Advertisement
Posted inଖେଳ

ମାର୍ଗାଓରେ ଆଜି ସେମିଫାଇନାଲ ମୁକାବିଲା

ମାର୍ଗାଓ,୨୬ା୧୦: ଚଳିତ ୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପ ଶେଷ ପର୍ଯ୍ୟାୟରେ ଉପନୀତ। ସ୍ଥାନୀୟ ପଣ୍ଡିତ ଜବାହରଲାଲ ନେହେରୁ ଷ୍ଟାଡିୟମରେ ବୁଧବାର ଅନୁଷ୍ଠିତ ହେବ ସେମିଫାଇନାଲ ମ୍ୟାଚ। ପ୍ରଥମ ସେମିରେ କଲମ୍ବିଆକୁ ଭେଟିବ ନାଇଜେରିଆ। ଦକ୍ଷିଣ ଆମେରିକା ଓ ଆଫ୍ରିକାର ଏହି ଦୁଇ ଦଳ ମଧ୍ୟରେ ମ୍ୟାଚ ବେଶ୍‌ ରୋମାଞ୍ଚକ ହେବ ବୋଲି ଆଶା କରାଯାଉଛି। ଦ୍ୱିତୀୟ ସେମିରେ ଟାଇଟଲ ଫେଭରାଇଟ ଜର୍ମାନୀ ଓ ସ୍ପେନ୍‌ ମଧ୍ୟରେ ମୁକାବିଲା ହେବ। ୨ଟି ଯାକ ୟୁରୋପ ଦଳ ହୋଇଥିବାରୁ ପରସ୍ପରର ଶକ୍ତି ଓ ଦୁର୍ବଳତା ସମ୍ପର୍କରେ ଭଲଭାବେ ଅବଗତ ଅଛନ୍ତି। ତେଣୁ କଡ଼ା ଟକ୍କର ଅପେକ୍ଷାରେ ରହିଛି ମାର୍ଗାଓର ଏହି ଐତିହାସିକ ଷ୍ଟାଡିୟମ। ପ୍ରଥମ ମ୍ୟାଚଟି ଅପରାହ୍ନ ୪ଟା ୩୦ ଓ ଦ୍ୱିତୀୟ ସେମିଫାଇନାଲ ରାତି ୮ଟାରେ ଆରମ୍ଭ ହେବ।
ୟୁରୋ ଫାଇନାଲ ରିପ୍ଲେ
ଜର୍ମାନୀ-ସ୍ପେନ୍‌ ସେମିଫାଇନାଲ ୧୭ ବର୍ଷରୁ କମ୍‌ ୟୁରୋ ଚାମ୍ପିୟନଶିପ୍‌ ଫାଇନାଲର ରିପ୍ଲେ ସଦୃଶ ହେବ। ସେତେବେଳେ ସ୍ପେନ୍‌ ପେନାଲ୍ଟି ଶୁଟ୍‌ ଆଉଟରେ ହାରି ଯାଇଥିଲା। ତେଣୁ ଏଠାରେ ଜର୍ମାନୀଠାରୁ ମଧୁର ପ୍ରତିଶୋଧ ନେବା ସୁଯୋଗ ଅପେକ୍ଷାରେ ରହିଛି ସ୍ପାନିଶ୍‌ ଟିମ୍‌। ‘ଫୁଟବଲ ହେଉଛି ପ୍ରତିଶୋଧ ନେବାର ଖେଳ’ ବୋଲି ସ୍ପେନ କୋଚ୍‌ କେନିଓ ଗୋଞ୍ଜାଲୋ ପ୍ରକାଶ କରିଛନ୍ତି। ୟୁରୋ ଚାମ୍ପିୟନଶିପ୍‌ ଖେଳିଥିବା ଜର୍ମାନୀ ଓ ସ୍ପେନ୍‌ ଦଳରେ ବିଶେଷ ପରିବର୍ତ୍ତନ ହୋଇନାହିଁ। ସ୍ପେନ୍‌ ଦଳରେ ୩ଟି ଏବଂ ଜର୍ମାନୀ ଦଳରେ ମାତ୍ର ୨ଟି ପରିବର୍ତ୍ତନ କରାଯାଇଛି। ତେବେ କରୋନାରେ ସଂକ୍ରମିତ ହୋଇଥିବାରୁ ଜର୍ମାନୀ ମୁଖ୍ୟ କୋଚ୍‌ ଫ୍ରେଡ୍‌ରିକ୍‌ କ୍ରୋମ୍ପ ଦଳ ସହ ରହିପାରି ନାହାନ୍ତି। ତାଙ୍କ ଅନୁପସ୍ଥିତରେ ଏହି ମ୍ୟାଚ ଖେଳିବ ଜର୍ମାନୀ। କ୍ୱାର୍ଟର ଫାଇନାଲରେ ଅନ୍ୟତମ ଶକ୍ତିଶାଳୀ ଦଳ ବ୍ରାଜିଲକୁ ହରାଇ ସେମିଫାଇନାଲରେ ପହଞ୍ଚତ୍ଥିଲା ଜର୍ମାନୀ। ସ୍ପେନ୍‌ ବିପକ୍ଷରେ ମଧ୍ୟ ଦଳ ସେପରିି ପ୍ରଦର୍ଶନ ଦୋହରାଇବ ବୋଲି ଆଶା ପ୍ରକାଶ କରିଛନ୍ତି ସହକାରୀ କୋଚ୍‌ ଜୁଲିଆ ସିମିକ୍‌। ”ଆମେ ନିକଟରେ ସ୍ପେନ୍‌କୁ ୨ ଥର ଭେଟି ସାରିଛୁ। ଥରେ ୟୁରୋ କପ୍‌ରେ ଏବଂ ଆଉ ଥରେ ବନ୍ଧୁତ୍ୱମୂଳକ ମ୍ୟାଚରେ। ସ୍ପେନ୍‌ ଏକ ଶକ୍ତିଶାଳୀ ଦଳ। ଏହାକୁ କୌଣସି ଭାବେ ହାଲୁକାରେ ନେଇ ହେବନାହିଁ। ତେବେ ଆମେ ବିଜୟ ଲକ୍ଷ୍ୟରେ ଖେଳିବୁ“ ବୋଲି ସିମିକ୍‌ କହିଛନ୍ତି। ତେବେ ମନେ ରଖିବାକୁୁ ହେବ ଯେ ସ୍ପେନ୍‌ ହେଉଛି ଗତଥରର ଚାମ୍ପିୟନ। ଚଳିତ ଟୁର୍ନାମେଣ୍ଟରେ ଏହି ଦଳ ବର୍ତ୍ତମାନ ସୁଦ୍ଧା ୬୮ ପ୍ରତିଶତ ବଲ୍‌କୁ ନିଜ ନିୟନ୍ତ୍ରଣରେ ରଖିବାରେ ସକ୍ଷମ ହୋଇଛି। ଆକ୍ରମଣାତ୍ମକ ରଣନୀତିରେ ଏହି ଦଳ ୭୫ଟି ଶଟ୍‌ ଟାର୍ଗେଟ କରି ସାରିଛି। ତେବେ ଚଳିତ ବିଶ୍ୱକପରେ ଏହି ଦଳର ଏକମାତ୍ର ଚିନ୍ତା ହେଉଛି ଖେଳାଳିମାନେ ଅଧିକ ଗୋଲ ସ୍କୋର କରିପାରି ନାହାନ୍ତି। ୬୦ ମିନିଟର ଖେଳ ପରେ ଯାଇ ଦଳ ଗୋଲ ଦେବାରେ ସକ୍ଷମ ହୋଇଛି। ସେମିିଫାଇନାଲରେ ମିଡ୍‌ଫିଲ୍ଡର ମିକି ଲୋପେଜ ୨ଟି ଗୋଲ ଦେଇ ନ ଥିଲେ ହୁଏତ ଦଳ ଜାପାନକୁ ହରାଇ ସେମିଫାଇନାଲରେ ପହଞ୍ଚତ୍ ପାରି ନ ଥାନ୍ତା। ଏହି ଗୋଲ ୨ଟି ପୁଣି ୮୭ ଓ ୯୦+୩ ମିନିଟରେ ଆସିଥିଲା। ଆଗାମୀ ମ୍ୟାଚରେ ଏଥିପ୍ରତି ଦଳକୁ ସଜାଗ ରହିବାକୁ ପଡ଼ିବ। ଅନ୍ୟପକ୍ଷରେ ଜର୍ମାନୀ ଗତ ୪ ମ୍ୟାଚରେ ୧୩ଟି ଗୋଲ ଦେଇ ସାରିଛି। ଏହା ପୁଣି ଭିନ୍ନଭିନ୍ନ ଗୋଲ ସ୍କୋରରଙ୍କ ଦ୍ୱାରା। ୨୦୧୨ ପରେ ଜର୍ମାନୀ ପ୍ରଥମଥର ପାଇଁ ସେମିଫାଇନାଲରେ ପହଞ୍ଚତ୍ଛି। ତେଣୁ ଦଳ ସହଜରେ ବାଟ ଛାଡ଼ିବାକୁ ଚାହିଁବ ନାହିଁ ନିଶ୍ଚିତ। ବ୍ରାଜିଲ ବିପକ୍ଷରେ ଖେଳି ନ ଥିବା ଆକ୍ରମଣାତ୍ମକ ମିଡ୍‌ଫିଲ୍ଡର ଆଲାରା ଶିଟଲର ଆଗାମୀ ମ୍ୟାଚ ଖେଳିବେ। ତେଣୁ ଜର୍ମାନୀର ଶକ୍ତି ବୃଦ୍ଧି ହୋଇଛି।
ନାଇଜେରିଆ, କଲମ୍ବିଆ ପାଇଁ ପ୍ରଥମ ସୁଯୋଗ
ନାଇଜେରିଆ ଓ କଲମ୍ବିଆ ପ୍ରଥମଥର ପାଇଁ ୧୭ ବର୍ଷରୁ କମ୍‌ ମହିଳା ଫିଫା ବିଶ୍ୱକପର ସେମିଫାଇନାଲ ଖେଳିବାକୁୁ ଯାଉଛନ୍ତି। ତେଣୁ ଯେଉଁ ଦଳ ବିଜୟ ହାସଲ କରିବ ଇତିହାସ ରଚିବ। କ୍ୱାର୍ଟର ଫାଇନାଲରେ ଟାଇଟଲ ଫେଭରାଇଟ ଆମେରିକାକୁ ହରାଇ ନାଇଜେରିଆ ନିଜ ଫୁଟବଲ ଇତିହାସରେ ନୂଆ ଫର୍ଦ୍ଦ ଯୋଡ଼ିଛି। ଅନ୍ୟପକ୍ଷରେ ଉତ୍ସାହୀ ପ୍ରଦର୍ଶନ ଦେଇ ଡେବ୍ୟୁ ସିଜନରେ କ୍ୱାର୍ଟର ଫାଇନାଲ ଯୋଗ୍ୟତା ପାଇଥିବା ତାଞ୍ଜାନିଆକୁ ହରାଇ ଆଗକୁ ବଢ଼ିଛି କଲମ୍ବିଆ। ‘ନାଇଜେରିଆ ନିଜ ଦେଶରୁ ଭରପୂର ସମର୍ଥନ ପାଉଛି। ଆମେରିକାକୁ ହରାଇବା ପରେ ଦଳର ମନୋବଳ ବହୁ ପରିମାଣରେ ବଢ଼ି ଯାଇଛି’ ବୋଲିି ମିଡ୍‌ଫିଲ୍ଡର ଇମାନୁଏଲ ବ୍ଲେସିଂ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ଟସ୍‌ ଜିତିଲା କେକେଆର, ବ୍ୟାଟିଂ ନିଷ୍ପତ୍ତି…

