ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ସେବା ବାଟବଣା

କାଏମା,୨ା୨(ଶିବପ୍ରସାଦ ମହାନ୍ତି): ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ କେତେଜଣ କର୍ମଚାରୀଙ୍କ ଖାମଖିଆଲି ମନୋଭାବ ପାଇଁ ସେବା ବାଟବଣା ହେଉଛି। ଫଳରେ ରୋଗୀ ଉପଯୁକ୍ତ ସେବାରୁ ବଞ୍ଚିତ ହେଉଥିବା ଅଭିଯୋଗ ହୋଇଛି। ୧୬ ନମ୍ବର ଜାତୀୟ ରାଜପଥର ଜାରକା ଛକରୁ କିଛି ଦୂରତାରେ ଏହି ସ୍ବାସ୍ଥ୍ୟକେନ୍ଦ୍ର ଅବସ୍ଥିତ। ଅନେକ ସମୟରେ ଦୁର୍ଘଟଣାଜନିତ ରୋଗୀ ଏଠାକୁ ଆସିଥାନ୍ତି। ଅନ୍ୟପକ୍ଷରେ ଏହା ଅଧୀନରେ ରହିଛି ୧୦ ପ୍ରାଥମିକ ସ୍ବାସ୍ଥ୍ୟକେନ୍ଦ୍ର। ତେଣୁ ସବୁ ସମୟରେ ରୋଗୀଙ୍କ ଭିଡ଼ ହେଉଛି। ପ୍ରତ୍ୟେକ ଦିନ ସ୍ଥାନୀୟ ଅଞ୍ଚଳର ରୋଗୀ ଆସୁଥିଲେ ବି ସେମାନେ ହଇରାଣ ହରକତ ହେଉଥିବା ଅଭିଯୋଗ କରିଛନ୍ତି। ପୂର୍ବରୁ ରାତିରେ ଡାକ୍ତରଙ୍କ ଅଭାବ ଦେଖାଦେଉଥିଲା। ବର୍ତ୍ତମାନ ଡାକ୍ତର ଉପସ୍ଥିତ ଥିଲେ ବି କେତେଜଣ ଷ୍ଟାଫ୍‌ ଓ ନର୍ସଙ୍କ ଖାମଖିଆଲି ମନୋଭାବ ପାଇଁ ବହୁ ରୋଗୀ ଅସୁବିଧାର ସମ୍ମୁଖୀନ ହେଉଛନ୍ତି। ଅନେକଙ୍କ ଜୀବନ ବି ଚାଲିଯାଉଛି।
ଚିକିତ୍ସା ଅବହେଳାରୁ ନଭେମ୍ବର ୬ରେ ଏଠାରେ ଜନ୍ମର ଚାରିଦିନ ପରେ ଏକ ନବଜାତ ଶିଶୁର ମୃତ୍ୟୁ ହୋଇଥିବା ଅଭିଯୋଗ ହୋଇଥିଲା। ଶିଶୁ କାନ୍ଦିବାରୁ ତାଙ୍କ ମା’ଡାକ୍ତରଙ୍କୁ ଖୋଜିଥିଲେ। କିନ୍ତୁ ପାଇ ନ ଥିଲେ। ପରେ ନର୍ସଙ୍କୁ ଡାକିଥିଲେ। ହେଲେ କେହି ଶୁଣି ନ ଥିଲେ। ଫଳରେ ସକାଳୁ ନବଜାତ ଶିଶୁ ଆଖିବୁଜି ଦେଇଥିବା ତାଙ୍କ ମା’ଅଭିଯୋଗ କରିଥିଲେ। ସେହିପରି ଜାନୁଆରୀ ୨୩ ରାତି ୧୧ଟାରେ ଉତ୍ତରଶାସନ ଗ୍ରାମର ଜଣେ ମହିଳା ପେଟଯନ୍ତ୍ରଣାରେ ଛଟପଟ ହୋଇ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି ହୋଇଥିଲେ। ପ୍ରାଥମିକ ଚିକିତ୍ସା ପରେ ତାଙ୍କୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରିବା ପାଇଁ ଡାକ୍ତର କହିଥିଲେ। କିନ୍ତୁ ଗାଡ଼ି ସୁବିଧା ନ ଥିବାରୁ ଆମ୍ବୁଲାନ୍ସ ସେବା ପାଇଁ ପରିବାର ଲୋକେ ଯୋଗାଯୋଗ କରିଥିଲେ। ଏହି ସମୟରେ ଡାକ୍ତରଖାନା ପରିସରରେ ୩ ଆମ୍ବୁଲାନ୍ସ ଥିବା ଦେଖି ମହିଳାଙ୍କ ବାପା ଜଣେ ଆମ୍ବୁଲାନ୍ସ ଡ୍ରାଇଭରଙ୍କୁ ମେଡିକାଲ ନେବାକୁ ନିବେଦନ କରିଥିଲେ। ହେଲେ କିଛି ସୁଫଳ ମିଳି ନ ଥିଲା। ପରେ ରୋଗୀଙ୍କ ପରିବାର ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ। ହେଲେ ଗାଡ଼ି ଉପଲବ୍ଧ ନ ଥିବା କୁହାଯାଇଥିଲା। କିଛି ସମୟ ପରେ ପୁନର୍ବାର ଯୋଗାଯୋଗ କରିବାରୁ ରସୁଲପୁର ବ୍ଲକରୁ ଗାଡ଼ି ଆସିବ ବୋଲି କୁହାଯାଇଥିଲା। ରସୁଲପୁର