ଶର୍ମିଷ୍ଠା ମାନିଲେନି, ରଞ୍ଜନ ସତ କହିଲେ

ଭୁବନେଶ୍ୱର(ବ୍ୟୁରୋ)/କଟକ(ଅଫିସ୍‌) ୧।୪: ବହୁଚର୍ଚ୍ଚିତ କ୍ୟାମେରାମ୍ୟାନ ମାନସ ସ୍ବାଇଁ ହତ୍ୟା ମାମଲାରେ ପ୍ରତିଦିନ ନୂଆ ତଥ୍ୟ ଆସିବାରେ ଲାଗିଛି। ୫ ଦିନିଆ ରିମାଣ୍ଡରେ ଆସିଥିବା ୪ ଅଭିଯୁକ୍ତଙ୍କୁ କ୍ରାଇମ୍‌ବ୍ରାଞ୍ଚ ଟିମ୍‌ ପଚରାଉଚରା ଜାରି ରଖିଛି। ତେବେ ଏହି ଘଟଣାର ମୁଖ୍ୟ ଅଭିଯୁକ୍ତ କୁହାଯାଉଥିବା ଶର୍ମିଷ୍ଠା ରାଉତ କ୍ରାଇମ୍‌ବ୍ରାଞ୍ଚ ଆଗରେ ମୁହଁ ଖୋଲୁନାହାନ୍ତି। ସେ ଫେରାର ହୋଇ ଯେପରି ପୋଲିସକୁ ଭୁଆଁ ବୁଲାଇଥିଲେ, ପଚରାଉଚରା ସମୟରେ ମଧ୍ୟ ସେପରି ବାଟବଣା କରୁଛନ୍ତି। ଅପରପକ୍ଷରେ ମାମଲାର ଅନ୍ୟତମ ଅଭିଯୁକ୍ତ ରାଜ୍‌ ଓରଫ ରଞ୍ଜନ ନାୟକ କ୍ରାଇମ୍‌ବ୍ରାଞ୍ଚ ନିକଟରେ ସବୁ ସତକଥା କହି ଦେଇଛନ୍ତି। ଅପହରଣ ପରେ ହତ୍ୟା କିପରି କଲେ, କେଉଁଠାରେ ପ୍ରମାଣ ନଷ୍ଟ କରିଥିଲେ ଏବଂ ଏଥିରେ କିଏ କିଏ ସହଯୋଗ କରିଥିଲେ ସେନେଇ ସମସ୍ତ କଥା ଜଣାଇବା ପରେ କ୍ରାଇମ୍‌ବ୍ରାଞ୍ଚ ତାଙ୍କୁ ଘଟଣାସ୍ଥଳ ନେଇ ସେଠାରୁ କିଛି ଜିନିଷ ଜବତ କରିଛି।
ରଞ୍ଜନ ଦେଇଥିବା ସୂଚନା ଅନୁସାରେ ତାଙ୍କ ସହ ମାଷ୍ଟରମାଇଣ୍ଡ ଶର୍ମିଷ୍ଠା, ଝୁନା ଭୋଇ, ଭାଗ୍ୟଧର ନାୟକ ଓ ନିଲୁ ଓରଫ ବିବେକ ମିଶି ଭଦ୍ରକ ଜିଲା ଚାନ୍ଦବାଲି ଥାନା ପଳାଶପୁର ଗ୍ରାମରୁ ମାନସଙ୍କୁ ଫେବୃୟାରୀ ୭ରେ ଅପହରଣ କରିଥିଲେ। ଶର୍ମିଷ୍ଠାଙ୍କ କାର୍‌ରେ ସେଠାରୁ ମାନସଙ୍କୁ ଅଣାଯାଇ ଭୁବନେଶ୍ୱର ଏୟାରଫିଲ୍ଡ ଥାନାସ୍ଥିତ ଦୟାଲ ଆଶ୍ରମରେ ରଖାଯାଇଥିଲା। ଆଶ୍ରମରେ ନିରଞ୍ଜନ ସେଠୀଙ୍କ ସମେତ ଅନ୍ୟମାନେ ମାନସଙ୍କୁ ନିସ୍ତୁକ ମାଡ଼ ମାରି ହତ୍ୟା କରିଥିଲେ। ହତ୍ୟା