ମୁମ୍ବାଇ, ୧୪।୫: ଆଇପିଏଲ୍‌ ସିଜିନ୍‌ର ୧୫ତମ ସଂସ୍କରଣର ୬୧ତମ ମ୍ୟାଚ୍‌ରେ ଶନିବାର କୋଲକାତା ନାଇଟ୍‌ ରାଇଡର୍ସ୍‌(କେକେଆର) ସନ୍‌ ରାଇଜର୍ସ ହାଇଦ୍ରାବାଦ୍‌(ଏସ୍‌ଆର୍‌ଏଚ୍‌) ବିପକ୍ଷରେ ଟସ ଜିତି ପ୍ରଥମେ...

ଦାବି ପ୍ରତ୍ୟାହାର ପାଇଁ ବେଦୀଙ୍କୁ ଅନୁରୋଧ କରିବ ଡିଡିସିଏ

ନୂଆଦିଲ୍ଲୀ,୨୮ା୧୨- କିମ୍ବଦନ୍ତୀ ଭାରତୀୟ ସ୍ପିନର ବିଶନ ସିଂ ବେଦୀଙ୍କୁ ଦିଲ୍ଲୀ କ୍ରିକେଟର ‘ବିସ୍ମ ପିତାମହ’ ଅଭିହିତ କରିଛନ୍ତି ଦିଲ୍ଲୀ ଡିଷ୍ଟ୍ରିକ୍ଟ କ୍ରିକେଟ ଆସୋସିଏଶନ (ଡିଡିସିଏ) ସଭାପତି...

