ଜୟପୁର,୨୭।୪(ପବନ ପାଣିଗ୍ରାହୀ)-ଜୟପୁର ସରକାରୀ ବସଷ୍ଟାଣ୍ତ ନିକଟରୁ ସେକ୍ସ ର଼୍ୟାକେଟ୍ ଅଭିଯୋଗରେ ଟାଉନ ପୋଲିସ ଜଣେ ମହିଳାଙ୍କୁ ଗିରଫ କରିବା ସହ ୨ ନାବାଳିକାଙ୍କୁ ବାଳସୁଧାର ଗୃହକୁ ପଠାଇଛି। ଅଭିଯୁକ୍ତା ହେଲେ ବେଢ଼ାସାହି ଅଞ୍ଚଳର ଶିଳ୍ପା ପଣ୍ଡା। ଜୟପୁର ସହରର କେତେକ ସ୍ଥାନରେ ସେକ୍ସ ରାକେଟ ଚାଲୁଥିବା ଅଭିଯୋଗ ହୋଇଥିଲା। ଏହା ପରେ ଟାଉନ ପୋଲିସ ଶନିବାର ସନ୍ଧ୍ୟାରେ ସରକାରୀ ବସ୍ଷ୍ଟାଣ୍ତରେ ୩ ମହିଳାଙ୍କୁ ସନ୍ଦେହ କରି ଅଟକ ରଖିଥିଲା। ମହିଳା ଏହି ରାକେଟର ମୁଖ୍ୟ ମାଷ୍ଟର ମାଇଣ୍ଡ ବୋଲି ସନ୍ଦେହ କରିଥିଲା। ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି। ଆଉ କେତେକ ବ୍ୟକ୍ତି ଏଥିରେ ଜଡ଼ିତ ଥିବା ସନ୍ଦେହ କରୁଛି। ଟାଉନ ପୋଲିସ ମହିଳାଙ୍କୁ କୋର୍ଟ ଚାଲାଣ କରିଛି। ଜଣେ ନାବାଳିକା ମାଲକାନଗିରି ଜିଲାର ଓ ଅନ୍ୟଜଣେ ଖୋର୍ଦ୍ଧା ଜିଲାର ବୋଲି ଟାଉନଥାନା ଏସ୍ଆଇ ସିଦ୍ଧାର୍ଥ ବେହେରା ପ୍ରକାଶ କରିଛନ୍ତି।