ପରେ ମାନସଙ୍କ ମୃତଦେହକୁ ଏକ ଅଖାରେ ଭର୍ତ୍ତି କରି ଶର୍ମିଷ୍ଠାଙ୍କ କାର୍‌ରେ ନିଆଯାଇ ନୟାଗଡ଼ ଜିଲା ରଣପୁର ଥାନା ଅଞ୍ଚଳରେ ଥିବା ଏକ ଜଙ୍ଗଲରେ ପୋତି ଦେଇଥିଲେ। ପରେ ପ୍ରମାଣ ନଷ୍ଟ ଉଦ୍ଦେଶ୍ୟରେ ମାନସଙ୍କ ବିଭିନ୍ନ ଜିନିଷକୁ ନଷ୍ଟ କରିବାକୁ ଚେଷ୍ଟା କରାଯାଇଥିଲା। ସେମାନେ ମାନସଙ୍କ ଚପଲ, ଇୟର୍‌ ଫୋନ୍‌, ମୃତଦେହ ନିଆଯାଇଥିବା ଅଖା, ଏକ ଶାଢ଼ି, ଗାତ ଖୋଳାଯିବାରେ ବ୍ୟବହୃତ କୋଦାଳ, ଗଇଁତିକୁ ଉକ୍ତ କାର୍‌ରେ ଯାଜପୁର ଜିଲା ଚଣ୍ଡିଖୋଲଠୁ ୨ କି.ମି ଦୂର ୫୩ ନଂ ଜାତୀୟ ରାଜପଥର ଚଣ୍ଡିଖୋଲ-ଡୁବୁରି ରାସ୍ତା ପାର୍ଶ୍ୱରେ ଥିବା ଏକ ବୁଦାମୂଳେ ଗଇଁତି ଓ କୋଦାଳକୁ ଫୋପାଡ଼ି ଦେଇଥିଲେ। ଏଥିସହ ସେହି ସ୍ଥାନରେ ଚପଲ, ଇୟର୍‌ ଫୋନ୍‌, ଅଖା ଓ ଶାଢ଼ିକୁ ସେଠାରେ ପୋଡ଼ି ଦେଇଥିଲେ ବୋଲି ରଞ୍ଜନ ସୂଚନା ଦେବା ପରେ କ୍ରାଇମବ୍ରାଞ୍ଚ ଟିମ୍‌ ଗୁରୁବାର ସକାଳୁ ପ୍ରମାଣ ନଷ୍ଟ କରାଯାଇଥିବା ଉକ୍ତ ସ୍ଥାନକୁ ତାଙ୍କୁ ନେଇ ଯାଇଥିଲେ। କ୍ରାଇମ୍‌ବ୍ରାଞ୍ଚ ସହ ସାଇଣ୍ଟିଫିକ୍‌ ଟିମ୍‌ ମଧ୍ୟ ଯାଇଥିଲା। କୋଦାଳ ଓ ଗଇଁତି ଫିଙ୍ଗିଥିବା ସ୍ଥାନକୁ ରଞ୍ଜନ ଚିହ୍ନାଇଥିଲେ। ଅପରପକ୍ଷରେ ଅଭିଯୁକ୍ତମାନେ ସାମଗ୍ରୀ ପୋଡ଼ି ଦେଇଥିଲେ ମଧ୍ୟ ତାହା ଅର୍ଦ୍ଧପୋଡ଼ା ହୋଇ କିଛି ପଡ଼ି ରହିଥିଲା। ସାଇଣ୍ଟିଫିକ୍‌ ଟିମ୍‌ ତନ୍ନ ତନ୍ନ ଯାଞ୍ଚ କରିବା ସହ ବିଭିନ୍ନ ନମୁନା ସଂଗ୍ରହ କରିଛି। ଘଟଣାସ୍ଥଳରୁ ଅର୍ଦ୍ଧପୋଡ଼ା ଚପଲ, ଇୟର୍‌ ଫୋନ୍‌, ଅଖା ଓ ଶାଢ଼ିକୁ କ୍ରାଇମ୍‌ବ୍ରାଞ୍ଚ ଜବତ କରିଥିଲା। ଏଥିସହ ବୁଦାମୂଳରୁ ଗଇଁତି ଓ କୋଦାଳକୁ ମଧ୍ୟ କ୍ରାଇମବ୍ରାଞ୍ଚ ଜବତ କରି ଆଣିଛି।

