କେନାଲ କାମ ପାଇଁ ଶିକ୍ଷାନୁଷ୍ଠାନ ପଡ଼ିଆ ଜବରଦଖଲ

ଜଗତସିଂହପୁର ଅଫିସ, ୨୬।୩: ଜଗତ୍‌ସିଂହପୁରର ପୁରାତନ ତଥା ସୁନାମଧନ୍ୟ ଶିକ୍ଷାନୁଷ୍ଠାନ ହେଉଛି ଶ୍ରୀକୃଷ୍ଣ(ଏସ୍‌କେ) ଏକାଡେମୀ। ଏହି ଉଚ୍ଚ ବିଦ୍ୟାଳୟରେ ବହୁ ଛାତ୍ରୀଛାତ୍ର କେବଳ ଜିଲା ନୁହେଁ ରାଜ୍ୟ, ଦେଶ ତଥା ବାହାରେ ସୁନାମ ଅର୍ଜନ କରିଛନ୍ତି। ଏହାର ବିକାଶ ପାଇଁ ପୁରାତନ ଛାତ୍ରସଂଘ ଉଦ୍ୟମ ଜାରି ରଖିଛି। କିନ୍ତୁ ଶିକ୍ଷାନୁଷ୍ଠାନର ଖେଳପଡ଼ିଆକୁ ପାଖାପାଖି ୧ ମାସ ହେବ କେତେଜଣ ଲୋକ ବେଆଇନ ଭାବେ ଦଖଲ କରି ସେମାନଙ୍କ ବ୍ୟବହାରରେ ଲଗାଉଥିବା ଅଭିଯୋଗ ହୋଇଛି। ଏହି ପଡ଼ିଆରେ ବାଲି, ଗୋଡ଼ି, ମେଟାଲ, ରଡ୍‌ ଆଦି ଗଚ୍ଛିତ ରଖାଯିବା ସହ ସିମେଣ୍ଟ ଓ ବାଲି ଆଦି ମିଶ୍ରଣ କରାଯାଇ ଜଗତ୍‌ସିଂହପୁର ସହରରେ ଚାଲିଥିବା କେନାଲ କାମରେ ବ୍ୟବହାର କରାଯାଉଛି। ଏନେଇ ସାଧାରଣରେ ଅସନ୍ତୋଷ ପ୍ରକାଶ ପାଇବା ସହ ଆଗାମୀ ଦିନରେ ଆନ୍ଦୋଳନାତ୍ମକ ପନ୍ଥା ଆପଣାଯିବ ବୋଲି ଚେତାବନୀ ଦିଆଯାଇଛି।
ଏ ସମ୍ପର୍କରେ ବିଦ୍ୟାଳୟ ପ୍ରଧାନ ଶିକ୍ଷକ ଶୁକଦେବ ସାହୁଙ୍କୁ ପଚାରିବାରୁ ସେ ଉପରୋକ୍ତ ଅଭିଯୋଗକୁ ସ୍ବୀକାର କରିବା ସହ କହିଛନ୍ତି, ପଡ଼ିଆକୁ ଜବରଦଖଲ ସହ ସେଥିରେ ବହୁ ପରିମାଣର ନିର୍ମାଣ ସାମଗ୍ରୀ ଗଚ୍ଛିତ ରଖାଯାଇଛି। ଏପରି କି ଜଗତ୍‌ସିଂହପୁର କେନାଲ କାମ ପାଇଁ ରଡ୍‌ କଟାଠାରୁ ଅନ୍ୟାନ୍ୟ କାମ ଏହି ପଡ଼ିଆରେ ହେଉଛି । ସିମେଣ୍ଟ, ବାଲି ଓ ଗୋଡ଼ି ଆଦି ମିଶ୍ରଣ କରାଯାଇ କେନାଲ କାମ ପାଇଁ ପରିବହନ ହେଉଛି। ଏ ସମ୍ପର୍କରେ ପଚାରିଲେ ସେମାନେ ଶୁଣୁନାହାନ୍ତି। ଦୀର୍ଘଦିନ ହେବ ଏଭଳି ଚାଲିବାରୁ ଖେଳପଡ଼ିଆ ନଷ୍ଟ ହେଉଛି। ଫଳରେ ପିଲାମାନଙ୍କ କ୍ରୀଡ଼ା ପ୍ରଭାବିତ ହେଉଛି । ବାଧ୍ୟହୋଇ ସେ ଏ ସମ୍ପର୍କରେ ଜିଲା ଶିକ୍ଷା ଅଧିକାରୀ ଓ ଜିଲାପାଳଙ୍କୁ ଚିଠି ମାଧ୍ୟମରେ ଅବଗତ କରାଇଛନ୍ତି। ଜିଲା ଶିକ୍ଷା ଅଧିକାରୀ ନିରଞ୍ଜନ ବେହେରାଙ୍କୁ ପଚାରିବାରୁ ସେ କହିଛନ୍ତି, ବେଆଇନ ଭାବେ ପଡ଼ିଆ ବ୍ୟବହାରକୁ ପ୍ରଶ୍ରୟ ଦିଆଯିବନାହିଁ। ତେଣୁ ସେ ପ୍ରଧାନ ଶିକ୍ଷକଙ୍କୁ ତୁରନ୍ତ ଆଇନଗତ ପଦକ୍ଷେପ ନେବାକୁ ଚିଠି କରିଥିବା କହିଛନ୍ତି। ଏ ସମ୍ପର୍କରେ ଶିକ୍ଷାନୁଷ୍ଠାନ ପୁରାତନ ଛାତ୍ର ସଂଘ କାର୍ଯ୍ୟକାରୀ କମିଟି ସଦସ୍ୟ ବିପ୍ଳବ ଚୌଧୁରୀ ପ୍ରତିକ୍ରିୟାରେ କହିଛନ୍ତି, ସରକାର ୫-ଟିରେ ବିଦ୍ୟାଳୟ ରୂପାନ୍ତରୀକରଣ କରୁଛନ୍ତି। ବିଦ୍ୟାଳୟର ଶୈକ୍ଷିକ ଓ କ୍ରୀଡ଼ାର ବିକାଶ ପାଇଁ ଆହ୍ବାନ ଦେଉଛନ୍ତି। ଏସ୍‌କେ ଏକାଡେମୀକୁ ୫-ଟି ଅନ୍ତର୍ଭୁକ୍ତ କରାଯାଇଛି। ଏନେଇ ଅନୁଦାନ ଆସୁଛି। କିନ୍ତୁ ପଡ଼ିଆକୁ ଜବରଦଖଲ କରାଯିବା ଦୁର୍ଭାଗ୍ୟଜନକ କଥା। ଜଳସମ୍ପଦ ବିଭାଗ ୧୦ନଂ. ଡିଷ୍ଟ୍ରିବ୍ୟୁଟାରିର ଦେଉଳୀ ଗ୍ରାମେଶ୍ୱରଠାରୁ ରଶ୍ମି ହଲ୍‌ ମଧ୍ୟସ୍ଥ ପୋଷ୍ଟଅଫିସ ସ୍କୋୟାରରୁ ଏଲ୍‌ଆଇସି ଅଫିସ ପର୍ଯ୍ୟନ୍ତ ବକ୍ସ କଲଭର୍ଟ ନିର୍ମାଣ କାମ ଚାଲିଛି । ଏ ସମ୍ପର୍କରେ କଲଭର୍ଟ ପାର୍ଶ୍ୱରେ ଲଗାଯାଇଥିବା ହୋର୍ଡିଂରେ ପ୍ରକଳ୍ପ ପରିମାଣ ୩,୬୦,୬୮,୫୩୯ ଟଙ୍କା ଉଲ୍ଲେଖ ଅଛି। ଏହି କାମ ପାଇଁ ଆବଶ୍ୟକ ସାମଗ୍ରୀ ଆଦି ଶ୍ରୀକୃଷ୍ଣ ଏକାଡେମୀ ଖେଳପଡିଆରେ ଜବରଦସ୍ତ ରଖାଯାଇଛି । ସେଠାରେ ରଡ୍‌ ବାଇଡିଂ ଓ କଟାଯିବା ସହ ମିକ୍ସଚର୍‌ ମେଶିନରେ ମସଲା ଗୋଳାଯାଇ ହାଇୱା ମାଧ୍ୟମରେ ନିର୍ମାଣ ସ୍ଥାନକୁ ଅଣାଯାଉଛି। ଏଭଳି ବେଆଇନ ଦଖଲକୁ କୌଣସି ପରିସ୍ଥିତିରେ ବରଦାସ୍ତ କରାଯିବନାହିଁ। ନିକଟରେ ଅନୁଷ୍ଠିତ ପୁରାତନ ଛାତ୍ର ସଂଘ ବୈଠକରେ ଏ ସମ୍ପର୍କରେ ଆଲୋଚନା ହୋଇଥିଲା। ପ୍ରଧାନ ଶିକ୍ଷକ ତୁରନ୍ତ ଜିଲା ଶିକ୍ଷା ଅଧିକାରୀ ଓ ଜିଲାପାଳଙ୍କୁ ଅବଗତ କରିବା ପାଇଁ ଅନୁରୋଧ କରାଯାଇଥିଲା। ଏହାସତ୍ତ୍ବେ ପଡ଼ିଆରୁ ଜବରଦଖଲ ହଟୁନି। ତେଣୁ ଏ ସମ୍ପର୍କରେ ଜଗତ୍‌ସିଂହପୁର ଥାନା ଓ ଏସ୍‌ପିଙ୍କ ନିକଟରେ ଅଭିଯୋଗ ହେବା ସହ ଆନ୍ଦୋଳନ କରାଯିବ ବୋଲି ଚେତାବନୀ ଦେଇଛନ୍ତି।