ବ୍ଲକଠାରୁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରର ଦୂରତା ୧୧ କିଲୋମିଟର ହୋଇଥିଲେ ବି ଯୋଗାଯୋଗର ୧ ଘଣ୍ଟା ୧୦ମିନିଟରେ ଆମ୍ବୁଲାନ୍ସ ଆସିଥିଲା। ହେଲେ ବଡ଼ ଅଶ୍ଚର୍ଯ୍ୟର କଥା ଯେଁଉ ଆମ୍ବୁଲାନ୍ସ ଡ୍ରାଇଭରଙ୍କୁ ମହିଳାଙ୍କ ବାପା ନିବେଦନ କରିଥିଲେ ସେହି ଗାଡ଼ି ଆସି ପହଞ୍ଚି ଥିଲା। ସେ ସମୟରେ ଉପସ୍ଥିତ ଲୋକେ ପଚାରିବାରୁ ଡ୍ରାଇଭର ଜଣଙ୍କ ରାଗି ଯାଇ ଖରାପ ବ୍ୟବହାର କରିଥିଲେ ବୋଲି ମହିଳାଙ୍କ ବାପା କହିଛନ୍ତି।
ସେହିପରି ଅନ୍ୟ ଏକ ଘଟଣା ଜାନୁଆରୀ ୨୮ରେ ଘଟିଥିଲା। କାଏମା ଅଞ୍ଚଳର ଜଣେ ରୋଗୀ ସ୍ବାସ୍ଥ୍ୟକେନ୍ଦ୍ରରେ ପହଞ୍ଚତ୍ ତାଙ୍କ ପେଟ ସମସ୍ୟା ଜଣାଇଥିଲେ। ସାତ ଦିନ ତାଙ୍କର ଝାଡ଼ା ନ ହେବାରୁ ପେଟ ଫମ୍ପେଇ ଦେଇଥିଲା। ଡାକ୍ତର ଦେଖିବା ପରେ ତାଙ୍କୁ ଏନେମା ଦେବା ପାଇଁ ପରାମର୍ଶ ଦେଇଥିଲେ। ହେଲେ ଏନେମା ସ୍ବାସ୍ଥ୍ୟକେନ୍ଦ୍ରରେ ନ ଥିବାରୁ ତାଙ୍କ ପରିବାର ବାହାରୁ କିଣି ଆଣି ସ୍ବାସ୍ଥ୍ୟକେନ୍ଦ୍ର କର୍ମଚାରୀ ସନାତନ ସାହୁଙ୍କୁ ଦେଇଥିଲେ। ହେଲେ ସେ ଏହାକୁ ଦେଇପାରିବେନି, ଅନ୍ୟ କାହାକୁ କୁହ ବୋଲି କହିଥିଲେ। ତେଣୁ ରୋଗୀଙ୍କ ପରିବାର ପକ୍ଷରୁ ସେ କହିଥିବା କର୍ମଚାରୀଙ୍କୁ ଯାଇ ଭେଟିଥିଲେ। ସେ ସମୟରେ ଦୁଇ କର୍ମଚାରୀ ଜଣେ ମହିଳା ଓ ପୁରୁଷଥିଲେ। ସେମାନେ କହିଥିଲେ, ଏହା ତାଙ୍କ କାମ ନୁହେଁ। କେବଳ ଇଞ୍ଜେକ୍ସନ ଦେବା ପାଇଁ ଉଭୟେ ଅଛନ୍ତି ବୋଲି ଉତ୍ତର ଦେଇଥିଲେ। ଏହା ଆଉ ଜଣେ ଦେଇପାରିବ ବୋଲି କହିଥିଲେ। ହେଲେ ସେ ବର୍ତ୍ତମାନ ନାହାନ୍ତି। ସମ୍ପୃକ୍ତ କର୍ମଚାରୀଙ୍କୁ ଫୋନ୍‌ ଦ୍ୱାରା ଯୋଗାଯୋଗ କରାଯାଇଥିଲେ ମଧ୍ୟ ଫୋନ ଲାଗି ନ ଥିଲା। ଏତେ ଖୋଜାଖୋଜି ବେଳକୁ ପ୍ରାୟ ଏକ ଘଣ୍ଟା ବିତି ଯାଇଥିଲା। ରୋଗୀ ଯନ୍ତ୍ରଣାରେ ଛଟପଟ ହେଉଥିଲେ ବି କେହି ଶୁଣି ନ ଥିଲେ। ପରେ ରୋଗୀଙ୍କ ପରିବାର ସହ ପରିଚିତ ଜଣେ କର୍ମଚାରୀ ଆସି ତାଙ୍କ କଥା ବୁଝିବାରୁ ଚିକିତ୍ସା କରାଯାଇଥିଲା।
ଏ ସମ୍ପର୍କରେ ଯାଜପୁର ସିଡିଏମ୍‌ଓ ଶିବାଶିଷ ମହାରଣାଙ୍କୁ ପଚାରିବାରୁ ସେ କିଛି କହିପାରିବେନି, ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ କହିପାରିବେ ବୋଲି ମତ ରଖିଥିଲେ। ପ୍ରତିକ୍ରିୟା ପାଇଁ ଧର୍ମଶାଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ଅଧିକାରୀ ମାନସ ରଞ୍ଜନ ସ୍ବାଇଁଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ତାଙ୍କଠାରୁ କିଛି ଉତ୍ତର ମିଳି ପାରିନାହିଁ। ତେଣୁ ଏହି ସମସ୍ୟା ପ୍ରତି ଉଚ୍ଚ କର୍ତ୍ତୃପକ୍ଷ ଦୃଷ୍ଟିଦେବାକୁ ଦାବି ହୋଇଛି।