କୁଆଡ଼େ ଗଲା ମେମୋରି ଚିପ୍‌ ?
ଯେଉଁ ମେମୋରି ଚିପ୍‌ ପାଇଁ ମାନସଙ୍କୁ ହତ୍ୟା କରାଯାଇଥିଲା ବୋଲି ପୋଲିସ କହିଥିଲା ତାକୁ ନେଇ ସନ୍ଦେହ ବଢ଼ିବାରେ ଲାଗିଛି। ୪ଅଭିଯୁକ୍ତଙ୍କ ରିମାଣ୍ଡର ଗୁରୁବାର ତୃତୀୟ ଦିନ ବିତିଯାଇଥିଲେ ମଧ୍ୟ ମେମୋରି ଚିପ୍‌କୁ ନେଇ କ୍ରାଇମ୍‌ବ୍ରାଞ୍ଚ ପକ୍ଷରୁ କୌଣସି ସୂଚନା ଦିଆଯାଉନାହିଁ। ମେମୋରି ଚିପ୍‌ ଅଛି କି ନାହିଁ ତାହାକୁ ନେଇ ପ୍ରଶ୍ନ ଛିଡ଼ା ହୋଇଛି। ଉକ୍ତ ମେମୋରି ଚିପ୍‌ରେ ବଡ଼ ନେତା, ମନ୍ତ୍ରୀଙ୍କ ଆପତ୍ତିଜନକ ଦୃଶ୍ୟ ଥିବା କୁହାଯାଉଥିଲା। ଯଦି ସେମାନଙ୍କୁ ବଞ୍ଚାଇବା ପାଇ ଶର୍ମିଷ୍ଠା ମେମୋରି ଚିପ୍‌କୁ ଭାଙ୍ଗି ଦେଇଥିବେ ତାହା ହେଲେ ହତ୍ୟାର କାରଣ ପରଦା ଆଢ଼ୁଆଳରେ ରହିଯିବ ବୋଲି କୁହାଯାଉଛି।

ମୋବାଇଲ ମିଳିଥିବା ସ୍ଥାନରେ କ୍ରାଇମ୍‌ବ୍ରାଞ୍ଚର ଯାଞ୍ଚ
ଯାଜପୁର ଧର୍ମଶାଳା ଥାନା ଅଧୀନ ୧୬ ନଂ. ଜାତୀୟ ରାଜପଥ ଶଙ୍ଖାରିଡିହ ନିକଟସ୍ଥ ରାସ୍ତା ପାର୍ଶ୍ୱରୁ ସୁରେଶ ନାଏକ ନାମକ ଜଣେ ଶ୍ରମିିକ ମାନସଙ୍କ ମୋବାଇଲ ପାଇଥିଲେ। ଉକ୍ତ ସ୍ଥାନକୁ କ୍ରାଇମ୍‌ବ୍ରାଞ୍ଚ ଟିମ୍‌ ଗୁରୁବାର ଯାଇଥିଲା। ହେଲେ କ୍ରାଇମବ୍ରାଞ୍ଚ ଟିମ୍‌ ସେଠାରେ କୌଣସି ଲୋକଙ୍କୁ ପଚରା ଉଚରା କରି ନ ଥିଲା। କିଛି ସମୟ ସେଠାରେ ରହି ଉକ୍ତ ଟିମ୍‌ ପୁଣି ଚଣ୍ଡିଖୋଲ ଆଡ଼କୁ ଚାଲିଯାଇଥିଲା।
ଆଜି ହୋଇପାରେ ସିନ୍‌ ରିକ୍ରିଏଶନ୍‌
ମାନସ ହତ୍ୟା ମାମଲାରେ ସବୁଠୁ ବଡ଼ ପ୍ରମାଣ ବାକି ରହିଛି। ଅଭିଯୁକ୍ତମାନେ କିପରି ହତ୍ୟା କଲେ, ମୃତଦେହ କେଉଁଠି ପୋତିଲେ ଘଟଣାସ୍ଥଳକୁ ଯାଇ ତାହା ପୁନର୍ବାର କ୍ରାଇମବ୍ରାଞ୍ଚକୁ କହିବେ। ଶୁକ୍ରବାର ଦୟାଲ ଆଶ୍ରମ ଓ ରଣପୁର ଥାନାସ୍ଥିତ ଜଙ୍ଗଲକୁ କ୍ରାଇମ୍‌ବ୍ରାଞ୍ଚ ଅଭିଯୁକ୍ତଙ୍କୁ ନେଇ କ୍ରାଇମ୍‌ ସିନ୍‌ ରିକ୍ରିଏଶନ୍‌ କରିପାରେ ବୋଲି ସୂଚନା ମିଳିଛି।


