୍ରୁପର ୬୦ଟି ଟେଲରିଂ ୟୁନିଟ୍ ତ୍ରିରଙ୍ଗା ପ୍ରସ୍ତୁତିରେ ସାମିଲ ଅଛି ା ଏହାଦ୍ୱାରା ମହିଳାମାନେ ରୋଜଗାର କରି ସ୍ବାବଲମ୍ବୀ ହୋଇପାରିବେ ା ଜିଲାରେ ଆସିକା, ବେଗୁନିଆପଡା, ବେଲଗୁଣ୍ଠା, ବୁଗୁଡା, ଜଗନ୍ନାଥପ୍ରସାଦ,ଖଲ୍ଲିକୋଟ, ପୁୁରୁଷୋତ୍ତମପୁର,ସାନଖେମୁଣ୍ଡି, ଶେରଗଡ ଓ ସୋରଡା ବ୍ଲକର ୨ ଟି ଲେଖାଏ, ବ୍ରହ୍ମପୁର ୩, ଭଞ୍ଜନଗର, ଧରାକୋଟ, କବିସୂର୍ଯ୍ୟନଗର, କୁକୁଡାଖଣ୍ଡି, ପାତ୍ରପୁର, ପୋଲସରା ବ୍ଲକର ୩ଟି ଲେଖାଏ, ଛତ୍ରପୁର ବ୍ଲକର ୪ଟି ଏବଂ ଗଞ୍ଜାମ ବ୍ଲକର ୫ଟି ପିଜି ଟେଲରିଂ ୟୁନିଟ୍ ପତାକା ତିଆରି ଦାୟିତ୍ୱ ନେଇଛି ା ପ୍ରତ୍ୟେକ ୟୁନିଟ୍କୁ ୪୧୬୭ ଲେଖାଏ ତ୍ରିରଙ୍ଗା ପ୍ରସ୍ତୁତ କରିବାକୁ ଦାୟିତ୍ୱ ଦିଆଯାଇଥିବା ଓଡିଶା ଜୀବିକା ମିଶନର ଡିପିଏମ ନବୀନ ସେନାପତି କହିଛନ୍ତି।
