କ୍ୱିଭ,୧୪।୮: ରୁଷିଆ ଓ ୟୁକ୍ରେନ ମଧ୍ୟରେ ୧୮ ମାସରୁ ଅଧିକ ସମୟ ହେବ ଯୁଦ୍ଧ ଜାରି ରହିଛି। ଏହାରି ଭିତରେ ଉଭୟ ଦେଶ ପରସ୍ପର ବିରୋଧରେ ସେନା ଶକ୍ତି ବୃଦ୍ଧି କରିବା ଉଦ୍ଦେଶ୍ୟରେ ନିଜ ନିଜର ରଣନୀତିକୁ ହାସଲ କରିବାରେ ଲାଗିପଡିଛନ୍ତି। ଇତିମଧ୍ୟରେ ୟୁକ୍ରେନର ଖେରସାନରେ ରୁଷିଆର ଆକ୍ରମଣରେ ନବଜାତ ଶିଶୁ ସମେତ ୭ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି।
ଖେରସନ ଅଞ୍ଚଳର ଜଣେ ସେନା ଅଧିକାରୀ କହିଛନ୍ତି, ଏଠାରେ ହୋଇଥିବା ଏକ ଆକ୍ରମଣରେ ଜଣେ ୨୩ ଦିନର ଶିଶୁ ସମେତ ତା’ର ୧୨ ବର୍ଷର ଭାଇ ଓ ମାତାପିତାଙ୍କର ମୃତ୍ୟୁ ହୋଇଛି। ସେ ଟେଲିଗ୍ରାମରେ ଏକ ପୋଷ୍ଟରେ କହିଛନ୍ତି, ଟେନିସ୍ଲଭା ଗାଁରେ ଏକ ଆକ୍ରମଣରେ ଇସାଇ ପାଦ୍ରୀ ସହିତ ଦୁଇ ଜଣଙ୍କ ମୃତ୍ୟୁ ହୋଇଛି। ଗତ ୨୪ ଘଣ୍ଟାରେ ଖାର୍କିଭର କୁପିୟାଂସକରେ ୩୬ ଶିଶୁଙ୍କ ସମେତ ୧୧ ଜଣଙ୍କୁ ସୁରକ୍ଷିତ ଉଦ୍ଧାର କରାଯାଇଛି।