Enter your email to get our daily news in your inbox.

All Right Reserved By Dharitri.Com

ପଦ୍ମପୁର ଆସନରେ ପ୍ରାର୍ଥୀ ଘୋଷଣା ଦ୍ୱନ୍ଦ୍ୱ

ପଦ୍ମପୁର,୨୮।୩. (ପ୍ରଦୀପ୍ତ ଦାଶ): ବରଗଡ଼ ଜିଲାରେ ଥିବା ବିଧାନସଭା ଆସନ ପାଇଁ ବିଜେଡି ବୁଧବାର ପ୍ରାର୍ଥୀ ଘୋଷଣା କରିଛି। କିନ୍ତୁ ପଦ୍ମପୁର ବିଧାନସଭା ଆସନ ପାଇଁ...

ମା’ ପୁଅଙ୍କୁ ହତ୍ୟା କଲେ ମାଓବାଦୀ

ରାଉରକେଲା,୨୮।୩(ସଙ୍ଗୀତା ଜେନା): ଓଡ଼ିଶା-ଝାଡ଼ଖଣ୍ଡ ସୀମାବର୍ତ୍ତୀ ପଶ୍ଚିମ ସିଂହଭୂମ ଚାଇଁବାସା ଅଞ୍ଚଳରେ ମାଓବାଦୀମାନେ ଜଣେ ବୃଦ୍ଧା ଓ ତାଙ୍କ ପୁଅଙ୍କୁ ହତ୍ୟା କରିଛନ୍ତି। ମୃତକ ହେଲେ ଚାଇଁବାସା...

ବସ୍‌ ଧକ୍କାରେ ଚାଲିଗଲା ଜୈନ ସନ୍ନ୍ୟାସିନୀଙ୍କ ଜୀବନ

ଫୁଲନଖରା,୨୮ା୩(ସତ୍ୟରଞ୍ଜନ ଦାସମହାପାତ୍ର): ଭୁବନେଶ୍ୱର-କଟକ ୧୬ ନମ୍ବର ଜାତୀୟ ରାଜପଥର ବମ୍ଫକୁଦ ନିକଟରେ ଏକ ଯାତ୍ରୀବାହୀ ବସ୍‌ ଧକ୍କାରେ ଜଣେ ଜୈନ ସନ୍ନ୍ୟାସିନୀଙ୍କ ମୃତ୍ୟୁ ଘଟିଛି। ସେ...