ଭାରତୀୟ ଦଳର ଖବରଦାତା ସମ୍ମିଳନୀକୁ ବୟକଟ୍‌ କଲା ମିଡିଆ

ସାଉଥାମ୍ପ୍‌ଟନ୍‌, ୪।୬: କ୍ରିକେଟ ବିଶ୍ୱକପ୍‌ ଖେଳିବାକୁ ଯାଇଥିବା ଭାରତୀୟ ଦଳ ବୁଧବାର ଦକ୍ଷିଣ ଆଫ୍ରିକା ବିପକ୍ଷରେ ପ୍ରଥମ ମ୍ୟାଚ୍‌ ଖେଳିବ। ଏହାପୂର୍ବରୁ ସୋମବାର ସନ୍ଧ୍ୟାରେ ଖେଳାଳିଙ୍କ...

୨୭ଥର ଅଶ୍ୱିନ ପାଇଁ ଏହି କାମ କରିଛନ୍ତି ଅଜିଙ୍କେ ରାହାନେ

ମେଲବୋର୍ନ,୨୮।୧୨: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ମେଲବୋର୍ନ କ୍ରିକେଟ ଗ୍ରାଉଣ୍ଡରେ (ଏମସିଜି) ଖେଳାଯାଉଥିବା ବକ୍ସିଂ ଡେ’ ଟେଷ୍ଟରେ ରବିଚନ୍ଦ୍ରନ ଅଶ୍ୱିନ ଏବଂ ଅଜିଙ୍କେ ରାହାନେ ମିଶି...

ଆଇପିଏଲ୍‌ ଖେଳିବାକୁ ଶୁଭ୍ରାଂଶୁଙ୍କୁ ସୁଯୋଗ

ଭୁବନେଶ୍ୱର,୧୮।୧୨(ସ୍ପୋଟର୍‌ସ ବ୍ୟୁରୋ): ଇଣ୍ଡିଆନ ପ୍ରିମିୟର ଲିଗ୍‌ (ଆଇପିଏଲ୍‌) ଖେଳିବାକୁ ଓଡ଼ିଶା ଅଧିନାୟକ ଶୁଭ୍ରାଂଶୁ ସେନାପତିଙ୍କ ପାଇଁ ସୁଯୋଗ ସୃଷ୍ଟି ହୋଇଛି। ଆଇପିଏଲ୍‌ ଫ୍ରାଞ୍ଚାଇଜ୍‌ ଚେନ୍ନାଇ ସୁପର...

ଜନ୍ମଦିନ ପୂର୍ବରୁ ପଡୋଶୀ ଦେଶ ଭ୍ରମଣରେ ଗଲେ ବିରୁଷ୍କା

ଭାରତୀୟ କ୍ରିକେଟ ଦଳ ଏବେ ବାଂଲାଦେଶ ସହ ଟି-୨୦ ସିରିଜ୍‌ ଖେଳିବାରେ ବ୍ୟସ୍ତ ଅଛି। ଅଧିନାୟକ ବିରାଟ କୋହଲି ଏହି ସିରିଜରୁ ବିଶ୍ରାମ ନେଇ ସ୍ତ୍ରୀ...

କ୍ରିକେଟରଙ୍କ ଜୋତା ଫିତା ବାନ୍ଧି ଚର୍ଚ୍ଚାରେ ଏହି ଖେଳାଳି

କ୍ରମାଗତ ପରାଜୟ ପରେ କିଙ୍ଗସ ଏକାଦଶ ପଞ୍ଜାବର ଦଳ ବିଜୟ ଧାରାକୁ ଫେରିଛି। ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଦୁଇଟି ସୁପରଭରରେ ପଞ୍ଜାବ ଜିତିବାରେ କ୍ରିସ୍‌ ଗେଲ...

୩ ବର୍ଷ ପରେ ରାହାନେଙ୍କ ଶତକ

ରାଞ୍ଚି,୨୦।୧୦- ଭାରତୀୟ ଟେଷ୍ଟ ଦଳର ଉପଅଧିନାୟକ ଅଜିଙ୍କ୍ୟ ରହାନେ ଦୀର୍ଘ ୩ ବର୍ଷର ବ୍ୟବଧାନ ପରେ ଘରୋଇ ମାଟିରେ ଶତକ ହାସଲ କରିଛନ୍ତି। ଏଠାରେ ଚାଲିଥିବା...

Advertisement
Archives

Model This Week