Enter your email to get our daily news in your inbox.

All Right Reserved By Dharitri.Com

ଦ୍ୱିତୀୟ ବିବାହର ସନ୍ତାନଙ୍କୁ ବି ମା’ଙ୍କ ସମ୍ପତ୍ତିରେ ମିଳିବ ଅଧିକାର: ସୁପ୍ରିମକୋର୍ଟଙ୍କ ବଡ଼ ରାୟ

ନୂଆଦିଲ୍ଲୀ,୧୯।୧୧: ସାଧାରଣତଃ ପରିବାରର ସଦସ୍ୟଙ୍କ ମଧ୍ୟରେ ସମ୍ପତ୍ତିକୁ ନେଇ ବିବାଦ ଦେଖିବାକୁ ମିଳେ। ବିଶେଷକରି ଜଣେ ମହିଳାଙ୍କ ବିବାହ ପରେ ତାଙ୍କ ସ୍ବାମୀଙ୍କ ମୃତ୍ୟୁ ହୋଇଯିବା ଏବଂ…

ସରକାରଙ୍କ ବଡ଼ ଘୋଷଣା: ୧ କୋଟି ପରିବାରଙ୍କୁ ମିଳିବ…

ନୂଆଦିଲ୍ଲୀ,୧୯।୧୧: ଘରର ଆର୍ଥିକ ଦାୟିତ୍ୱ ସମ୍ଭାଳୁଥିବା ସଦସ୍ୟ ଯଦି ହଠାତ୍‌ ଆଖି ବୁଜିଦିଅନ୍ତି, ତେବେ ପରିବାର ଉପରେ କେବଳ ମାନସିକ ଆଘାତ ନୁହେଁ, ଆର୍ଥିକ ସମସ୍ୟାର ପାହାଡ଼…

ଖାଇବାକୁ ଯାଉଥିବା ବେଳେ ପିକଅପ୍ ଭ୍ୟାନ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ; ଅଞ୍ଚଳରେ ଶୋକ

ଭଞ୍ଜନଗର,୧୯।୧୧(ବାବୁଲା ପ୍ରଧାନ): ଭଞ୍ଜନଗରରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି । ପିକ୍‌ଅପ୍ ଭ୍ୟାନ୍ ଧକ୍କାରେ କଂଗ୍ରେସ ନେତାଙ୍କ ଦେହାନ୍ତ ହୋଇଛି । ଜଣାଶୁଣା କଂଗ୍ରେସ ନେତା ତଥା…

ସଫେଇ ଦେଲେ ଟିମ ଇଣ୍ଡିଆର ବ୍ୟାଟିଂ କୋଚ୍‌: ସିରାଜଙ୍କୁ ଦଳରୁ ବାଦ ଦେବାକୁ ନେଇ କହିଦେଲେ ଭିତିରି କଥା

