ସୋନି ଚ୍ୟାନେଲରେ ପ୍ରସାରିତ ରିଆଲିଟି ଶୋ’ ‘ସାର୍କ ଟ୍ୟାଙ୍କ ଇଣ୍ଡିଆ’ର ସିଜନ୍ ୩ରେ ଯୋଡ଼ି ହୋଇଛନ୍ତି ଅନେକ ନୂଆ ସାର୍କ। ସେମାନଙ୍କ ମଧ୍ୟରୁ ଜଣେ ହେଉଛନ୍ତି ଅଜହର ଇକବାଲ। ଇନଶଟର୍ସର ସହ ସଂସ୍ଥାପକ ଏବଂ ସିଇଓ ଅଜହର ଶୋ’ରେ ସାମିଲ ହୋଇଥିବା ପ୍ରଥମ ଟେକ୍ ସାର୍କ। ସେ ଏବେ ୫୦୦ କୋଟିର ମାଲିକ।
ଅଜହର ଜଣେ ସାଧାରଣ ପରିବାରରୁ ଆସିଛନ୍ତି। ତାଙ୍କ ବାପା ଜଣେ ସରକାରୀ ଚାକିରିଆ ଥିଲେ। ଏଣୁ ସେ କେବେ ବ୍ୟବସାୟ କରିବା କଥା ଚିନ୍ତା କରି ନ ଥିଲେ। ପିଲାଟିଦିନରୁ ସେ ମୋଟା ଅଙ୍କର ରୋଜଗାର କରିବାକୁ ଚାହୁଁଥିଲେ। ମଧ୍ୟବିତ୍ତ ପରିବାରରୁ ଆସିଥିବାରୁ ଟଙ୍କା ପାଖରେ ଥିଲେ ଜୀବନରେ ସବୁକିଛି ହାସଲ କରିହେବ ବୋଲି ଲାଗୁଥିଲା। ପରେ ଭାଗ୍ୟ ତାଙ୍କୁ ଭିନ୍ନ ଦିଗରେ ନେଇଥିଲା।
ସଫଳ ବ୍ୟବସାୟୀ ହେବା ନେଇ ଅଜହର କୁହନ୍ତି, ବ୍ୟବସାୟରେ ମୁଁ ସର୍ବଦା ନମ୍ବରକୁ ଗୁରୁତ୍ୱ ଦେଇଥାଏ। ଭାବପ୍ରବଣତାକୁ ଦୂରରେ ରଖେ। ଅନେକ ଲୋକ ବ୍ୟବସାୟରେ ନିବେଶ କରିବା ସମୟରେ ପ୍ରତିଷ୍ଠାତାଙ୍କ କାହାଣୀ ଏବଂ ଅନ୍ୟ ବିଷୟରେ ଚିନ୍ତା କରିଥାନ୍ତି। ହେଲେ ମୁଁ ଭାବେ ଯଦି ନମ୍ବର ଭଲ ତେବେ ଯେକୌଣସି ପରିସ୍ଥିତିରେ ଥାଅ ନା କାହିଁକି, ଫରକ ପଡ଼ିବ ନାହିଁ ।
