ନୂଆଦିଲ୍ଲୀ,୮।୧୨: ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ଭାରତୀୟ ଦ୍ରୁତ ବୋଲର ମହମ୍ମଦ ଶାମିଙ୍କୁ ପ୍ଲେୟାର ଅଫ ଦି ମନ୍ଥ୍ ପୁରସ୍କାର ପାଇଁ ମନୋନୀତ କରିଛି। ନଭେମ୍ବର ମାସରେ ଶାମି ତାଙ୍କର ଭଲ ପ୍ରଦର୍ଶନ ପାଇଁ ସର୍ଟଲିଷ୍ଟ ହୋଇଛନ୍ତି। ବିଶ୍ୱକପ୍ରେ ଶାମି ଚମତ୍କାର ପ୍ରଦର୍ଶନ କରି ଟୁର୍ନାମେଣ୍ଟରେ ସର୍ବାଧିକ ଉଇକେଟ ନେଇଥିଲେ। ପୁରସ୍କାର ପାଇବା ପାଇଁ ଶାମିଙ୍କୁ ଦୁଇ ଅଷ୍ଟ୍ରେଲୀୟ ଖେଳାଳିଙ୍କୁ ଟକ୍କର କରିବାକୁ ପଡ଼ିବ। ତାଙ୍କର ପ୍ରତିଯୋଗିତା ହେଉଛି ଅଲରାଉଣ୍ଡର ଗ୍ଲେନ ମ୍ୟାକ୍ସୱେଲ ଏବଂ ଓପନର୍ ବ୍ୟାଟ୍ସମ୍ୟାନ ଟ୍ରାଭିସ ହେଡ।
ଆଇସିସି ଏକ ବିବୃତ୍ତିରେ କହିଛି ଯେ, ଆଇସିସି ପୁରୁଷ କ୍ରିକେଟ ବିଶ୍ୱକପ ୨୦୨୩ ଚାମ୍ପିଅନ ଏବଂ ଜଣେ ଭାରତୀୟ ଫାଷ୍ଟ ବୋଲିଂ କିମ୍ବଦନ୍ତୀ ନଭେମ୍ବର ୨୦୨୩ ପାଇଁ ଆଇସିସି ପୁରୁଷ ପ୍ଲେୟାର ଅଫ ଦି ମନ୍ଥ୍ ପୁରସ୍କାର ପାଇଁ ତାଲିକାଭୁକ୍ତ ହୋଇଛି। ନଭେମ୍ବରରେ ବିଶ୍ୱକପରେ ଶାମି ନିଜର ସୁବର୍ଣ୍ଣ ପ୍ରଦର୍ଶନ ଜାରି ରଖିଥିଲେ। ସେ ୧୫ ଉଇକେଟ ନେଇଥିଲେ। ସେ ଟୁର୍ନାମେଣ୍ଟରେ ୭ଟି ମ୍ୟାଚ୍ରେ ମୋଟ ୨୪ ଉଇକେଟ ନେଇଥିଲେ।