ୱେଲିଂଟନ,୧୯।୧୧: ୱେଲିଂଟନ ଟେଷ୍ଟରେ ଭାରତୀୟ ଦଳର ପ୍ରଦର୍ଶନ ଅପେକ୍ଷା ଚୂଡ଼ାନ୍ତ ଏକାଦଶ ଚୟନକୁ ନେଇ ଅଧିକ ଚର୍ଚ୍ଚା ହେଉଛି। ପ୍ରଥମ ଟେଷ୍ଟରେ ରବୀନ୍ଦ୍ର ଜାଡେଜା ଓ ମହମ୍ମଦ…

ମ୍ୟାଚର ମୋଡ଼ ବଦଳାଇଦେଲେ ନ୍ୟୁଜିଲାଣ୍ଡର ଏହି ଖେଳାଳି: ଶତକ ମାରି ହାସଲ କଲେ ବଡ଼ ଉପଲବ୍ଧି , ଦଳକୁ ଦେଲେ ନୂଆ ଜୀବନ

ନୂଆଦିଲ୍ଲୀ,୧୯।୧୧: ୱେଲିଂଟନର ବେସିନ ରିଜର୍ଭ ଷ୍ଟାଡିୟମରେ ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଟେଷ୍ଟ ସିରିଜର ପ୍ରଥମ ମୁକାବିଲା ଆରମ୍ଭ ହୋଇଛି। ଏହି ମ୍ୟାଚରେ ଟିମ ଇଣ୍ଡିଆ ଟସ…

ମହିଳା ଆଇଆଇସିଙ୍କ ମାନବିକତା, ବର୍ଷାରେ ଫସିଥିବା ଯାତ୍ରୀଙ୍କୁ ଉଦ୍ଧାର କରି…

ଗଞ୍ଜାମ,୧୯ା୧୧(ବିଦ୍ୟାଧର ସାହୁ): ବାତ୍ୟା ‘ଅକ୍ୱାନ’ ପ୍ରଭାବରେ ବୁଧବାରଠାରୁ ଆରମ୍ଭ ହୋଇଛି ବର୍ଷା। ଲଗାଣ ବର୍ଷା ଯୋଗୁ ଘରୁ ବାହାରକୁ ବାହାରି ପାରୁନାହାନ୍ତି ଲୋକେ। ଏଭଳି ପରିସ୍ଥିତିରେ ଗଞ୍ଜାମ…

ଧନତେରସ୍ ପରଠାରୁ ୧୪ହଜାର ଶସ୍ତା ହେଲା ସୁନା, ୧ ଲକ୍ଷ ଟଙ୍କାକୁ ଖସିବ….

ନୂଆଦିଲ୍ଲୀ,୧୯।୧୧: ଦେଶର ଫ୍ୟୁଚର୍ସ ବଜାର ମଲ୍ଟି କମୋଡିଟି ଏକ୍ସଚେଞ୍ଜ (MCX)ରେ ସୁନା ଦରରେ ଲଗାତାର ଚତୁର୍ଥ ଦିନ ପାଇଁ ହ୍ରାସ ଦେଖିବାକୁ ମିଳିଛି । ଧନତେରସ ପରଠାରୁ…

ଉପକୂଳମୁହାଁ ବାତ୍ୟା ‘ଅକ୍ୱାନ’: ମହାକାଳପଡ଼ାରେ ହାଇଆଲର୍ଟ, ଫେରିଘାଟ ବନ୍ଦ ସହ ଯୁଦ୍ଧକାଳୀନ ଭିତ୍ତିରେ…

ମହାକାଳପଡ଼ା,୧୯ା୧୧(ପ୍ରତାପ ଚନ୍ଦ୍ର ସ୍ବାଇଁ): ବଙ୍ଗୋପସାଗରରେ ଘନୀଭୂତ ବାତ୍ୟା ଅକ୍ୱାନ ଧିରେ ଧିରେ ବଳ ଗୋଟାଇ ସ୍ଥଳଭାଗ ମୁହାଁ ହୋଇ ଆଗକୁ ବଢୁଛି ବୋଲି ପାଣିପାଗ ବିଭାଗ ସତର୍କତା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?