ନୂଆଦିଲ୍ଲୀ,୧୩।୩: IPL 2024 କୁ ଆଉ କିଛିଦିନ ବାକି ଅଛି। କିନ୍ତୁ ଚଳିତ ବର୍ଷ ଆଇପିଏଲରେ ନଜର ଆସିବେନି ମହମ୍ମଦ ଶାମି। ତାଙ୍କ ଆଣ୍ଠୁରେ ସର୍ଜରୀ ଯୋଗୁ ସେ ଚଳିତ ବର୍ଷ ଆଇପିଏଲ ୨୦୨୪ରୁ ବାଦ୍ ପଡିବେ। କିନ୍ତୁ ତାଙ୍କୁ ଏହି ଲିଗ୍ରେ ମିଳିବାକୁ ଥିବା ପୁରା ଦରମା ଦିଆଯିବ। ଅନ୍ୟପଟେ ତାଙ୍କ ସ୍ତ୍ରୀ ହସିନ ଜାହାନଙ୍କର ମଧ୍ୟ ଭଲ ରୋଜଗାର ହେବ।
ଶାମିଙ୍କର ଆଇପିଏଲ ଦରମା ୬.୨୫କୋଟି ଟଙ୍କା। ହେଲେ ସେ ସିଜିନ୍ରେ ନ ଖେଳିଲେ ମଧ୍ୟ ତାଙ୍କୁ ପୁରା ଟଙ୍କା ମିଳିବ। କହିରଖୁଛୁ କି, ଶାମିଙ୍କୁ ବିବାହ କରିବା ପୂର୍ବରୁ ହସିନ ଜାହାନ ଚିଅର ଲିଡର ଭାବେ କାମ କରୁଥିଲେ। ଯଦି ଏଥର ବି ସେ ଚିଅର ଲିଡର ଭାବେ କାମ କରନ୍ତି ତେବେ ସେ ମୋଟା ଅଙ୍କର ଟଙ୍କା ରୋଜଗାର କରିବେ। ଆଇପିଏଲରେ ଚିଅର ଲିଡର ବ୍ୟତୀତ ହସିନ ମଡେଲିଂ କାମ ମଧ୍ୟ କରନ୍ତି ।
ମିଡିଆ ରିପୋର୍ଟ ଅନୁସାରେ, ପ୍ରତି ମ୍ୟାଚ ହିସାବରେ ଚିଅର ଲିଡରଙ୍କୁ ଟଙ୍କା ମିଳେ । ସେହି ଦୃଷ୍ଟିରୁ ଦେଖିବାକୁ ଗଲେ ତାଙ୍କୁ ପ୍ରତି ମ୍ୟାଚ ପିଛା ୧୪ ହଜାରରୁ ୧୭ ହଜାର ଟଙ୍କା ମିଳିବ । ଇନଷ୍ଟାଗ୍ରାମରୁ ମଧ୍ୟ ହସିନଙ୍କର ରୋଜଗାର ହୁଏ । ଯଦି ଶାମିଙ୍କ ସ୍ତ୍ରୀ ହସିନଙ୍କ ଆୟ ବାବଦରେ ଆଲୋଚନା କରାଯାଏ, ତେବେ ପବ୍ଲିକ ବାୟୋଗ୍ରାଫିରୁ ମିଳିଥିବା ସୂଚନାନୁସାରେ ହସିନଙ୍କ ନେଟୱର୍ଥ ପ୍ରାୟ ୨ରୁ ୩ କୋଟି ଟଙ୍କା । କ୍ରିକଫେକ୍ଟର ଏକ ରିପୋର୍ଟରେ କୁହାଯାଇଛି ଯେ, ଚେନ୍ନାଇ ସୁପରକିଙ୍ଗସ, ପଞ୍ଜାବ କିଙ୍ଗସ୍, ସନରାଇଜର୍ସ ହାଇଦ୍ରାବାଦ, ଦିଲ୍ଲୀ କ୍ୟାପିଟାଲ ଭଳି ଟିମ ଚିଅର ଲିଡରଙ୍କୁ ପ୍ରତି ମ୍ୟାଚ ପିଛା ୧୨ ହଜାର ଟଙ୍କାରୁ ଅଧିକ ଦେଇଥାଏ । ଯେତେବେଳେ କି ମୁମ୍ବାଇ ଇଣ୍ଡିଆନ୍ସ ଓ ଆରସିବି ଭଳି ଟିମ ଚିଅର ଲିଡରଙ୍କୁ ୨୦ ହଜାର ଟଙ୍କା ଦେଇଥାଏ । ସବୁଠୁ ଅଧିକ ଟଙ୍କା କୋଲକତା ନାଇଟ ରାଇର୍ଡସ ଦେଇଥାଏ । ପ୍ରତି ମ୍ୟାଚ ପିଛା ୨୪,୦୦୦ଟଙ୍କା ମିଳିଥାଏ ।