Enter your email to get our daily news in your inbox.

All Right Reserved By Dharitri.Com

ବରଗଡ଼ରେ ଧଳାଜହର କାରବାରର ପର୍ଦ୍ଦାଫାଶ: ୯୦ ଗ୍ରାମ ବ୍ରାଉନ୍ ସୁଗାର ଜବତ, ପୋଲିସ ହାତରେ ଧରାପଡ଼ିଲେ ଦମ୍ପତି

ବରଗଡ଼,୧୮।୧୧(ପ୍ରେମାନନ୍ଦ ଖମାରୀ)- ବରଗଡ଼ ଟାଉନ୍ ଥାନା ପୋଲିସକୁ ନିଶା କାରବାର ବିରୋଧୀ ଅଭିଯାନରେ ଏକ ବଡ଼ ସଫଳତା ମିଳିଛି । ବୁଧବାର ପୋଲିସ ଚଢ଼ାଉ କରି ବ୍ରାଉନ୍…

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

‘ଅକ୍ବାନ’ ଆଲର୍ଟ: ଗୁଡ଼ାରି ବ୍ଲକ ପ୍ରଶାସନର ଜରୁରୀ ବୈଠକ, ମୁଖ୍ୟାଳୟ ନ ଛାଡ଼ିବାକୁ କର୍ମଚାରୀଙ୍କୁ କଡ଼ା ନିର୍ଦ୍ଦେଶ

ଗୁଡ଼ାରି,୧୮ା୧୧(ପ୍ରମୋଦ କୁମାର ପତି ): ସମ୍ଭାବ୍ୟ ବାତ୍ୟା ‘ଅକ୍ବାନ’କୁ ଦୃଷ୍ଟିରେ ରଖି ଗୁଡ଼ାରି ବ୍ଲକ ପ୍ରଶାସନ ପକ୍ଷରୁ ସମସ୍ତ ପ୍ରକାର ପ୍ରସ୍ତୁତି ଚୂଡ଼ାନ୍ତ ପର୍ଯ୍ୟାୟରେ ପହଞ୍ଚିଛି ।…

କେନ୍ଦୁଝରର ଗୌରବ: ବିଶିଷ୍ଟ କବି ଭୈରବ ଚନ୍ଦ୍ର ବେହେରାଙ୍କୁ ମିଳିଲା ମର୍ଯ୍ୟାଦାଜନକ ‘ଉତ୍କଳ ସାହିତ୍ୟ ରତ୍ନ ସମ୍ମାନ’

ପାଟଣା,୧୮।୧୧(ବୀର କିଶୋର ଦାଶ): କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ କଣ୍ଟିଆପଡ଼ା ପଞ୍ଚାୟତ ଜାମୁନାଳିଆ ଗ୍ରାମର ବିଶିଷ୍ଟ କବି, ଗାଳ୍ପିକ ତଥା ଶିକ୍ଷାବିତ୍ ଭୈରବ ଚନ୍ଦ୍ର ବେହେରାଙ୍କୁ…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?