ନୂଆଦିଲ୍ଲୀ,୩୦ ।୯: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁଇ ଦିନିଆ ଗୁଜରାଟ ଗସ୍ତରେ ଅଛନ୍ତି । ଶୁକ୍ରବାର ଏହାର ଦ୍ୱିତୀୟ ଦିନ । ଗୁରୁବାର ଖୁବ୍ ବ୍ୟସ୍ତ କାର୍ଯ୍ୟକ୍ରମ ସହ ଶେଷ ହୋଇଛି ତାଙ୍କ ପ୍ରଥମ ଦିନର ଗସ୍ତ । ଶୁକବ୍ରାର ବି ମୋଦିଙ୍କର ଅନେକ କାର୍ଯ୍ୟକ୍ରମ ରହିଛି । ସେଥିମଧ୍ୟରୁ ଗାନ୍ଧୀନଗର ଓ ମୁମ୍ବାଇ ମଧ୍ୟରେ ଚାଲିବାକୁ ଥିବା ବନ୍ଦେ ଭାରତ ଏକ୍ସପ୍ରେସକୁ ସବୁଜ ପତାକା ଦେଖାଇ ଶୁଭରମ୍ଭ କରିବେ ପ୍ରଧାନମନ୍ତ୍ରୀ । ଏହାସହ ଅହମଦାବାଦ ମେଟ୍ରୋ ଷ୍ଟେଶନର ପ୍ରଥମ ଭାଗର ଶୁଭାରମ୍ଭ କରିବା ସହ ମେଟ୍ରୋରେ ଯାତ୍ରା ବି କରିବାର କାର୍ଯ୍ୟକ୍ରମ ରହିଛି ।
ଅନ୍ୟପଟେ ବନ୍ଦେ ଭାରତ ଏକ୍ସପ୍ରେସରେ ମୋଦି ଗାନ୍ଧିନଗର ଷ୍ଟେଶନରୁ କାଲୁପୁର ଷ୍ଟେଶନ ପର୍ଯ୍ୟନ୍ତ ଯାତ୍ରା କରିବାର କାର୍ଯ୍ୟକ୍ରମ ରହିଛି । ପ୍ରଧାନମନ୍ତ୍ରୀ ଆବାଜିରେ ୭୨ କୋଟିର ବିକାଶ ପରିଯୋଜନାର ଶିଳାନ୍ୟାସ ଓ ଲୋକାର୍ପଣ କରିବେ । ଏଥିରେ ପ୍ରଧାନମନ୍ତ୍ରୀ ଆବାସ ଯୋଜନାରେ ନିର୍ମାଣ କରାଯାଇଥିବା ୪୫ ହଜାରରୁ ଅଧିକ ଘରର ଲୋକାର୍ପଣ ଓ ଶିଳାନ୍ୟାସ ସାମିଲ ଅଛି ।
