ପୁରୁଷୋତ୍ତମପୁର,୨୩।୭(ଡି.ଏନ୍.ଏ.): ଗଞ୍ଜାମ ଜିଲାରେ କରୋନା କାୟା ବିସ୍ତାର କରିବାରେ ଲାଗିଛି। ଏଥିରେ ପୁରୁଷୋତ୍ତମପୁର ଏନଏସି୍ର ୱାର୍ଡ ନଂ.୧ କନକାସାହ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷୟତ୍ରୀ ଟି. ବିଜୟଲକ୍ଷ୍ମୀଙ୍କ ମୃତ୍ୟୁ ଘଟିଥିବା ବେଳେ ବିଭିନ୍ନ ୱାର୍ଡରୁ ୩୫ ଜଣ ଚିହ୍ନଟ ହୋଇଛନ୍ତି। ଏନେଇ ଏନ୍ଏସି ପ୍ରଶାସନ ପକ୍ଷରୁ ନର୍ବାହୀ ଅଧିକାରୀ ସୌମ୍ୟ ରଞ୍ଜନ ମିଶ୍ର ୭ଟି ୱାର୍ଡରେ ୧୪୪ ଧାରା ଜାରି କରିଛନ୍ତି। ସେଗୁଡ଼ିକହେଲା ୱାର୍ଡ ନଂ. ୨ (ହାଡି ସାହି), ୩ (ନଇତଡ ସାହି), ୫ (ଚିଙ୍ଗୁଡିଆପଦର ସାହି) ୭ (ପୁରୁଣା ପୋଷ୍ଟ ଅଫିସ ସାହି ), ୮( ରାଧାକାନ୍ତ ସାହି,) ୯ (ରଥସାହି ) ଓ ୧୨ (ରୁକୁଣୀ)। ଏଠାରେ ୧୪୪ ଧାରା ଜାରି କରାଯାଇ ରେଡ୍ଜୋନ ଘୋଷଣା ହୋଇଛି। ସୂଚନାଯୋଗ୍ୟ, ୱାର୍ଡ ନଂ ୧ରେ ୪ଜଣ, ୨ରେ ୫ ଜଣ , ୩ରେ ୨ଜଣ, ୫ରେ ୪ ଜଣ, ୬ରେ ଜଣେ, ୭ରେ ୮ ଜଣ, ୮ରେ ୫ଜଣ, ୯ରେ ୨ଜଣ, ୧୨ରେ ୩ ଜଣ ଓ ୧୩ରେ ଜଣେ ବ୍ୟକ୍ତି ପଜିଟିଭ୍ ଚିହ୍ନଟ ହୋଇଛନ୍ତି। ଏହାକୁ ଦୃଷ୍ଟିରେରେ ରଖି ମିଶ୍ର ଏଭଳି ନିଷ୍ପତ୍ତି ନେଇଛନ୍ତି। ଏହାକୁ ଖିଲାପ କଲେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସେ ଜନ ସାଧାରଣଙ୍କୁ ସୂଚାଇ ଦେଇଛନ୍ତି।
