ନୂଆଦିଲ୍ଲୀ,୧୯ା୧୧: ବିଶ୍ୱକପ ଫାଇନାଲରେ ଭାରତ ଆଷ୍ଟ୍ରେଲିଆ ବିପକ୍ଷରେ ଭାରତୀୟ ଟିମ୍ ପୂର୍ବ ମ୍ୟାଚ୍ ତୁଳନାରେ ଦୁର୍ବଳ ବ୍ୟାଟିଂ ପ୍ରଦର୍ଶନ କରିଛି। ଭାରତୀୟ ଟିମ ଠାରୁ ୧୪୦ କୋଟି ଦେଶବାସୀ ଫାଇନାଲ ମୁକାବିଲାରେ ଯାହା ଆଶା କରୁଥିଲେ ସେପରି କିଛି ହେଉନାହିଁ। ଏହାକୁ ନେଇ ଅନେକ ବିଶେଷଜ୍ଞ ବିଭିନ୍ନ ମତ ଦେଉଥିବା ବେଳେ ପାକିସ୍ତାନର ପୂର୍ବତନ କ୍ରିକେଟର ସହିଦ ଆଫ୍ରିଦିଙ୍କ ଏକ ଭିଡିଓ କହିଛନ୍ତି ଯେ ଭାରତର ‘ଅତ୍ୟଧିକ ବିଶ୍ୱାସ’ ଭାରତୀୟ ଦଳକୁ ବିଶ୍ୱକପ ଫାଇନାଲରେ ମହଙ୍ଗା ପଡ଼ିଛି।
ସମ୍ପୂର୍ଣ୍ଣ ଟୁର୍ଣ୍ଣାମେଣ୍ଟରେ ଭାରତ ପ୍ରଥମ ଥର ପାଇଁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଛି, ତାହା ପୁଣି ନିର୍ଣ୍ଣାୟକ ଫାଇନାଲ ମ୍ୟାଚରେ। ଅଷ୍ଟ୍ରେଲିଆ ଟସ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା ବେଳେ ପ୍ରଥମେ ବ୍ୟାଟିଂ କରି ଭାରତ ଅଷ୍ଟ୍ରେଲିଆ ଆଗରେ ୨୪୧ ରନର ଟାର୍ଗେଟ ରଖିଛି। ଯାହାକୁ ଫାଇନାଲ ମ୍ୟାଚରେ ବହୁତ କମ ବୋଲି କୁହାଯାଉଛି।
ଭାରତ ପକ୍ଷରୁ କେଏଲ୍ ରାହୁଲ ସର୍ବାଧିକ ୬୬ ରନ୍ କରିଥିଲେ। ବିରାଟ କୋହଲି ୫୪, ରୋହିତ ଶର୍ମା ୪୭, ସୂର୍ଯ୍ୟକୁମାର ଯାଦବ ୧୮ ରନ୍ କରିଥିଲେ। ଅଷ୍ଟ୍ରେଲିଆ ପକ୍ଷରୁ ମିଚେଲ ଷ୍ଟାର୍କ ୩ଟି ଉଇକେଟ୍ ନେଇଥିବାବେଳେ ହେଜେଲଉଡ ଏବଂ ପାଟ କମିନ୍ସ ୨ଟି ଲେଖାଏ ଉଇକେଟ୍ ନେଇଥିଲେ। ଭାରତ ପ୍ରଥମ ୧୦ ଓଭରରେ ଧୂଆଁଧାର ୮୦ ରନ ସ୍କୋର ଥିବାବେଳେ ଆରମ୍ଭ କରିଥିଲା, କିନ୍ତୁ ରୋହିତ ଶର୍ମାଙ୍କ ଆଉଟ୍ ପରେ ରନ୍ର ଗତି ଧିମେଇ ଯାଇଥିଲା। ୧୧ ରୁ ୪୦ ଓଭର ମଧ୍ୟରେ ଭାରତୀୟ ବ୍ୟାଟ୍ସମ୍ୟାନ୍ମାନେ କେବଳ ଦୁଇଟି ଚୌକା ମାରିଥିଲା।
