ଅଭିନେତା ଶାହିଦ କପୁର ଏବଂ ମୀରା ରାଜପୁତ ବଲିଉଡର ସବୁଠାରୁ ଚର୍ଚ୍ଚିତ ତଥା ସୁନ୍ଦର ଦମ୍ପତିମାନଙ୍କ ମଧ୍ୟରୁ ଅନ୍ୟତମ। ଉଭୟଙ୍କ ମଜାଳିଆ ପ୍ରେମ ପ୍ରଶଂସକଙ୍କୁ ବେଶ୍ ପସନ୍ଦ ଆସିଥାଏ। ସର୍ବସାଧାରଣରେ ଦୁହେଁ କେବଳ ପରସ୍ପରର ଗୋଡ ଟାଣି ନ ଥାନ୍ତି ସୋସିଆଲ ମିଡିଆରେ ପରସ୍ପରର ମଜାକ ଉଡାଇବା ଛାଡନ୍ତି ନାହିଁ । ଶାହିଦ ଏବଂ ମୀରା ସେମାନଙ୍କ ସମ୍ପର୍କ ବିଷୟରେ ବହୁତ ଖୋଲା ଏବଂ ପ୍ରାୟତଃ ପରସ୍ପର ବିଷୟରେ ପ୍ରକାଶ କରନ୍ତି। ନିକଟରେ ଶାହିଦଙ୍କୁ ମୀରା ପ୍ରବଳ ଗାଳି ଦେଇଛନ୍ତି। ମୀରା ଚାହୁଁଛନ୍ତି ଶାହିଦ୍ ଏକ ଡ୍ୟାନ୍ସ ଫିଲ୍ମ କରନ୍ତୁ। ଏହି କାରଣରୁ ମୀରା ସହିଦଙ୍କ ଉପରେ ରାଗିଛନ୍ତି ଏବଂ ତାଙ୍କୁ ମନାଇବା ପାଇଁ ଶାହିଦ୍ ସୋସିଆଲ ମିଡିଆରେ ତାଙ୍କ ଅନୁଗାମୀମାନଙ୍କ ସାହାଯ୍ୟ ଲୋଡିଛନ୍ତି। ଶାହିଦ ମଧ୍ୟ ଏହି ବିଷୟରେ ତାଙ୍କ ଇନଷ୍ଟା ଷ୍ଟାଟସ୍କୁ ଅପଡେଟ କରିଛନ୍ତି। ଶାହିଦ ଲେଖିଛନ୍ତି, ମୋ ସ୍ତ୍ରୀ ମୋତେ ଗାଳି ଦେଇଛନ୍ତି କାରଣ ମୁଁ କୌଣସି ମଜାଦାର ଫିଲ୍ମ କରୁ ନାହିଁ, ଯେଉଁଥିରେ ମୁଁ ନାଚିବି। ଏହା ଏକ ଖୋଲା ନିମନ୍ତ୍ରଣ, ଦୟାକରି ଏହାକୁ ପାଳନ କରିବାକୁ ମୋତେ କିଛି ଏମିତି ଫିଲ୍ମ କାଷ୍ଟ କରନ୍ତୁ। ଶାହିଦ କପୁରଙ୍କୁ ଆଗାମୀ ଫିଲ୍ମ ‘ଜର୍ସି’ରେ ଦେଖିବାକୁ ମିଳିବ। ଶାହିଦ ଏହି କ୍ରୀଡା ଡ୍ରାମା ଫିଲ୍ମର ଶୁଟିଂ ଶେଷ କରିଛନ୍ତି। ଏହା ୨୦୧୯ ତେଲୁଗୁ ଫିଲ୍ମ ‘ଜର୍ସି’ର ଏକ ହିନ୍ଦୀ ରିମେକ। ମୃଣାଳ ଠାକୁର ଏବଂ ପଙ୍କଜ ତ୍ରିପାଠୀ ଜର୍ସିରେ ଶାହିଦ କପୁରଙ୍କ ସହ ନଜର ଆସିବେ।