ରାଜ୍ୟରେ ବଢିବ ତାପମାତ୍ରା, ୨ଦିନରେ ୪୦ ଛୁଇଁବ

ଭୁବନେଶ୍ୱର,୨୮।୩(ଅସମାପିକା ସାହୁ): ମାର୍ଚ୍ଚ ମାସ ଶେଷ ନ ହେଉଣୁ ରାଜ୍ୟରେ ପାରଦ ଉପରମୁହାଁ ହୋଇଛି। ଗୁରୁବାର ରାଜ୍ୟର ୧୬ଟି ସହରରେ ତାପମାତ୍ରା ୩୮ଡିଗ୍ରୀ ଅତିକ୍ରମ କରିଥିବାବେଳେ...

ମାହାଙ୍ଗା ଡବଲ ମର୍ଡର ମାମଲା: ଅନ୍ତରୀଣ ସୁରକ୍ଷା ବଳବତ୍ତର

କଟକ,୨୮ା୩ (କାର୍ତ୍ତିକ ସାହୁ) ମାହାଙ୍ଗା ଡବଲ ମର୍ଡର ମାମଲାରେ ବିଧାୟକ ପ୍ରତାପ ଜେନାଙ୍କ ଅନ୍ତରୀଣ ସୁରକ୍ଷାକୁ ହାଇକୋର୍ଟ ବଳବତ୍ତର ରଖିଛନ୍ତି। ନିମ୍ନକୋର୍ଟର ନିର୍ଦ୍ଦେଶ ବିରୋଧରେ ବିଧାୟକ...

କଂଗ୍ରେସରୁ ଇସ୍ତଫା ଦେଲେ ପୂର୍ବତନ ବିଧାୟକ, ବିଜେଡିରେ ଯୋଗଦେବା ସମ୍ଭାବନା

ନୂଆଦିଲ୍ଲୀ ,୨୮।୩: ବିଧାନସଭା ନିର୍ବାଚନ ପୂର୍ବରୁ ଟିଟିଲାଗଡର ପୂର୍ବତନ ବିଧାୟକ ସୁରେନ୍ଦ୍ର ସିଂ ଭୋଇ କଂଗ୍ରେସ ଦଳରୁ ଇସ୍ତଫା ଦେଇଛନ୍ତି। ତିନିଥର ପୂର୍ବତନ କଂଗ୍ରେସ ବିଧାୟକ...

ଭାଜପା ସହ ହେଲା ନାହିଁ ମେଣ୍ଟ ତ ନବୀନ ଖେଳିଲେ ନୂଆ ଗେମ! ପୁରୁଷଙ୍କ ଟିକେଟ କାଟି ପତ୍ନୀମାନଙ୍କୁ କଲେ ପ୍ରାର୍ଥୀ

ନୂଆଦିଲ୍ଲୀ/ଭୁବନେଶ୍ୱର,୨୮।୩: ଓଡ଼ିଶାରେ ଶାସକ ବିଜୁ ଜନତା ଦଳ (ବିଜେଡି) ଆଗାମୀ ବିଧାନସଭା ନିର୍ବାଚନ ପାଇଁ ୪ ମହିଳାଙ୍କୁ ସେମାନଙ୍କ ସ୍ବାମୀଙ୍କ ସ୍ଥାନରେ ପ୍ରାର୍ଥୀ କରିଛି। ଏହି...

ରାଜ୍ୟର ୬ଟି ଲୋକ ସଭା ଆସନରେ କାହାକୁ ଟିକେଟ ଦେବ ବିଜେଡି, ଚର୍ଚ୍ଚାରେ ଏହି ନାଁ

ଭୁବନେଶ୍ୱର,୨୮।୩: ୨୦୨୪ ସାଧାରଣ ନିର୍ବାଚନ ପାଇଁ ଓଡ଼ିଶାର ୨୧ଟି ଲୋକ ସଭା ନିର୍ବାଚନ ମଣ୍ଡଳୀ ଭିତରୁ ୧୮ଟି ସ୍ଥାନରେ ନିଜର ପ୍ରାର୍ଥୀ ଘୋଷଣା କରିଥିବା ବେଳେ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri